Éxodo 3:4 - Biblia Yanowamö

⁴ Jeobaanö a bao fa dalalönö, fii defi ja culanö, Yai Bada tä a̦ bädaliyoma. —¡Moisesi, Moisesi! —¡Aö!

Éxodo 3:4 Iomraidhean Croise

Génesis 22:1

Tä nö fa dedeblalunö, Yai Bada tänö Ablaamö a bufi wabama. —¡Ablaamö! —a cuma. —¡Aö!

Génesis 22:11

A ma yalejedaleno wei ma cui, fedu jamö culanö, Jeobaa a wa̦ a̦jele bädaliyoma. —¡Ablaamö! ¡Ablaamö! —¡Aö!

Génesis 28:16

Ö̦jö däjä, Jacobo a fa la̦lönö, abinaja a cuma. —“Eja Jeobaa a cule daanö”, ya bufi cuno ma mlai ma cui, ¡a nofi cuo dodijio yaiono wei! —a cuma.

Génesis 46:2

Ö̦jamö Yai Badanö Isaeli a wa̦ majali wayomama. —Jacobo, Jacobo. —Aö.

Éxodo 19:3

Ö̦jö däjä, Yai Bada nija a icuobä, bei macö jamö Moisesi a dubefälöma. Bei macö jamö Jeobaa a culanö, a wa̦ bädaledayoma. Abinaja a cuma, Moisesi nija. —Jacobo ebä nija, Isaeli ebä lä cui nija, wale a̦no da wäyä. Wa bä nowa nia taö.

Éxodo 3:2

Ö̦jamö lä, Moisesi nija Jeobaa etä a̦jele wawälayoma. Fii defi wacö lä wao wei tä möamo jamö a wawälayoma. Moisesinö cowa wacö wao fa dalalönö, tä mödalema. Defi ö̦shöö ma dodijiono wei ma cui, defi waicanomi.

Éxodo 33:12

Ö̦jö däjä, Jeobaa nija Moisesi a wa̦ falayoma. —Bei. Cafänö abinaja wale nowa tama. “Ei bä lä cui, wa bä ca̦i juu co̦ofälöbä”, wa ma cuno wei ma cui, ya bufi wedinajamou showawä. “¿Wedi jamö a lä cuinö yamalecö ca̦i li jufälöbä?”, ya bufi cuu. Ö̦jö ma cui, abinaja wa ca̦i cuma, cafä. “Cafä bäfä li daö waiquiwä. Wale bufi doblamabou waiquiwä”, wa cuma.

Éxodo 4:5

—¿Ö̦jö tawä? —Jeobaa a cuma—. Aminaja wa nia cuaaö, wa wa̦ bejedi bufibeje. “Nö badabö Ablaamö a ma cui nija, Isaacö a ma cui nija, Jacobo a ma cui nija, ö̦jö bä nija tä lä bufiblamou wei tä lä cui, ¡Moisesi nija bä tä bejedi wawäa nodilayoma lä!” wa nofi tabobeje —Jeobaa a cuma.

Levítico 1:1

Cama e yano jamö culanö, Jeobaanö Moisesi a fa nacalänö, abinaja e cuma.

Hechos 10:13

Ö̦jö däjä, tä a̦ wawälayoma. —Bei, Pedro. Miji bä da shäalalö, wa iyabä —tä cuma.

Hechos 10:3

¿Ö̦jö tawä? Motoca a lä yajadodoblole däjä, Yai Bada tänö cama a̦jele etä fa shömöludunö, Conelionö wawädowä tä möma. Conelio a lä cule jamö a fa lucälönö, a wa̦ wawälayoma. —Conelio —a cuma.

Hechos 9:4

Ö̦jö däjä, a fa wäcäblaicunö, a wa̦ ji̦lia showalema. —Saulo, Saulo —a cuma—. ¿Wedi tabä wale nö bleaamaö dicoa cule?

1 Samuel 3:10

Ö̦jö däjä, Jeobaa a ublaa fa ajedeblaliyonö, Samuel lija a wa̦ faö co̦oma, a wa̦ jaba faö ja, a lä cuno weinaja showawä. —¡Samuel! —a cuma— ¡Samuel! Ö̦jö däjä, Samuel a wa̦ fuoma. —A wa̦ da fa. Cafä bä a̦ fuabä ya lä cuinö bä a̦ ji̦liaö lä cule —a cuma.

1 Samuel 3:4

Ö̦jö däjä, Jeobaa e a̦ bädou fe jalulayoma. —¡Samuel! —a cuma—. ¡Samuel! —Aö —a cuolanö,

1 Samuel 3:6

Ö̦jö däjä, Jeobaa a wa̦ bädou co̦oma. —¡Samuel! Samuel a jocädou fa co̦lonö, Eli lijamö a icua co̦quema. Abenaja e cuma. —¿Wedi bei tä? Wale lä nacafe. Ö̦jö ma cui, abenaja Eli a cuu co̦oma. —U̦asi, bä nacanomi. A blaa da co̦icudu.

1 Samuel 3:8

Ö̦jö däjä, Samuel lija Jeobaa 3 a wa̦ faö co̦o däjä, Samuel a fa jocädalunö, Eli lijamö a faa co̦layoma. —¿Wedi bei tä? Wale lä nacafe —a cuu co̦oma. Ö̦jö däjä, ijilu a lä cui lija, Jeobaa a wa̦ yai lä fano wei tä ja, Eli a bufi möblaliyoma.