Éxodo 3:12 - Biblia Yanowamö

¹² Ö̦jö ma cui, abinaja Jeobaa a cuma. —Camiyänö bäfä nia ca̦i cuo. Cafä bäfä lä shömaö wei tä ja, wa bufi wedinajamou mlaobä, tä nia lä cublou wei ya tä a̦fa wäaö balöa waiquia lä cule. ¿Ö̦jö tawä? Ejido jamö wa bä fa co̦lönö, ei tä balöcö showawä ja, wamale nofi nia co̦camoayoluu.

Éxodo 3:12 Iomraidhean Croise

Génesis 15:1

Inaja tä cuo waiquiono wei ja, Jeobaanö Ablamö a majalimomalanö, e a̦ bädaliyoma. Abinaja a majali cuma. —Ablamö, a quili dijä. Cafä showadi bäfä lä nowamaö wei cä ya. Bäfä dobäa dodijilei —a cuma.

Génesis 15:8

A cuma ma cui, abinaja Ablamö a cuu mö feduoma. —Jeobaa wa Bada lä ayai wa nija, abinaja ya nia cuu. Ei ya tä ulifi nia jo̦wa lä tabou wei, ¿wedi jamö tänö, ya tä bejedi li dablabä, ö̦jö lä? —a cuma.

Génesis 31:3

Ö̦jö däjä, Jeobaa a lä cuinö, Jacobo a yömölama. —Afä bä jaba bada lä bälöono wei jamö, afä bä mashi lä bälöle jamö, a co̦jamö da co̦o. Camiyänö bäfä ca̦i cuo wä —Jeobaa a cuma.

Éxodo 3:1

Bei. Moisesi bä shöö e lä cui, Madianateli bä nofi lä bäyäbono wei a cuoma. Jedolo a wa̦fa cuoma. Moisesinö ö̦jö oweja ebä nowamaö ja, tä ulifi lä blocoono wei tä lu̦locu jamö ebä lululefälöma. Ö̦jamö lä bä fa lululäfälönö, Olebe cäcö jamö bä ca̦i waloquema, Yai Bada etä balöcö jamö. Sinai cäcö a̦fa ca̦i jilabouje.

Éxodo 3:13

Ö̦jö däjä, Yai Bada nija abinaja Moisesi a cuma. —Isaeli ebä nija ya fa waloicunö, ¿wedinaja ya li cuu dodijiobä tawä? “Cafä wamacö nö badabö nija tä lä bufiblamou wei tä lä cuinö, ö̦jönö wale shömölema”, ya cuu ja, wa wa̦fa nia wa̦liije. ¿Wedinaja ya li cubä? —Moisesi a cuma.

Éxodo 33:14

—Ja̦o —Jeobaa a cuma— Camiyänö bäfä ca̦i juu weicätä. Bäfä bufi ca̦i yanöcömabofälöö weicätä —a cuma.

Éxodo 4:12

Camiyänö ö̦jö ya tä bluca daö yalo, quilii mlai, a da alufälö, ö̦jö lä. Bäfä a̦ bayeliblaö weicätä. Wa wa̦ fabä, bäfä a̦ bälaö weicätä —a cuma ma cui,

Éxodo 4:15

Cafänö wa fa yömölalönö, tä a̦ yai wäyäö fe dolemobä, wa wa̦ nia bälaö. Bäfäcö a̦ bayeliblaö wä. Wafäcö nia lä cuaaö wei tä ja, bäfäcö damafälöö wä.

Éxodo 8:27

Ma, ulifi bloque jamö yamacö nia shino juu. Bolacabö yamacö fa miicufälönö, yamacö weyade waloquei. Ö̦jamö lä, Jeobaa yama a lä bufiblaö wei nija, yalo yama bä ö̦shö nia dodobodayou, camanö tä tamaö lä bufii weinaja showawä —a cuma.

Isaías 7:14

Inaja wa cuu dicoo ja, cafänö wa tä wawämaö bufii ma mlai, cama Bada tänö tä nia wawämaö fe yadio. Wama a nia lofote dablaö fe yadio. ¿Ö̦jö tawä? Moco a jubamou dao lä mlai, a nia shibönabölayou. Bä ijilubö e nia tablaö. *Emawele e a̦fa nia jilaö.

Números 16:28

Ö̦jö däjä, abinaja Moisesi a cuma. —Bei. Camiyä ya cuaaö bufi lä doblao weinaja ya cuaaimi. Jeobaanö tä nabä li fa shömöbanö ya tä li taö. ¿Ö̦jö tawä? Ya wa̦ bejedi dablamobä ei ya wa̦.

Números 23:21

Fei Jacobo ebä lä cui, bä doblou lä mlai etä dabloimi. Isaeli ebä lä cui nija etä wa̦lidiwä dablamoimi. Jeobaa a lä bufiblaö wejei a lä cuinö bä ca̦i cua lä cule. Ö̦jö a nofi doablaöje.

Mateo 28:20

Cafä wamacö nija ya tä tamaö lä bufino weinaja bä cuaaö mö feduo showaobä, bä damaö da cuaaje. ¿Ö̦jö tawä? Yai Bada tänö täbä jödödöwä waicaö showao mlao däjä, showadi bämacö ca̦i nia cudio —bä nowa tama.

Marcos 16:20

Ö̦jö däjä, cama ebä fa alufälönö, jödödöwä täbä lä bälöblai bä nijamö bä yömölaö blaucou cuaamaje. Bä yömölaöje däjä bä a̦ nö bejedi ö̦jöböamobä, Bada tänö bä ca̦i bayeliblaö cuaama, tä nö lä quilijii tä wawämaö cuaabeje. Inaja lä tä yai cuoma.

Hechos 11:21

Yai Bada tä lojodenö bä fa bayeliblamonö, bluca bänö tä a̦ bejedi fa bufiläjenö, Bada tä Jesucristo a bufilemaje.

Hechos 7:7

Abinaja Yai Bada a cuma. Bä nosie juamobä bä nia ma tabou wejei ma cui, camiyänö ö̦jö ya bä nö nia bleaamaö mö feduo. Ö̦jö ya bä nö bleaamaö fa balöonö, iba bä lä cuinö tä ulifi nia daafälööje. Camiyä nija bä nö bayeli nacaobä, eja wale nofi nia co̦camoayoluuje. ’¿Ö̦jö tawä? —Esteban a cuma—. Einaja Yai Bada a cuma.

Romanos 8:31

¿Ö̦jö tawä? Bämalecö doblamabobä Yai Bada a cua waiquia ja lä, ¿wedinö bämalecö nia li doblamaimi majöo?

Hebreos 13:5

Blada bä ma cui, madofi bä ma cui, ö̦jö bä nofi yaibo dijejä. Wama täbä tabou lä waiquile täbä ja, bä bufi shi̦lo yai cuo shalilio da showadao. Abenaja Yai Bada a malä cuu wei. Obi ma cui bämacö nia daaimi. Bämacö nia ca̦i joyaö majöomi. Einaja Yai Bada a malä cuu wei.

Josué 1:5

Wa demöo showao däjä, wa nö nia lä bleaamaö wei moli ma cui, a nö nia wa̦lojaimi. Moisesi ya ca̦i lä cuono weinaja, inaja showawä cafä bä ca̦i nia cuo nomöjöo. Bä nia mölamaimi. Bä nia daafälömi.

Jueces 6:12

Jedeoni lija Jeobaa etä a̦jele fa wawäblalunö, abenaja e cuma. —Waiteli cätä. Wa nö lä wa̦lojale wa. Jeobaanö wa ca̦i cua lä cule —e cuma.

Jueces 6:16

Ö̦jö däjä, abenaja Jeobaa e cuma. —Ö̦jö ma cui, camiyänö bä ca̦i malä cule. Madianateli bä ma bluca wei ma cui, moli wa shäö si ijejewä lä culenaja, wa bä nia bluca shäö showadao —e cuma.

Jueces 6:17

Abenaja Jedeoni e cuma. —Bä bufi doblamabou waiquiwä ja, cafä bä nö ö̦jöböabä tä da wawämalö, ö̦jö lä. Ö̦jö däjä, “Cafä Jeobaa wanö wale a̦ wayomaö lä cule”, bä nofi nia tabou.

Jueces 6:21

Ö̦jö däjä, fii fi lä bono wei tefinö, Jeobaa etä a̦jelenö bä yalo fa bacämanö, nii juluno mlai bä ca̦i fa bacämalönö, maa ma ma cui ja, cowa wacä bada falayoma. Yalo bä ma cui, nii juluno mlai bä ma cui, cowa wacänö bä mö bluca watäa showadaquema. Ö̦jö däjä, Jeobaa etä a̦jele mlaa co̦layoma.

Jueces 7:11

Bä wayu bälöa lä bebiblabe bä a̦ lä wayou wei, wa tä a̦ ji̦liabä. Ö̦jö däjä, quilii mlai ja, wa bufi lofotolanö wa bä nabä nia queo showadao—a cuma. Ö̦jö däjä, bä wayu bälöa lä bebiblabe tä casö jamö, Jedeoni a wa̦ fuamobä a Fula lä cui sho, cäcöbä dimöbaliyoma.