Éxodo 3:1 - Biblia Yanowamö

¹ Bei. Moisesi bä shöö e lä cui, Madianateli bä nofi lä bäyäbono wei a cuoma. Jedolo a wa̦fa cuoma. Moisesinö ö̦jö oweja ebä nowamaö ja, tä ulifi lä blocoono wei tä lu̦locu jamö ebä lululefälöma. Ö̦jamö lä bä fa lululäfälönö, Olebe cäcö jamö bä ca̦i waloquema, Yai Bada etä balöcö jamö. Sinai cäcö a̦fa ca̦i jilabouje.

Éxodo 3:1 Iomraidhean Croise

1 Reyes 19:19

Ö̦jö cudeenö, Elia a aa showalayofälöma. Safada bä ijilubö Eliseo a dablaö däjä, ficali eca jamö a ojodamoma. Nii ebä faö dodijidaobä, mashita a mö jaduaö cuaama, madofi a bada namo fudenö. Baca 24 ebä lija a shaimaboma. ¿Ö̦jö tawä? Baca bei olafi jamö fii efibä bada fa maqueabodunö, shaliliwä bä o̦cadaö bolacadama. Cäcöbä lä coloono wei cäcöbä no jamö, Eliseonö a madofi fuwäbolanö a colooma. ¿Ö̦jö tawä? Elia a jayuaö däjä, sicö lä lucäbono wei sicö fa jayulänö, Eliseo lija sicö shäyäblaa jayuquefälöma, a nia fa nocamabonö.

1 Reyes 19:8

Elia a jocäblou fa showadalonö, a iyama. A amishi co̦o co̦oma. A lä iyano wei tänö a fa lofotoblalunö, Olebe cäcö jamö a aa showalayoma, Yai Bada etäcö balöcö jamö. A fuu showai ja, 40 a fe didi cublaliyofälöma ma cui, ö̦jö bä nii lofote showawänö, a nö blajawä wa̦lojaö fe yadiofälöma.

Éxodo 17:6

Camiyänö bäfä ca̦i nia cuo. Olebe cäcö lä cui jamö camiyä ya ublao balöo däjä, ö̦jamö cafä wa nia ca̦i ublao yädäo. Maa wa ma fa shäcönö, mau u nia faö, bä amishi co̦obä —a cuma. ¿Ö̦jö tawä? Isaeli ebä bada lä cui, bä mamo mötale ja, inaja showawä Moisesi a cuaama.

Éxodo 19:11

Bolacabö tä mö fa dödölönö, bä nö daobä. Ö̦jö däjä, Sinai cäcö jamö camiyä ya nia itou. Bä mamo bluca showao däjä, ya nia itou.

Éxodo 19:2

Ö̦jö däjä, Lefidimi jamö bä lä jocälayono wei, Sinai tä ulifi bloque jamö bä waloa nomöjöquema. Ö̦jö tä ulifi bloque jamö, Sinai cäcö ajede jamö Isaeli ebä fa yanöcöicunö, bä bälöblaquema.

Éxodo 19:3

Ö̦jö däjä, Yai Bada nija a icuobä, bei macö jamö Moisesi a dubefälöma. Bei macö jamö Jeobaa a culanö, a wa̦ bädaledayoma. Abinaja a cuma, Moisesi nija. —Jacobo ebä nija, Isaeli ebä lä cui nija, wale a̦no da wäyä. Wa bä nowa nia taö.

Éxodo 2:16

Bei. Madianateli bä nofi lä bäyäbono wei a bada lä cui, bä tää 7 ebä cuoma. Ö̦jö bä suwä lä cuinö, bä fö̦ö yalo ebä amishi co̦amabeje, mau u lä bale täca jamö yalo bä ca̦i blacäimamaje. Mau u nia fa yaquejenö, bä shömoyoluma. Yalo bä amishi co̦amabeje, showadi mau ubä lä löblaamou wei tä ja, ubä nia löblaama ma cujei,

Éxodo 2:18

Bä fö̦ö Jedolo nija bä tää ebä co̦a fa co̦bonö, ö̦jönö bä wa̦lii mö baoma. —¿Wedinaja wamacö li fa cuaanö, wamacö li co̦a jaödabei cufe? —a cuma.

Éxodo 2:21

Ö̦jö a wa̦lo nija Moisesi a bälöo bufi fa doblaonö, a bälöquema. Ö̦jö nija a fa bälöalunö, bä tää Sefola e dämalema.

Éxodo 24:13

Ö̦jö cudeenö, Josué a fa nacalänö, Yai Bada etä balöcö jamö Moisesi a dua co̦befälöma. Moisesi a bayeliblabä e li Josué cuoma.

Éxodo 3:12

Ö̦jö ma cui, abinaja Jeobaa a cuma. —Camiyänö bäfä nia ca̦i cuo. Cafä bäfä lä shömaö wei tä ja, wa bufi wedinajamou mlaobä, tä nia lä cublou wei ya tä a̦fa wäaö balöa waiquia lä cule. ¿Ö̦jö tawä? Ejido jamö wa bä fa co̦lönö, ei tä balöcö showawä ja, wamale nofi nia co̦camoayoluu.

Éxodo 3:5

Ö̦jö däjä, —A ajedoyolu dijä. Wa mamicö lä didile täcö da jayublalö. Eja camiyä ya li cua yalo, miji wa tä ulifi lä cabale, tä ulifi yaia.

Éxodo 33:6

Inaja a cuu fa ji̦liläjenö, bä baushimou mladou fa showadalonö, Olebe cäcö fa dacöfälöjenö, bä ma blajalayono wei ma cui, bä baushimou co̦daanomi.

Éxodo 4:18

Moisesi a co̦a fa co̦bonö, bä shö̦ö Jedolo nija abinaja a cuma. —Ejido jamö iba bä cuo juobä jamö, wale shömöa da co̦lu. ¿Ö̦jö tawä? Ya bä demi da mö —a fa cunö, bä shö̦ö e a̦ juoma. —Ja̦o. Wa jubä lä.

Éxodo 4:27

Aaloni nija abinaja Jeobaa a cuma. —Ulifi bloque a jamö a da alufälö, fääshäfä Moisesi wa mö baamadayobä —a cuma. Ö̦jö cudeenö, a fa alufälönö, Yai Bada etä balöcö jamö a mö bamalema. Cäcöbö fa̦locayoma.

Números 10:29

Ö̦jö däjä, bä jeli Obaba e nija Moisesi a wa̦ fama, Jedolo bä ijilubö a lä cui nija. Ö̦jö Moisesi bä shö̦ö e lä cui, Madianateli a cuoma. Abinaja bä jeli e nowa tama. —Yamacö jocäö a lä cule. Jeobaanö tä a̦fa ulifi lä wäyäno wei jamö yamacö nia juu. ¿Ö̦jö tawä? “Cafä wamacö nija ya tä ulifi nia jöböaö”, a cuma. Camiyä yamacö nija a da yauiquiyo, dodijidawä bäfä tamabou weicätä. Jeobaanö Isaeli yama ecö dodijidawä tamabobä tä a̦fa malä wäyäno wei —e nowa tama.

Números 10:33

Ö̦jö däjä, Jeobaa ecö jamö culanö, bä jocäa fa showadaalunö, bä juu showao däjä, 3 tä mö jalu cublaliyoma. Jeobaa a wa̦no oni didiobä defi ca ca̦i balölayomaje, bä nia lä yanöcöo wei tä dayäö balöodayobeje.

Lucas 2:8

Ö̦jamö a bölösö blao lä ajedeono wei jamö, ai bänö oweja bä ca̦i cuo fe jalumaje, bä nowamabeje.

Hechos 7:30

’¿Ö̦jö tawä? —Esteban a cuma—. Ö̦jamö lä, lasha 40 a faa fa co̦malönö, Sinai cäcö ajede jamö, Yai Bada a wa̦ faö bufio ja, Moisesi nija a̦jele etä shömöledayoma. Fii defi wacö lä wao wei jamö, tä wawälayoma, ulifi bloque jamö.

Jueces 4:11

Bei. Moisesi bä shö̦ö Obaba lija bä lä nodiblaliyono wei, Queniteli bei bä cuoma. Ö̦jö Queniteli bä lija Ebelo a fa sheleleblalunö, Sedesi tä ajede jamö e yano i̦tao nomöjöoma, Sanaimi jamö tefi bada lä ublaono wei jamö.

1 Samuel 16:11

Abenaja a cuu co̦oma. —¿Eja ijilufä bä bluca cua waiquia? —Ma —Isai e cuma—. Oshe a lä cui, a funomi. Oweja bä nowamaö feyaa. —Ja̦o —Samuel a cuma—. Afä ai wa fa shimölönö a da co̦malö. Ö̦jö a waloo showao mlao däjä, yalo yama a nia dodobou balöo buomi —a cuma.