Éxodo 3:16 - Biblia Yanowamö

¹⁶ ’A da jufälö —a cuma—. Isaeli wa ebä bada fa co̦camomalönö, ö̦jö bä nija wale a̦no wäyäbä. Cafä wamacö nö badabö nija Jeobaa ya lä bufiblamou wei ya. ¿Ö̦jö tawä? Ablaamö a ma cui nija, Isaacö a ma cui nija, Jacobo a ma cui nija, ö̦jö bä nija ya lä bufiblamou wei ya. Cafä nija ya wawäö lä läono wei, wa tä a̦ wäyäbä. Ei ya wa̦ lä cui, wale a̦no tabä. Cama bä nija ya mamo fa showadionö, Ejido jamö bä nö lä bleaamaö wejei ya tä dablaö waiquia lä cule.

Éxodo 3:16 Iomraidhean Croise

Génesis 1:7

Inaja Yai Bada tänö mösö fa tamacönö, mau ubä shedequeblamalema. Bäfätä jamö u lä cuinö, tä ulifi shododoo fa showaonö, mösö lä lelemaquedayono wei mösönö, ai u ja̦maquedayoma. Inaja lä tä cublou showadalayoma.

Génesis 21:1

Jeobaanö Sara a bayeliblaleyoluma, a nowa lä tano weinaja showawä. A wa̦ nö wäo balöo ja, a lä cuno weinaja, tä cublaliyoma. Bei ijilubö e cuquema.

Génesis 28:13

Ö̦jö däjä, Jacobo a lä mile jamö, Jeobaa a majali fa ublaalunö, a wa̦fa wämoquema. —Jeobaa cä ya —a cuma—. A̦iyofä Ablaamö a ma cui nija, faafä Isaacö a ma cui nija, ö̦jö cäcöbö nija ya lä bufiblamou wei ya. Miji wa lä mile tä ulifi lä cui, cafä nija ya tä ulifi nia jöböaö. Ijilufä bä nodiwä ma cuinö, tä nofi ulifi tabou nodiablalou juo showaobeje.

Génesis 48:15

Imicö fa maqueicunö, Jeobaa nija, José ebä bayelimaö bufima. —Fayä Isaacö sho, a̦iwä Ablaamö sho cäcöbö lä cuinö, showadi Yai Bada a nosie fa juabönö, cäcöbö bufi cadidoma. Ö̦jö a Yai Bada showawä lä cuinö, camiyä showadi wale lulubou cudeenö, wale lulubou malä showale.

Génesis 50:24

Ya̦cumö, cama mashi ebä nija, José a wa̦ fama. —Ya bufi mlaaö a lä cuimadi. Ö̦jö ma cui, Yai Bada tänö wamacö fe nia waloo juoyoluu. Wamacö nia co̦aö. Tä a̦fa ulifi jaba lä wäyäno wei jamö, wamacö nia lulubou co̦ofälöö. Ablaamö nija ma cui, Isaacö nija ma cui, fayä Jacobo nija ma cui, a wa̦ nö wäo malä balöono wei —a cuma.

Éxodo 1:8

Bei. Tä nö fa dedelönö, ya̦cumö Ejidoteli bä nija José a wa̦fa ji̦libou lä mlai a bada läa nomöjöquema.

Éxodo 13:19

Moisesinö José bei ubä fa co̦alalöfälönö, ubä ca̦i alayoma. ¿Ö̦jö tawä? Josénö, Isaeli bei ijilubö ebä a̦ nö malä wäamano wei, bei a̦iyobö ebä lä cui. Abinaja a cuu balöoma. “Yai Bada tänö wamacö co̦abä wamacö fe nia walou. Ö̦jö däjä, wamacö ca̦i dolecou co̦ofälöbä jamö, wamale ubä ca̦i juufälöbä”, a cuu balöoma.

Éxodo 15:14

Wa lä cuaafe tä ja, bä bluca lä bälöblai bä moyawe waiquiwä. Bä ca̦i quilii fe balojowä. Filideo bä lä cui, bä nö quilili bleaaö.

Éxodo 17:5

Abinaja Jeobaa a cuma, Moisesi nija. —Isaeli wa ebä fa nacaläfälönö, bada ai bä lä cui bä ca̦i da balöfälö. Nilo wa u lä shäqueno wei wa defi bolanö, wa jubä.

Éxodo 2:25

¿Ö̦jö tawä? Yai Bada tänö Isaeli ebä nö bleaaö fa dalalönö, bä nofi jalujuboma.

Éxodo 24:11

¿Ö̦jö tawä? Yai Bada tänö dodijidawä Isaeli ebä bada ca̦i cuodayoma. Bä yabäcanomi. ¿Ö̦jö tawä? Yai Bada a lä cui, a möö wawädomaje. Camanö bä ca̦i lä cuono wei jamö bä iyama.

Éxodo 3:2

Ö̦jamö lä, Moisesi nija Jeobaa etä a̦jele wawälayoma. Fii defi wacö lä wao wei tä möamo jamö a wawälayoma. Moisesinö cowa wacö wao fa dalalönö, tä mödalema. Defi ö̦shöö ma dodijiono wei ma cui, defi waicanomi.

Éxodo 3:6

Abinaja a ca̦i cuma. —Faafä nija ya lä bufiblamou wei, ö̦jö ya. Ablaamö a ma cui nija, Isaacö a ma cui nija, Jacobo a ma cui nija, ö̦jö bä nija ya lä bufiblamou wei ya—a cuma. Yai Bada tä möö fa quilinö, Moisesi a mö jö̦cöoma.

Éxodo 4:1

Ö̦jö däjä, Moisesi a wa̦ faö majöoma. —Inaja cafä wa ma cuu wei ma cui, wale a̦ bejedi nia bufiimije. ¿Ö̦jö tawä? Wale a̦ ji̦liaö mlajeicätä. Abinaja wale nowa nia shino taöje. “Cafä nija, ö̦jö Jeobaa wa tä a̦fa lä jilaö wei tä wawäblono mlaicätä”, wale nowa taö cuqueije —Moisesi bei a cuma.

Éxodo 4:29

Ö̦jö däjä, Ejido jamö Moisesi, Aaloni sho cäcöbö aa fa showaläfälönö, Isaeli ebä bada lä cui, bä co̦camobömalema.

Éxodo 4:31

Ö̦jö däjä, tä a̦ bejedi bufia showadalemaje. Jeobaanö Isaeli ebä nofi lä jaducubono wei tä a̦ ji̦lilemaje. Cama nija bä nö bleaaö lä dablamono wei tä a̦ ca̦i ji̦lilemaje. Ö̦jö tä a̦ bluca fa ji̦liläjenö, bä möfe fa boolalunö, Jeobaa a wa̦fa Bada doblao tamaje.

Éxodo 4:5

—¿Ö̦jö tawä? —Jeobaa a cuma—. Aminaja wa nia cuaaö, wa wa̦ bejedi bufibeje. “Nö badabö Ablaamö a ma cui nija, Isaacö a ma cui nija, Jacobo a ma cui nija, ö̦jö bä nija tä lä bufiblamou wei tä lä cui, ¡Moisesi nija bä tä bejedi wawäa nodilayoma lä!” wa nofi tabobeje —Jeobaa a cuma.

Mateo 26:3

Ö̦jö däjä showadawä, nofi bäyäalewä bada e yafi jamö, bada bä co̦camolayoma, Caifasi a wa̦fa lä cule e yafi ja. Ö̦jamö lä judio bä bada co̦camolayoma, nofi bäyäalewä bä blowäjäwä sho.

Lucas 1:68

—Isaeli bäma ecö nija a Bada lä bufiblamou wei a waloqueyoluma, cama bäma ecö nowa co̦amabä. ¡Bäma a nofi da doabla, ö̦jö lä!

Lucas 19:44

Cafä wamacö yafibö nabä fa quebojenö, wamacö lä bälöle wamacö mö nia watäblaöje. Wamacö yafibö wa̦lia fa jödödöblalöjenö, ai ma jamö ma nia maqueo feibloimi. Yai Bada tänö wamacö bayeliblabä ya ma waloqueyoluno wei ma cui, wamale nö ö̦jöböaö fa mlacunö wamacö nö nia bleaaö —a Jesús cuma.

Hechos 11:30

Inaja showawä bä cuaama. Blada bä fa co̦camalöjenö, Benabei, Saulo cäcöbö nija bä jöböquemaje. Jelusale jamö, Jesucristo ebä ca̦i lä yododaö wejei bä bada nija bä jöböaböö fe doleobä.

Hechos 15:14

Simón Pedro bäma a wa̦ ji̦lia waiquilei lä cufe, ¿ö̦jö tawä? Yai Bada tänö cama ebä tabobä, judio bä lä mlai bä jaba lä bayeliblaleno wei tä ja, bämalecö yömölalema.

Hechos 20:17

Miledo jamö a culanö, Efeso jamö Pablonö ai bä fa shömölönö, Jesucristo ebä ca̦i lä yododaö wejei bä bada nacamalema.

1 Pedro 2:12

Yai Bada tä daö lä mlajei jamö wamacö cuo ja, showadi bä da dodija. Wamacö a̦fa dobloimi ma wäyäö wejei ma cui, wamacö lä dodijaö wei tä nö ö̦jöböaö fe yadiobeje. ¿Ö̦jö tawä? Ya̦cumö Yai Bada tänö täbä bluca jömaö däjä, bä bufi nia möblou. Yai Bada nija wamacö showadi lä bayeliblamono wei tä nia dablaöje. Ö̦jö däjä Yai Bada a wa̦fa nia doblao taöje.

1 Pedro 5:1

Jesucristo wama ebä ca̦i lä yododaö wei wamacö lä cui nija ya wa̦ nia faö nomöjöo, camiyänö iba ya bä ca̦i yododaö mö lä feduo wei ya lä cui. Jesucristo ya nö bleaaö lä dalaleno wei cä ya. Fedu jamö a lä doblaladi tä wawäblou däjä, camiyä ma cui ya nia doblao cuo mö feduo. ¿Ö̦jö tawä? Ö̦jö lä ya lä cuinö, abinaja bämacö nowa taö lä cule.