Éxodo 3:7 - Biblia Yanowamö

⁷ Ö̦jö däjä, Jeobaa a wa̦ faö co̦oma. —Ejido jamö iba bä nö lä bleaale ya bä dablaö waiquia. Bada bä lä lämou wei bänö, bä shömaö fe blacäjouje ja, ya bä a̦ nö bleaaö ji̦liaö waiquia. Bä nö lä bleaale ya tä daö.

Éxodo 3:7 Iomraidhean Croise

Génesis 16:11

Abinaja Jeobaa etä a̦jelenö a nowa ca̦i tama. —Ijilufä wa lä didibole, wa̦lo a wai. Isimali wa wa̦fa nia jilaö. Jeobaanö wa wa̦ nö bleaaö ji̦lilema yalo, Isimali wa wa̦fa jilabä.

Génesis 18:21

öjamö ya nia dömöbaliyofälöö. Camiyä nija, bä nofi a̦fa jushuaö lä wäyäö wejei, ya bä a̦ bejedi möbä. Inaja tä cua ja, ya tä dablaö cuquei —a cuma.

Génesis 21:17

Ijilu a ö̦cöö juobä ja, Yai Bada tänö ö̦jö a wa̦ ca̦i ji̦liledayoma. A wa̦ fa ji̦lilänö, fedu jamö culanö Yai Bada etä a̦ a̦jele bädaliyoma. Acala nija, abinaja a cudaliyoma. —¿Wedi tä tawä, Acala? A quili dijä. Quijamö ijilu a wa̦ lä cule, Yai Bada tänö a wa̦ ji̦liaö malä waiquile.

Génesis 29:32

Leami a fa shibönabölönö, bei ijilubö e tablalema. Jeobaa nija a bayeliblamoma cudeenö, Lubeni a wa̦fa jilaquema. Abinaja a cuma. —Ya nö ma bleaano wei ma cui, Jeobaanö wale nofi fa ojodadalönö, fei däjä iba wa̦lonö wale nia yai nofimaö dodijio —a cuma.

Génesis 31:12

“Tä da möbla”, a cuma. “Bä lä feyacablou wei bä lä cui, ai bä shedidiwä, ai bä badijiwä, ai bä ö̦sho blacocowä. Showafä Labanonö wa lä mölamaö wei, ya tä dablaö yalo, inaja ya bä yalo tablamaö a lä cule”, Yai Bada tä a̦jele majali cuma.

Éxodo 1:11

Ö̦jö cudeenö, Isaeli ebä nosiemaö fe blacäjobeje, bada bä lämaquemaje. Bä ojodamobä jamö bä fe fa blacäjamajenö, bä nö bleaamamaje. Bada a wa̦ ja, shabono bolacabö cäcöbö bada tablamalemaje, nii bä shi̦liqui shömomabeje. Ai a shabono lä cui, Bidono tä a̦fa shabono cuoma. Ai a mö feduwä lä cui, Lamesei bei tä a̦fa shabono cuo mö feduoma.

Éxodo 1:8

Bei. Tä nö fa dedelönö, ya̦cumö Ejidoteli bä nija José a wa̦fa ji̦libou lä mlai a bada läa nomöjöquema.

Éxodo 33:13

¿Ö̦jö tawä? Bäfä bufi doblamabou waiquiwä ja lä, wale yömölaö da cadidio. Yamalecö nia lä taamaö weinaja, wale yömölaö fa cadidionö, camiyänö cafä bäfä li daö mö feduobä. Bäfä a̦ ji̦liaö fa shalilionö, bäfä bufi doblamabou showaobä. Ei bä bluca lä cui, “Iba ya bä lä yaileno wei bä li waiquiwä”, bä nofi da tabo —Moisesi a cuma.

Éxodo 5:10

Ö̦jö cudeenö, bada a wa̦ fa ji̦liläjenö, bä bluca faa co̦layofälöma. Ejidoteli bada bä lä läono wei bä ma cui, cama Isaeli ebä läo mö lä feduono wei bä ma cui, bä bluca faa fa co̦lufälönö, Isaeli ebä yömölalemaje. Abinaja bä cuma. —Bada a lä cui yama a wa̦no taö lä cule. Cafä wamacö nija bölösö bä nia jo̦wa jöbämaö co̦daaimije.

Éxodo 5:6

Ö̦jö däjä showawä, Isaeli ebä ojodamobä jamö bä lä lämabono wei bä lä cui, bada anö bä nosiemama. Ejidoteli bada bä lä lämabono wei bä ma cui, cama Isaeli ebä läo mö lä feduono wei bä ma cui, bä nosiemaö ja, abinaja bä nowa tama.

Números 20:16

Yamacö nofi nia ojode fa tablamonö, Jeobaa nija yamacö a̦ nacläama. Yamacö a̦ fa nacläanö yamalecö a̦ ji̦lilema. Jeobaa etä a̦jele fa shömölödunö, Ejido jamö yamalecö co̦lema. Fei däjä Cadesi jamö yamacö bälöblaa lä cule, cafä wamacö sibobö ajede ja.

Hechos 7:34

Ejido jamö, iba bä nö lä bleaamalajei ya bä dablaö dodijia waiquia lä cule. Ya bä a̦ nö bleaaö ji̦liaö waiquiwä. Ejidoteli bä nija ya bä jucäabä, ya itou waiquia lä cule. ¿Ö̦jö tawä? Bei. Ejido jamö cafä bäfä nia shömaö.

Hebreos 4:15

Bämalecö nofi lä bäyäbou wei a Bada lä cuinö, bämacö lä yabäcamou wei tä malä dale. Bämalecö nofi jalujubou. Fecula bada lija camiyä bämacö lä yabäcamou weinaja, cama a ca̦i yabäcamou cuo mö feduoma ma cui, wa̦lidiwä tä tanomi.

1 Samuel 9:16

—Fena ja, einaja tä cuo däjä, cafä lija Bejamino ai ya e nia shimaö, iba Isaeli ebä lijamö ya bada nia lä tamabou wei. Bada a läobä, täbä lä jölöcaö wejei toubä dabönö wa fa jölöcölönö, wa nia yaiamaö. Filideo bänö iba bä nö ma bleaamaö wejei ma cui, ö̦jönö bä yai bayeliblaö läobä, a nia cuo. Iba bä nö lä bleaamalajei ya tä malä möle. Bä nofi ojode tablamobä bä a̦ lä nacläale, ya bä a̦ ji̦liaö —a Jeobaa cuma.