Éxodo 2:3 - Biblia Yanowamö

³ Ya̦cumö, a jo̦yabou nö doblobimi ja, a befi ca̦i ca̦abä, jai wöö a cuwä tä dälema. Dulucama a̦casibä ja tä diyäblalemaje tä cuoma. Mau ubä faö mlaobä, sho̦liqui toubänö tä sibo jölöcölema. Fii defi shuu ma cuinö, tä ca̦i ya̦lelema. Ö̦jö däja, bei ijilubö a fa didicönö, bei u casö jamö dulucama acasibä cuobä jamö a befi ca̦i ca̦quema.

Éxodo 2:3 Iomraidhean Croise

Génesis 11:3

Bä fa yanöcöblalunö, bä a̦ wayolayoma. —Bei. Mashita bäma bä da ta, bämacö yafimobä. Cowa wacö ja, bäma bä fa jifumalönö, cofibö bä cublobä —bä nowa tayoma. Inaja bä fa cuaanö, maa mabä mlai ja, mashita bä li jifuwä shömomamaje. Maa anö bä jou mlaobä, bä lä sudimaö wejei toubä ca̦i bluca ajedemabou yädäo showaomaje.

Génesis 14:10

¿Ö̦jö tawä? Sidimö tä fe yalö lä cui, tä ulifi dodijidaonomi. Shoniqui toubä lä didiono wei täcabä bluca cublamou dodijioma. Ö̦jö däjä, Quedolaomo a badanö, cama ebä nö ca̦i wa̦lojaö fa dodijiicunö, bä yashublalemaje. Sodomateli a bada lä cuinö, cama ebä ca̦i docufälöbä jamö, ö̦jö täcabä lä cublamono wei jamö ai ebä queobefälöma. Comolateli a bada mö feduwä lä cuinö, cama ebä ca̦i docuu cuaaö mö feduobä jamö, ai ebä ca̦i queo mö feduolaliyofälöma. Jefu bä jamö, ai bä shee lä cui, bä docua culayoma.

Génesis 6:14

Defi lä shuu wei defibä ja, afä canawäfä bada a bada da tablalö —a cuma—. Yano fe döbädäwä a befi ca̦i cuobä. Ö̦jö wa fa tablalönö, fii fibä shuunö, u̦eshi jamö ma cui, sibosi jamö ma cui, a ya̦lea da jödödöblalö, mau ubä faö mlaobä.

Éxodo 1:22

Ö̦jö däjä, bada a lä cuinö, cama ebä bluca nija, ebleo bä ijilubö nabä shömaö nomöjöoma. —Bei. Ebleo bä suwä nija ijilu wa̦lo bä cublou ja, Nilo u jamö bä queamaö da showadaoje. Suwä bä shino demi tabobeje —a cuma.

Mateo 2:13

Ö̦jö bufi daolewä bä co̦layono wei ja, Yai Bada tänö a̦jele e shömöa jälema. José nija a majali fa wawälönö, abinaja e majali cuyoluma. —A da jocäblalu. Ejido jamö suwäböfä sho, ijilu wafä a ca̦i docufälöbä. Bäfä nacaö showao mlao däjä, ö̦jamö lä wamacö yanöcöo cudio balöobä. Bada tä Elode lä cuinö, fei däjä ijilu a nia jädäaö, a nia fa shänö —e majali cuma.

Mateo 2:16

¿Ö̦jö tawä? Bufi daolewä bänö bada tä Elode a mölamalemaje yalo, a nö bada wa̦lowä jushudou fe balojoa jälayoma. A nö wa̦lowä jushudou fa dodijilonö, Belenateli bä shabonobö jamö ma cui, ö̦jamö bä bälöa fe lä fa̦yoono wei bä nijamö ma cui, ijilu wa̦lo bä bluca shäa showadaamalalema, lasha bolacabö a famaö showaa lä mlajei bä lä cui. Bufi daolewä bä wa̦lii malä waiquiono wei. “Ei tä lä cui däjä, inaja ijilu a bada cua waiquile dao”, a bufi cuma yalo, ö̦jö bä nabä bluca shömöquema. Ijilu bä bluca shäbeje jamö, bada a nia yai lä läo wei a ca̦i ijilu shämou coyocoo showadaobä.

Hechos 7:19

Ö̦jönö bämalecö nö badabö mölamalema. Bä ijilubö lä cublono wei bä wawäblamaö bufima, bä nomamabä.