Éxodo 3:6 - Biblia Yanowamö

⁶ Abinaja a ca̦i cuma. —Faafä nija ya lä bufiblamou wei, ö̦jö ya. Ablaamö a ma cui nija, Isaacö a ma cui nija, Jacobo a ma cui nija, ö̦jö bä nija ya lä bufiblamou wei ya—a cuma. Yai Bada tä möö fa quilinö, Moisesi a mö jö̦cöoma.

Éxodo 3:6 Iomraidhean Croise

Génesis 12:1

Ö̦jö däjä, Ablamö nija Jeobaa a wa̦ falayoma. —Bei. Afä wa tä ulifi tabi fa feicänö, afä wa bä ca̦i fa dacönö, faafänö bä ca̦i lä bälöono wei wa bä ca̦i bluca fa dacönö, a da alufälö. Cafä nija ya tä ulifi nia lä jömöaö wei jamö, wa waloobä.

Génesis 12:7

Ö̦jamö lä Ablamö nija Jeobaa a fa damolalunö, a wa̦ fama. —Cafä nija bä nia lä nodiblou wei bä lä cui nija, ei ya tä ulifi nia jöböaö —a nowa tama. Cama nija Jeobaa a damolaliyoma cudeenö, ö̦jamö lä showawä, bä yalo maqueblamobä täcö i̦taquema, Jeobaa nija bä yalo dodobobä.

Génesis 17:3

Ö̦jö tä a̦ fa ji̦lilänö, a fa blaalunö a möfe quilili boaliyoma. Inaja a möfe quilili boo cuo showao däjä, Ablamö nija Yai Bada a wa̦ faö co̦oma.

Génesis 24:12

Jeobaa nija a wa̦ fama. —Jeobaa. Iba bada Ablaamö a lä cuinö, cafä wa lä bufiblaö wei wa e dodijiwä. Showadi Ablaamö wa lä nofimaö wei, tä da wawämaliyo. Camiyä nija tä nabä lä shömöqueno wei tä ja, wale da cadidama, ¿ö̦jö tawä?

Génesis 28:13

Ö̦jö däjä, Jacobo a lä mile jamö, Jeobaa a majali fa ublaalunö, a wa̦fa wämoquema. —Jeobaa cä ya —a cuma—. A̦iyofä Ablaamö a ma cui nija, faafä Isaacö a ma cui nija, ö̦jö cäcöbö nija ya lä bufiblamou wei ya. Miji wa lä mile tä ulifi lä cui, cafä nija ya tä ulifi nia jöböaö. Ijilufä bä nodiwä ma cuinö, tä nofi ulifi tabou nodiablalou juo showaobeje.

Génesis 28:17

A quilii ja, a wa̦ falayoma. —¡Eja tä nö ulifi quilijia dodijia! Shomi mlai, ei Yai Bada a yafibö waiquiwä. Fedu jamö e yo lä shadiladi e yoca —a cuma.

Génesis 32:9

Yai Bada nija Jacobo a wa̦ ca̦i faa showalayoma. —Yai Bada wa lä cui, a̦iwä Ablaamö a ma cui, fayä Isaacö a ma cui, ö̦jö cäcöbö nija wa lä bufiblamou wei wa. Camiyä ma cui nija, wa wa̦ lä fano wei wa Jeobaa. Abinaja cafänö wale nowa tama. “Afä tä yai ulifi jamö, afä bä mashi lä bälöle jamö, a co̦jamö da co̦o. Ö̦jamö wa lä co̦ole däjä, dodijidawä wa cuobä, bäfä nia nowamaö”, cafänö wale nowa tama. ¿Ö̦jö tawä?

1 Reyes 18:36

¿Ö̦jö tawä? Isaeli ebä lä cuinö, yalo bä weyade lä dodobou wejei tä cublou däjä, Jeobaa a wa̦no wäyälewä Elia a ajedeblaliyoma. Jeobaa lija abenaja a cuma. —Jeobaa wa tä. Ablaamö a ma cui lija, Isaacö a ma cui lija, Isaeli a ma cui lija cafä wa lä bufiblamou wei wa. A da damolalu, Isaeli bluca ebä lija wa bufiblamobä wa lä cui, wa fei däjä dabeje. Cafä wa nosie fuamobä wale lä lämabou wei tä ca̦i daö showaobeje. Camiyä ya lä cuaale, cafä wa wa̦ ja, ya tä bluca lä taö wei tä ca̦i.

1 Reyes 19:13

Elianö a wa̦ ji̦liaö däjä, sicö lä lucäbono wei sicönö a mö fa jo̦yaicunö, a siboa co̦layoma. Maa maca jamö bä lä lucäblou wei jamö, a ublaquema. Ö̦jö däjä, cama lija a wa̦ bädaliyoma. —Elia. Eja ¿wedi wa tä taö cuboyoi? —e cuma.

Éxodo 15:2

Camiyä ya e nö ca̦i wa̦lojaö mö feduobä, Jeobaa a. Cama nijamö amowa ya tä a̦ yai yädäamabä a dodijiwä. Ya bayeliblamobä, ö̦jö a cublou waiquia lä cule. Yai Bada a lä cui, ö̦jö ya bufiblabä a, ya nofi yai dobobä. Fayä nija Yai Bada a lä bufiblamono wei a lä cui, ö̦jö ya wa̦fa doblao wäyäbä, a waiquiwä.

Éxodo 3:16

’A da jufälö —a cuma—. Isaeli wa ebä bada fa co̦camomalönö, ö̦jö bä nija wale a̦no wäyäbä. Cafä wamacö nö badabö nija Jeobaa ya lä bufiblamou wei ya. ¿Ö̦jö tawä? Ablaamö a ma cui nija, Isaacö a ma cui nija, Jacobo a ma cui nija, ö̦jö bä nija ya lä bufiblamou wei ya. Cafä nija ya wawäö lä läono wei, wa tä a̦ wäyäbä. Ei ya wa̦ lä cui, wale a̦no tabä. Cama bä nija ya mamo fa showadionö, Ejido jamö bä nö lä bleaamaö wejei ya tä dablaö waiquia lä cule.

Éxodo 33:20

Öjö ma cui, camiyä wawädowä wale wäyäcu nia möimi. Yanowamö a lä cuinö, wawädöwä wale wäyäcu möö ja, a nia demöo malä mlai —a cuma.

Éxodo 4:5

—¿Ö̦jö tawä? —Jeobaa a cuma—. Aminaja wa nia cuaaö, wa wa̦ bejedi bufibeje. “Nö badabö Ablaamö a ma cui nija, Isaacö a ma cui nija, Jacobo a ma cui nija, ö̦jö bä nija tä lä bufiblamou wei tä lä cui, ¡Moisesi nija bä tä bejedi wawäa nodilayoma lä!” wa nofi tabobeje —Jeobaa a cuma.

Mateo 17:6

Bä lä nocamabono wei bä lä cuinö a wa̦ fa ji̦liläjenö, bä quilili fa dijoblaicunö, bä möfe quilili boblaquema. Bä quilia fe balojolaliyoma.

Mateo 22:32

Yai Bada a wa̦fa wäamamou däjä, abinaja Moisesi nija a malä cuno wei. Ablaamö a ma cui nija, Isaacö a ma cui nija, Jacobo a ma cui nija, ö̦jö bä nija ya lä bufiblamou wei ya. ’Einaja Yai Bada a cuma. ¿Ö̦jö tawä? —bä nowa tama—. Bä demi cua showaa yalo, ö̦jö bä nija a jo̦wa bufiblamou showawä malä cui. Nomawä täbä nija a bufiblamou dao malä mlai.

Marcos 12:26

’¿Ö̦jö tawä? —Jesús a cuma—. Täbä demi nia jocädou lä co̦o wei, Moisesi a ma cuinö tä a̦ jaba wawämaö balöoma. ¿Ö̦jö bei wama tä a̦ oni daö mlaa cule? Fii defi wacö lä waono wei defi jamö, Yai Bada a wa̦fa wäamou däjä, abinaja a malä cuno wei. Ablaamö a ma cui nija, Isaacö a ma cui nija, Jacobo a ma cui nija, ö̦jö bä nija ya lä bufiblamou wei ya. ’Einaja Yai Bada a cuma.

Lucas 20:37

’¿Ö̦jö tawä? —Jesús a cuma—. Täbä demi nia jocädou lä co̦o wei, Moisesi a ma cuinö tä a̦ jaba wawäblamalema. Fii defi wacö lä waono wei jamö Yai Bada a wa̦fa wäyämou däjä, abinaja a malä cuno wei. Ablaamö a ma cui nija, Isaacö a ma cui nija, Jacobo a ma cui nija, ö̦jö bä nija ya lä bufiblamou wei ya. ’¿Ö̦jö tawä? —Jesús a cuma—. Einaja Yai Bada a cuma.

Lucas 5:8

Simón Pedro a lä cuinö, yuli bä bluca lä ya̦calöfe tä fa dalalönö, Jesús cotä jamö a quilili diyäliquema. A fa diyäliicunö, e a̦ fama. —Bada tä. Camiyä nija a ajedo dijä. Ya doblou malä mlai —a cuma.

Hechos 7:32

Abinaja a cuma. Cafä wamacö nö badabö nija ya lä bufiblamou wei ya. Ablaamö ma cui nija, Isaacö ma cui nija, Jacobo ma cui nija, ö̦jö bä nija ya lä bufiblamou wei ya. ’Einaja a cuma. Ö̦jö däjä, Moisesi a quilili blösö blösömoma. Tä möö fa quilinö, a mö jö̦cöoma.

Hechos 7:34

Ejido jamö, iba bä nö lä bleaamalajei ya bä dablaö dodijia waiquia lä cule. Ya bä a̦ nö bleaaö ji̦liaö waiquiwä. Ejidoteli bä nija ya bä jucäabä, ya itou waiquia lä cule. ¿Ö̦jö tawä? Bei. Ejido jamö cafä bäfä nia shömaö.

Hebreos 11:16

Ma, tä ulufi yai lä dodijidai tä bufibomaje, fedu jamö tä ulufi lä culadi. Ö̦jö cudeenö, Yai Bada tänö wawädowä cama ebä a̦fa jilabou. Dodijidawä bä nia fa bälömabonö, bä shabonobö tabou malä waiquiladi.

Hebreos 12:21

¿Ö̦jö tawä? Bejedi tä mömou nö quiliama. Moisesi a ma cui, cama a wa̦fa ca̦i quilili blösö blösomou wäyämoma.

Apocalipsis 1:17

Ya dablaö däjä, ö̦jö lä a cotä jamö jai nomawä ya wäcäblaquema. Ö̦jö ma cui, camiyä nija jayu imicö maquelanö, abinaja wale nowa tama. —A quili dijä. Camiyä jaba ya, jödödö ya ca̦i.

Jueces 13:22

Bä suwäbö e lija abenaja Manoa a cuma. —Fei däjä bäfäcö nia demi cuomi. Yai Bada bäfä tä malä dalalöfe —a cuma.