Éxodo 2:2 - Biblia Yanowamö

² Ö̦jö bä suwäbö lä cui, a shibönaböa fa co̦lunö, bei ijilubö wa̦lo a tablalema. A wai liyäjäwä fa dalalönö, bä nöö enö a jo̦yaboma. A jo̦yabou showao däjä, belibo 3 bä lublaliyoma ma cui, a jötäbou showaoma.

Éxodo 2:2 Iomraidhean Croise

Hechos 7:20

’Ö̦jö däjä, Moisesi a oshe cublaliyoma —a cuma—. A ca̦i wai liyäjäo dodijioma. Bä fö̦ö e nija a oshe lä cuono wei däjä, belibo 3 bä lublamalema.

Hebreos 11:23

Moisesi bä fö̦önö, Yai Bada a wa̦ nofi ca̦i mölaboma, bä nöö e ma cuinö, inaja showawä. A nofi mölaboböma yalo, Ejidoteli bada a wa̦ nö quili tabönomi. Isaeli ebä ijilubö nia ma shämaö wei ma cui, Moisesi a oshe liyäjäwä fa dabölalönö a jo̦yaboböö showao däjä, belibo 3 ebä lublamabölema.

1 Samuel 16:12

Isainö ai e fa shimölönö, bä ijilubö e co̦malema. ¿Ö̦jö tawä? A mömou wacäjäwä dodijidaoma. Bei buficö ma cui, a mömou liyäjäo jödödöoma. Dodijidawä a fiya cuoma. Abenaja Jeobaanö Samuel a nowa tama. —Bei. Wa fa ubladalunö, täbä lä jölöcamou wei toubä dabönö a da jölöcölö. Fei a waiquiwä —a cuma.