Éxodo 4:10 - Biblia Yanowamö

¹⁰ Ö̦jö ma cui, Jeobaa nija abinaja Moisesi a cuma. —Shädayai. Cafä Bada wanö, wale ma yömölale ma cui, ya aca jaba jayublou lä mlainaja, fei däjä ma cui, ya aca cuwä showawä. Ya aca bolebö showawä dicowä —a cuma.

Éxodo 4:10 Iomraidhean Croise

Éxodo 3:11

Moisesi a ma shömano wei ma cui, abinaja Yai Bada tä nija a cuu dicooma. —Ma. Camiyänö mlai. Bada a lä cui nijamö camiyä ya jubä ya malä mlai. Ejido jamö Isaeli ya ebä co̦abä yami —a cuma.

Éxodo 4:1

Ö̦jö däjä, Moisesi a wa̦ faö majöoma. —Inaja cafä wa ma cuu wei ma cui, wale a̦ bejedi nia bufiimije. ¿Ö̦jö tawä? Wale a̦ ji̦liaö mlajeicätä. Abinaja wale nowa nia shino taöje. “Cafä nija, ö̦jö Jeobaa wa tä a̦fa lä jilaö wei tä wawäblono mlaicätä”, wale nowa taö cuqueije —Moisesi bei a cuma.

Éxodo 6:12

abinaja Moisesi e cuu dicooma. —Shädayai. Ya aca jayumi waiquiwä. Isaeli ebä lä cuinö wale a̦ ji̦liaimi waiquiaje yalo, ö̦jö bada a lä cuinö bei yale a̦ ji̦liblaimi yaiquei —a cuma.

Éxodo 6:30

Einaja a cuma ma cui, abinaja Jeobaa nija Moisesi a cuma. —Shädayai. Ya aca jayumi waiquiwä. Ö̦jö bada a lä cuinö yale a̦ ji̦liabä yami.

Hechos 7:22

Ejidoteli bä nija Moisesi a fa damamonö, cama bä bufi jaducuwä lä culenaja a cublou mö fedulayoma. A wa̦ lä fano wei tä ma cui ja, a ca̦i lä cuaano wei tä ma cui ja, a nö wa̦lojaö dodijioma.

2 Corintios 10:10

Cafä wamacö lijamö, abenaja ai bä jo̦wa malä cuu wei. “Pablo oni etä a̦ jamö, a wa̦ ji̦limamou lofote. A wa̦ ji̦limamou ca̦i waiteli. Ö̦jö ma cui, cama a yai lä dablou wei däjä, a dablamou quilii majöo. A wa̦ nö lofotoblobimi talei.” Wale a̦fa wayoaöje ja, inaja bä jo̦wa cuu.

2 Corintios 11:6

Wawädowä bämacö lä yömölaö wei jamö, wamale aca a̦fa jayu taö ma mlai ma cui, tä a̦ nia yai lä wäyämou wei tä a̦ lä cui, camiyänö ya tä a̦ yai li daö. Wamale daö malä waiquile. Yamacö cuaablalou lä bädao wei tä ma cui ja, yamacö bejedi dablamou.