Éxodo 24:1 - Biblia Yanowamö

¹ Moisesi nija abinaja Jeobaa a cuma. —Camiyä Jeobaa ya nija a dua da co̦bo. Aaloni a ma cui, ö̦jö bei ijilubö ecöbö Nadaba a ma cui, Abiu a ma cui, ö̦jö bä ca̦i da dolequebo. Isaeli ebä bada lä cui bä nija, 70 wa bä fa yaialalönö, ö̦jö wa bä ca̦i bluca dolecoimabä. Bayäcäwä wamacö yanöcölanö, wamale a̦fa Bada doblao tabä, wamacö möfe nia deio.

Éxodo 24:1 Iomraidhean Croise

Éxodo 1:5

José a lä cui, Ejido jamö a cuo waiquioma. Jacobo bä ijilubö ebä ma cui, bä fääshä ebä ma cui, 70 ebä bluca cuoma.

Éxodo 19:20

Sinai cäcö bololo jamö Jeobaa a fa itolunö, Moisesinö a mö baamadayobä a nacalema. A nacaö ja, Moisesi a dua co̦befälöma.

Éxodo 19:24

Abinaja Jeobaa a cuma. —Bei. A da itolufälö. Aaloni sho wafäcö dolecou co̦imabä. Ö̦jö ma cui, ai täbä jayuama dijä. Nofi bäyäalewä bä ma cui, bluca täbä lä bälöle täbä ma cui, Jeobaa ya lä cule jamö bä dolecoimabä wa bä nia jayublamaimi, ya bä nö bleaamaö mlaobä —a Jeobaa cuma.

Éxodo 19:9

Abinaja Jeobaa a cuu nomöjöoma. —Bei. Ölajashi a bada lä suble wei jamö ya culanö, cafä nija ya nia ajedeo. Cafä bäfä a̦ lä wayomaö wei, bluca bänö wale a̦ ji̦liabeje ya nia ajedou, cafä wa wa̦ nofi mölabobeje —a cuma. Isaeli ebä lä cuno wei, Moisesinö Jeobaa nija tä a̦ bluca wäyäma.

Éxodo 20:21

¿Ö̦jö tawä? Cama bä ublaa ma bayäcäodayou däjä ma cui, Yai Bada a lä cule jamö Moisesi a shino blacätejelayoma, tä mö didi lä sublaono wei jamö.

Éxodo 24:15

Ö̦jö däjä, bei macö jamö Moisesi a dolequea co̦befälöma. Ölajashi anö macö fe ola yojoblaliyoma.

Éxodo 24:2

Ö̦jö däjä, wa bä lä nocamabole bä bayäcäo showao däjä, camiyä nija cafä wa nia shino ajedou. Ai täbä bluca lä jilale, wa bä nia dolecamaimi —a Jeobaa cuma.

Éxodo 24:9

Ö̦jö däjä, Aaloni a ma cui, bei ijilubö ecöbö Nadaba a ma cui, Abiu a ma cui, Isaeli ebä ca̦i bada 70 ma cui, Moisesinö ö̦jö bä ca̦i bluca dolequebefälöma.

Éxodo 28:1

Abinaja Jeobaa a cuma, Moisesi nija. —Bei. A̦iyofä Aaloni a lä cui, cafä nija wa nia nacamaö, bä ijilubö ebä Nadaba a ca̦i, Abiu a ca̦i, Eleasala a ca̦i, Idamala a ca̦i. Isaeli ebä nija ö̦jö ya bä yaiaö waiquia lä cule. Camiyä nija bä ojodamou ja, täbä nofi nia bäyäbouje.

Éxodo 3:5

Ö̦jö däjä, —A ajedoyolu dijä. Wa mamicö lä didile täcö da jayublalö. Eja camiyä ya li cua yalo, miji wa tä ulifi lä cabale, tä ulifi yaia.

Éxodo 34:2

Fena däjä wa nö daobä. Äyämö, Sinai cäcö jamö wa dolecou co̦o fenaimabä. Feyaca cäcö jamö camiyä nija wa icuobä.

Números 11:16

Abinaja Jeobaa a cuma, Moisesi nija. —Isaeli bada ebä nija, iba 70 wa bä fa yododoblamalönö, eja bä ca̦i da waloiquiyo, wa bä yai nosiemou lä dale. Iba yano jamö wa bä ca̦i fa juimanö, ö̦jö bä sho wamacö nö daobä.

Lucas 10:1

Ö̦jö tä cublou fa waiquilonö, Bada tä nia lä juno wei jamö a wa̦no taö balöodayobeje, 70 ai bä yaia nomöjömaquema. Bluca bä lä bälöblai bä nijamö, cama a nia waloadalou lä cuaaö wei jamö, bolacabö bä cudawä bä shömöa balöabodayoma.

Lucas 10:17

Jesúsnö 70 ebä lä shömöleno wei bä lä cui, bufi doblalolanö bä waloa coquema. Abinaja Jesús nija bä cuu co̦ojoloma. —Bada tä. Cafä wa wa̦nö fecula yama bä yashublamaö däjä, ö̦jö bä ma cuinö yamalecö a̦ juaöje —bä cuma.