Éxodo 3:8 - Biblia Yanowamö

⁸ Ejidoteli bä nija ya bä jucäaö co̦obä, ya itou waiquia lä cule. Ö̦jamö ya bä fa co̦länö, tä ulifi dodijidawä lä blaucui jamö ya bä ca̦i cuaaö co̦ofälöbä. Tä ulifi nö lä niji wei jamö ya bä nia lulubou, tä nö ofi lä mlai jamö. ¿Ö̦jö tawä? Canaanateli bä ulifibö ma cui ja, idida bä ulifibö ma cui ja, amoleo bä ulifibö ma cui ja, feleseo bä ulifibö ma cui ja, ebeo bä ulifibö ma cui ja, jebuseo bä ulifibö ma cui ja, ö̦jamö bä bälöo nomöjöobä, ya bä ca̦i nia cuaaö co̦ofälöö.

Éxodo 3:8 Iomraidhean Croise

Génesis 11:5

Bä lä yafimono wei jamö, Jeobaanö bä yafibö möbä a itolayoma. Yafi ösöwä a ca̦i nia fa möönö, yanowamö täbä nija a waloqueyoluma.

Génesis 11:7

Bei. Bämacö itou da co̦fälö. Bäma bä caficö a̦ fa shomiblamalönö, bä a̦ ji̦liayou mladobä —Jeobaa a cuma.

Génesis 15:13

Ö̦jö däjä, Ablamö nija Jeobaa a wa̦ majali faö co̦oma. —Wale a̦ ji̦lia da dodijilä. Afä bä nia lä nodiblou wei bä lä cui, shomi tä ulifi jamö bä nö nia bälöo bleaaö. Shomi täbä nosie juamobä, bä nia tabou dicooje. Bä shömaö fa cuaajenö, bä nö nia bleaamaö nö dedeaöje. Lasha 400 a nia famaö nodiablalouje.

Génesis 15:14

Bä nö nia bleaamaö nö ma dedeaö wejei ma cui, camiyänö, inaja showawä ya bä li taamaö mö feduo weicätä. Inaja ya bä taamaö däjä, afä ya bä famaö co̦o däjä, bloque ya bä nia documaimi. Madofi bä ma cui, yalo bä ma cui, ö̦jö bä nia ca̦i bluca faö co̦ofälööje.

Génesis 18:21

öjamö ya nia dömöbaliyofälöö. Camiyä nija, bä nofi a̦fa jushuaö lä wäyäö wejei, ya bä a̦ bejedi möbä. Inaja tä cua ja, ya tä dablaö cuquei —a cuma.

Génesis 43:11

Ö̦jö däjä, abinaja bä fö̦ö Isaelinö bä nowa tama. —Jo. Inaja wamacö cuu waiquiwä ja, abinaja wamacö fa cuaanö wamacö jubä. Ei tä ulifi jamö täbä dodijidawä lä cule täbä ja, bada wama a dobäbä, täbä da didiläfälöje. Täbä jölöcamobä täbä nö cle̦deli ca̦i, buu ubä ca̦i, täbä nö cle̦deli u̦cucamobä täbä ca̦i, jai jawali cocobä cuwä täbä cublawä mö lä fedui täbä ca̦i, ö̦jö wama etäbä ca̦i jufälöbä.

Génesis 46:4

Camiyänö, Ejido jamö bäfä ca̦i nia dömöfälöö. Ö̦jamö lä ijilufä nodiwä ya ebä ca̦i dolequea fa co̦bonö, ya bä bälaö co̦o wä. Cafä wa lä cui, ijilufä José nijamö, wa bufi nia wa̦lobada mlao —a majali cuma.

Génesis 50:24

Ya̦cumö, cama mashi ebä nija, José a wa̦ fama. —Ya bufi mlaaö a lä cuimadi. Ö̦jö ma cui, Yai Bada tänö wamacö fe nia waloo juoyoluu. Wamacö nia co̦aö. Tä a̦fa ulifi jaba lä wäyäno wei jamö, wamacö nia lulubou co̦ofälöö. Ablaamö nija ma cui, Isaacö nija ma cui, fayä Jacobo nija ma cui, a wa̦ nö wäo malä balöono wei —a cuma.

Éxodo 12:41

Ö̦jö lasha 430 a ya̦cumö fa famalöjenö, Jeobaa ebä bluca lä bälöblaono wei ebä fa toujublalunö, Ejido tä ulifi daquefälömaje.

Éxodo 12:51

Ö̦jö tä lä dödöle tä mö jalu showawä ja, Ejido jamö Isaeli ebä bälöo lä yaiblamono wei, Jeobaanö bä jödödöwä co̦alalefälöma.

Éxodo 13:5

’Wamacö nö badabö nija, Jeobaanö tä a̦fa ulifi lä wäyäno wei jamö wamacö ca̦i waloqueno wei ja, ö̦jamö lä, ei wama a nö belibo dabolanö, wamacö nia iyaö ca̦i co̦camou co̦o —a cuma—. Canaanateli bä ulifibö ma cui, idida bä ulifibö ma cui, amoleo bä ulifibö ma cui, ebeo bä ulifibö ma cui, jebuseo bä ulifibö ma cui, cafä wamacö bälöo nomöjöobä, a wa̦ nö wäo balöoma. Ö̦jamö lä, tä ulifi nö niji dodijiwä. Tä nö ca̦i ofimi.

Éxodo 3:17

’Ejido jamö bä nö lä bleaale, ya bä nia co̦aö —a cuma—. Ö̦jö ya wa̦ nö wäo waiquia lä cule. Shomi täbä ulifibö jamö ya bä bälöamaö läobä, ya bä ca̦i nia cuaaö nomöjöofälöö. Tä ulifi nö lä niji wei jamö bä nia bälöo, tä nö ulifi ofi lä mlai jamö. Canaanateli bä ulifibö ma cui, idida bä ulifibö ma cui, amoleo bä ulifibö ma cui, feleseo bä ulifibö ma cui, ebeo bä ulifibö ma cui, jebuseo bä ulifibö ma cui, ö̦jö lä bä ulifibö jamö ya bä nia bälömabou nomöjöo.

Éxodo 34:11

Ei ya wa̦ lä cui, wamale a̦ nofi fa jaducubonö, wamale nosie nia shino juaö. ’¿Ö̦jö tawä? —a cuma—. Amoleo bä ma cui, Canaanateli bä ma cui, idida bä ma cui, feleseo bä ma cui, ebeo bä ma cui, jebuseo bä ma cui, cafä wamacö bälöo nomöjöobä, ya bä nia bluca yashublaö.

Éxodo 5:23

Cafä wa wa̦nö, bada a nija ya fa icuicunö, ei bä lä cui, bä co̦amaö mlai ja, bä nö yai bleaamaö fe balojoa dicoa lä cule. Cafä wa ma cuinö, afä wa bä ca̦i co̦aimi waiquiwä —a cuma.

Números 13:18

wama tä ulifi möö cuaabä. Ö̦jamö bä lä bälöle, jai bä nö wa̦lojabä bä mömou cuwä da möje. Täbä lä bälöjöi täbä bluca da mö.

Números 13:19

Cama bä lä bälöle bä ulifibö ca̦i dodijidawä da möje. Ulifi jamö bä bälöblawä bädawä ja, ala nabänö bä yai ji̦coloblawä ja, ö̦jö wama tä nia ca̦i möö.

Números 13:27

Moisesi nija abinaja bä cuma. —Wa tä nabä ulifi lä shömano wei jamö, yama tä ulifi mödayoma. Tä nö ulifi niji fe balojowä, tä nö ulifi ofimi. Täbä nii ai lä cublai, ei bei täbä.

Juan 3:13

Abinaja e cuu co̦oma. —Fedu jamö a yanowamö lä ösölayono wei a cuami, wama a wa̦ ji̦liabä. Ö̦jamö lä ya cuoma ya lä itolayono wei ya lä cuinö ya tä shino li daö, ya lä yanowamöblaleyoluno wei ya lä cuinö.

Juan 6:38

Fedu jamö culanö ya lä itolayono wei ya lä cuinö, camiyänö ya tä taö lä bufii wei ya tä tabä, ya itono malä mlai. Wale lä shömöleno wei a lä cuinö, ö̦jönö tä tamaö lä bufii wei ya tä yai tabä, ya malä itolayono wei.

Josué 5:6

Tä ulufi lä wa̦lidiono wei jamö, Isaeli ebä fuu showai ja, lasha 40 a famalemaje cudeenö, Ejido jamö bä lä docuano wei bä malä nomalaliyono wei, bä ishobä bä bluca lä cuono wei. Bä nö badabö lija tä a̦fa ulufi wäa lä balöqueno wei, cama bä lija tä ulufi nia jibäama. Tä nö ulufi jo̦wa nijioma. Tä nö ca̦i ofäonomi. Ö̦jö ma cui, a wa̦ ji̦liblaö fa mlacujenö, Jeobaa a wa̦ nö wäo co̦oma. Cama bä lija tä ulufi nia dablamanomi majöwä.