Éxodo 20:3 - Biblia Yanowamö

³ ’Camiyä ya nia shino yai bufiblamou ayao —a cuma—. Ai wama täbä bufiblabä wama täbä ca̦i nia lämaboimi.

Éxodo 20:3 Iomraidhean Croise

Éxodo 15:11

Jeobaa wa lä cui, täbä lä bufiblamou wei täbä nijamö, cafä wa lä culenaja ai tä cuami. Tä cuami waiquiwä. Cafä wa lä doblao wei, wa yami yaia. Tä nö quili tamobä tä ma cui, tä nofi doablamobä tä ma cui, ai tä cuami waiquiwä. Täbä nö lä quilijii, cafänö wa täbä shino yai wawämaö daö ayawä.

Éxodo 32:8

Ya bä nowa lä tano wei tä ja, bä cadidou mlai ja, lobe shomi tä ja bä yabäcamou waiquia lä cule. Olo bä ja, yalo a nö idubö tablalemaje. A wa̦fa bada doblao tabeje, bä möfe boolaliyoma. Yalo bä ö̦shö ca̦i dodobomaje, ö̦jö a ja. Abinaja bä nowa ca̦i tayoma. “Camiyä Isaeli bäma ecö lä cuinö, ei showadi bäma tä bufiblabä, ¡ei tä nö idubö waiquiwä! Ejido jamö bämalecö lä co̦leno wei, ¡ö̦jö ei a nö yai idubö dodijiwä!”, bä nowa tayoma —Jeobaa a cuma.

Éxodo 34:14

Ai tä lä bufiblamou wei tä lä cui, wama tä nia lämaboimi. Ö̦jö wama tä a̦fa bada doblao tabä, wamacö möfe nia boomi. Ai ya tä nia bufiblamaö malä mlai. Camiyä ya bufiblamobä ya Jeobaa lä cui, ya bufi jaluo.

Mateo 4:10

Ö̦jö däjä, Jesús abinaja a cuu mö feduoma. —Bei, Sadanasi. ¡Shomi jamö a da culufälö! Abinaja tä a̦ oni cuu. Cafä wamacö nija Yai Bada ya lä bufiblamou wei ya. Wamacö möfe bolanö, camiyä Bada ya lä cui wamale a̦fa nia shino Bada doblao taö. Camiyä wamale a̦ nia shino yai juaö. ’Einaja tä a̦ cuu —a Jesús cuma.

1 Corintios 8:4

¿Ö̦jö tawä? Nö ijidubö täbä lija täbä yalo fa dodobojenö, täbä yalo ma waö wejei ma cui, ei bäma tä daö. Täbä nö ijidubö lä bufiblamou wei täbä demimi. A bufiblamobä moli Yai Bada a cua ayaa.

1 Corintios 8:6

¡ma! Camiyä bämacönö moli bäma tä a̦fa Yai Bada jayumaö, bämacö lä Fö̦ömole, bluca täbä lä tablaleno wei tä lä cui. Cama bäma ecö befi li. Moli tä shi̦lo Bada cua, Jesucristo a wa̦fa lä cule. Ö̦jö lija täbä bluca tablamolayoma. Ö̦jönö bämalecö fa co̦länö Yai Bada bäma ecö cua lä cule.

Efesios 5:5

Möla dijä. Bä nofi lä jushublalou wei bä ma cui, shami tä fulii bufi lä doblao wejei bä ma cui, ai täbä jamö bä bufi shi̦lo lä waiyou wei bä ma cui, Yai Bada sho, Cristo sho cäcöbä bälöo lä dodijio wei jamö, ö̦jö bä befi nia cubloimi. Ö̦jö bä bufi shi̦lo lä waiyou wei bä lä cuinö, Yai Bada a bufiblaö mlajei, shomi täbä shi̦lo malä bufijadii wejei.

Deuteronomio 6:5

Jeobaa wama a yai nia nofimaö, cafä wamacö nija a bufiblamobä a lä cui. Bei wamacö bufi yainö, wama a nia nofimaö, wamacö nö lä wa̦lojoablalou wei tä ca̦inö.

Filipenses 3:19

Yai Bada tänö bä nia waiyamaö. Tä tamaö lä bufii wei tä ja bä cadidou mlai, cama bä cuaaö bufi lä doblao wei tä ja, bä bufi shi̦lo macocoo dicoo. Bä lä cuaaö wei tä ja, “Shädayai”, bä bufi cubä tä ma cule, bä nofi dodijaö doo. Showadi täbä yanowamö bufi lä cuaaö weinaja, bä bufi ca̦i cuaaö dicoo.

Colosenses 2:18

Bä da moyaweicu, Yai Bada lija wamacö nowa nia lä co̦amamodayou wei tä wa̦liaö dicoo mlaobeje. Bä jolemou. A̦jele bä bufiblamobä, tä nabä ca̦i shimaö dicooje. Cama bä lija tä jo̦wa wawädowä lä mömono wei tä nofi ca̦i yaibouje. Cama bä bufi jole cuu lä bashio wei tä a̦ ma cui, tä a̦ wäyäöje. Bä nofi yaimobobä tä cua ma mlai, bä nofi doo.

Apocalipsis 19:10

Ö̦jö däjä, ö̦jö ya wa̦fa Bada doblao tabä, a̦jele bei a cotä jamö ya möfe boblaquema ma cui, wale wasölema. —Inaja dicoo mlai —a cuma—. Camiyä bämacö bluca. Jesucristonö tä a̦ lä wawämano wei wama tä a̦ nofi lä cadidibole wamacö lä cuinö, Yai Bada wama a wa̦ juaö lä cuaaö weinaja ya ca̦i cuaaö mö lä feduo wei cä ya. Wa möfe bolanö, Yai Bada wa tä a̦fa nia shino yai Bada doblao taö —a cuma. Jesucristonö tä a̦ lä wäyäno wei tä a̦ bejedi lä cuinö täbä nö malä wa̦lojoblamaö wei, Yai Bada etä a̦ wäyäbeje.

Apocalipsis 22:9

wale wasölema. Abinaja wale nowa talema. —¡Inaja dicoo mlai! Cafä wa ma cui, Yai Bada a wa̦no wäyälewä ai bä mö feduwä ma cui, ei tä a̦ nofi lä cadidibolajei bä ca̦i bluca ma cui, ö̦jö camiyä bämacö bluca. Yai Bada wama a wa̦ juaö lä cuaaö weinaja ya cuaaö mö lä fedule ya. Yai Bada nija wa möfe bolanö, ö̦jö wa wa̦fa Bada nia shino yai doblao taö —wale nowa tama.

Jueces 6:10

Bämalecö nowa ca̦i taö showaoma. “Wamale bufiblabä ya Jeobaa”, a cuma. “Amoleo bä ulufibö jamö wamacö bälöjöwä ma cui, ö̦jö bänö täbä lä bufiblalajei bä nö quili ta dijejä”, a cuma. ¿Ö̦jö tawä? A cuma ma cui, wama a wa̦ ji̦liblanomi —Jeobaa a wa̦no wäyälewä a cuma.