Éxodo 16:3 - Biblia Yanowamö

³ Abinaja cäcöbö nowa tamaje. —¿Wedi tä tabä, ei tä ulifi lä bloque wei jamö yamalecö ca̦i li juu cule, ofi tänö yamalecö bluca shämaö buobä? Ejido jamö dodijidawä yamacö da cuoblei däjä, Jeobaanö yamalecö shäablaö showadao fa cunoja tä nö shino yai doblaobö wei. Ö̦jamö lä, yalo bä ma cui ja, nii bä ma cui ja, yamacö bluca iyaö dodijioma —cäcöbö nowa tamaje.

Éxodo 16:3 Iomraidhean Croise

Éxodo 14:11

Moisesi nija bä ca̦i jölama. —Cafänö ¿wedinaja yamalecö yai nia fa taamanö, Ejido jamö yamalecö li co̦a dicoblalema? Ejido jamö bä nomawä didiobä tä cabä cuami yalo, “Ulifi bloque jamö ya bä yai nomablamabä”, ¿bei yamalecö nofi li taboma daanö?

Éxodo 17:3

Ö̦jö ma cui, bä amishili fa jushuonö, Moisesi a wa̦fa tamaje. —Camiyä yamacö ma cui, yamacö ijilubö ma cui, yamacö yalobö ma cui, ¿amishi tänö yamalecö bluca nia fa nomamanö, Ejido jamö yamalecö li co̦lema tawä? —bä cuma.

Éxodo 2:23

Tä nö fa dedelönö, Ejidoteli a bada lä cui, a nomalayoma. Ö̦jö ma cui, Isaeli ebä a̦ nö la̦awä bleaamaö juo showaomaje. Bä nofi ojode tablamobä, bä a̦ lä fano wei däjä, Yai Bada tänö bä a̦ ji̦liledayoma.

Éxodo 5:21

Abinaja cäcöbö nowa tamaje. —Cafä wafäcö a̦ ja, yamalecö nö bleaamaö lä culajei. Jeobaa a lä cuinö wafäcö dobloimi dablabä, ö̦jö lä, cafä wafäcö nö bleaamaö nomöjöobä. Bada a ma cuinö, cama ebä lä yädämabou wei bä ma cuinö, yamalecö nofi bluca wa̦libou waiquiweje. Cafä wafäcö a̦nö, cama bä nija yamalecö nia shäablamaö —cäcöbö nowa tamaje.

Números 11:15

Inaja wale nia taamaö dicoo ja, ya demi cuo bufiomi waiquiwä. Bäfä bufi doblamabou ja, wale shäa da showadaalö, ya nö nia bleaaö lä buo wei ya tä dablaö mlaobä —Moisesi a cuma.

Números 11:20

Bä iyaö showao däjä, ai a belibo nia famaö co̦oje. Bä jaba lä iyano wei tä jalu cublou co̦o däjä, bä nia iyaö waiquidou. Ya̦cumö, bei bä fiyocacö jamö bä nia yalo fablou. Yalo bä ja bä camishi nia yoluu. Camiyä Jeobaa yanö ya bä ca̦i lä cule wale waii dicooje yalo, inaja ya bä nia taamaö. Camiyä ya lä cule jamö bä a̦ nacli malä fano wei, bä nofi ojode tablamobä. “¿Wedi tabä Ejido bäma tä ulifi tabi li feia dicoquema?”, bä malä cuno wei —Jeobaa a cuma.

Números 14:2

Ö̦jö däjä, Isaeli ebä a̦ bufi bluca jushujuwä ca̦i fama, Moisesi, Aaloni cäcöbö nija. Abinaja bä bluca cuma. —Ejido jamö yamacö nomaö showadao fa cunoja, tä nö doblaobö wei. Ei tä ulifi lä blocole jamö ma cui, bämacö nomablou showadao fa cunoja, tä nö doblaobö wei.

Números 14:3

¿Wedi tabä eja yamalecö nia lä shäablaö wejei jamö, Jeobaanö yamalecö li bälaö dicoa cule? Yamacö suwäbö ma cui, yamacö ijilubö ma cui, bä nia wayulefälööje. ¡Ejido jamö yamacö mö li yabaaö co̦o fa cunoja, tä nö shino doblaobö wei! —bä cuma.

Números 16:13

Ejido tä nö ulifi niji fe lä balojoono wei jamö yamacö bälöoma. Tä nö ulifi ofi lä mlai jamö yamacö ma cuono wei ma cui, ei tä ulifi lä bloque wei jamö yamacö shämobä yamalecö co̦lema. “Inaja waiquiwä”, a bufi cuu mlai ja, bei a shino li nosiemodii bufi doblao dicoo.

Números 16:41

Ö̦jö ma cui, ö̦jö tä fena ja, Isaeli ebä bluca lä culenö, Moisesi, Aaloni cäcöbö nabä fa icuicöjenö, bä a̦ bufi jushujuwä ca̦i faö co̦oma. —Cafä wafäcönö Jeobaa wafä ebä shämalema —bä cuma.

Números 21:5

Yai Bada a wa̦fa tamaje. Moisesi a ma cui, a wa̦fa ca̦i tamaje. —¿Wedi tä tabä ei tä ulifi lä blocole jamö yamacö nomabä, Ejido jamö yamalecö co̦lei cublelei? Eja nii bä cuami. Mau u ca̦i cuami. Fei yama täbä showadi lä waö wei, ya̦cumö yama täbä wa̦li waö mojiaö dodijia lä cule —bä cuma.

Hechos 26:29

Ö̦jö däjä, abinaja Pablonö a nowa tama. —Fei däjä showao ma cui, obi ma cui, ö̦jö tä nö doblaobö wei. Cafä bädawä mlai, wamale a̦ lä ji̦lile wamacö bluca ma cui, Yai Bada nija cafä bämacö bayelimaö, camiyä ya lä culenaja wamacö cublou mö feduobä. ¿Ö̦jö tawä? Ya o̦cama lä culenaja mlai, Jesucristo ya lä bufiblalenaja wamacö ca̦i cuo mö feduobä —Pablonö a nowa tama.

1 Corintios 4:8

Wamacö jolemou dicoo. Wamacö bufi fudädäwä ca̦i bälöo dodijio mlaicätä. Wamacö nö madofiböo dodijio mlaicätä. Jai blowäjäwä wamacö yamili bälöo dodijio mlaicätä. ¡Blowäjäwä wamacö bejedi bälöaö yaio nowa! Wamacö jo̦wa blowäjäwä bälöa lä dodijile jamö, yamacö bälöo naleobä.

2 Corintios 11:1

Bei. Miji bä showadi lä jimamou weinaja, ya wa̦ nia faö bashio ma cui, wamale a̦ ji̦lia fe da yadilä.