Éxodo 27:1 - Biblia Yanowamö

¹ Abinaja Jeobaa a cuma, Moisesi nija. —Yalo bä lä dodoblamou wei bä maqueblamobä wa täcö nia ca̦i tablamaö. Defi liyäjäwä lä jifui defibä acadafu ja, wa täcö nia tablamaö. Täcö fe labe nia lä wädöo weinaja, bolacabö wa mata lä quedou weinaja täcö nia ijede labe jayudou. Inaja showawä täcö nia faujuwä cuo. ¿Ö̦jö tawä? Täcö labe cuobänaja, täcö nia faujuwä cuo mö feduo. Täcö nia i̦tao ösöo lä cuo weinaja, moli wa mata lä quedou weinaja wa täcö ola ijede nia jayudamaö.

Éxodo 27:1 Iomraidhean Croise

Esdras 3:2

Ö̦jö däjä, Yai Bada lija bä yalo lä dodoblamou wei bä maqueblamobä etäcö i̦tamaö co̦omaje, Isaele ebä lä cuinö tä lä bufiblano wejei tä Yai Bada lija. Josadaca bä ijilubö Josué e ma cui, cama nofi bäyäalewä ai ebä mashi ma cui, Saladiele bä ijilubö Solobabele e ma cui, ö̦jö ebä ca̦i mashi ma cui, ö̦jö bä bluca ojodamoma, ö̦jamö yalo bä ö̦shö dodoblaabeje. Jeobaa a wa̦ lä fuano wei a Moisesi lä cuinö tä a̦ lä oniblaleno weinaja showadawä.

Éxodo 24:4

Ö̦jö däjä, Jeobaanö tä a̦ bluca lä wäyäno wei, Moisesinö tä a̦ bluca oniblalema. Ö̦jö tä fena ja, a jocädou fa fenablalonö, yalo bä lä dodoblamou wei bä maqueblamobä täcö i̦taa fenablaquema. Bei macö bäfätä jamö täcö i̦taquema. Isaeli bei ijilubö 12 ebä jaba lä cudaono weinaja bä cuwä, maa 12 mabä ca̦i i̦taquema.

Éxodo 31:9

Yalo bä lä dodoblamou wei bä maqueblamobä täcö ma cui, ö̦jamö täbä madofi ca̦i nia lä cuo wei täbä bluca ma cui, täbä nia taöje. Mau ubä babobeje tä ma cui, ö̦jö tä nia lä döcäo wei tä ma cui, ö̦jö täbä nia taöje.

Éxodo 35:16

’Yalo bä nia lä dodoblaamou wei bä maqueblamobä wama täcö ca̦i nia tablaö —a cuma—. Feyaca ja, matacali wama cäcö ca̦i nia tablaö, yalo bä maquequebobeje. Duo shibänö ö̦jö wama cäcö nia matacali tablaö. Täcö bälabeje, deficö nia lä lucäo wei deficö ma cui, ö̦jamö täbä nia madofi bluca lä cuo wei täbä ma cui, wama täbä ca̦i nia taö. Bä imicö ya̦lömoblaabä, bä mamicö ya̦lömoblaabä, mau ubä babobeje wama tä ca̦i nia taö, tä nia lä döcläo wei tä ca̦i lä cui.

Éxodo 40:10

Yalo bä lä dodoblamou wei bä maqueblamobä täcö ma cui, wa täcö ca̦i nia jölöcaö. Ö̦jamö täbä madofi ca̦i nia lä cuo wei täbä ma cui, wa täbä ca̦i nia jölöcödaö. Inaja wa cuaalanö, iba täbä nia yaio. Ö̦jö yalo bä maqueblamobä täcö ma cui, täcö nia yaio dodijio.

Éxodo 40:29

Yalo bä lä dodoblamou wei bä maqueblamobä täcö lucäa nomöjömalema, Jeobaa e yano sibo jamö. ¿Ö̦jö tawä? Bä nö bayeli nacaobä, bä lä fablaaö wei yoca lä cule jamö, täcö i̦taquema. Ö̦jö täcö jamö, yalo bä ö̦shö ma cui, nii bä ma cui, bä dodobou showadaoma, Jeobaanö Moisesi a nowa lä tano weinaja showawä.

Éxodo 40:6

Yalo bä lä dodoblamou wei bä maqueblamobä, wa täcö ca̦i nia i̦taaö. Iba tä yano sibo jamö tä nia cuo. Täbä nia lä faö wei yoca lä jolele jamö wa täcö i̦tabobä.

Hebreos 13:10

¿Ö̦jö tawä? Camiyä bämacö bayeliblamobä a lä dodomoqueno wei a lä cui, bäma a daö. Yai Bada etä yano jamö, nofi bäyäalewä bä judio ojodamou ma buo wei ma cui, camiyä Jesucristo bufilewä bämacö lija bä yädäobä bämi.