Éxodo 16:2 - Biblia Yanowamö

² Ö̦jö tä ulifi bloque jamö, Isaeli ebä ofili fa jushuonö, Moisesi, Aaloni cäcöbö a̦fa tamaje.

Éxodo 16:2 Iomraidhean Croise

Génesis 19:4

Ö̦jö ma cui, bä mio showaono mlai ja, ö̦ja bä wa̦lo bluca lä bälöono wei bä lä cui, Lodo e yano jamö, bä bluca fa waloicunö, e yafi fe didi fa̦yoblalemaje. Oshe bä ma cui, fiya bä ma cui, wa̦lobada bä ma cui, Sodomateli bä bluca fa yododoalunö,

Éxodo 14:11

Moisesi nija bä ca̦i jölama. —Cafänö ¿wedinaja yamalecö yai nia fa taamanö, Ejido jamö yamalecö li co̦a dicoblalema? Ejido jamö bä nomawä didiobä tä cabä cuami yalo, “Ulifi bloque jamö ya bä yai nomablamabä”, ¿bei yamalecö nofi li taboma daanö?

Éxodo 15:24

Ö̦jö däjä, bä amishili fa jushuonö, Moisesi a wa̦fa tamaje. —¿Wedi jamö ubä ja yamacö amishi yai li co̦obä?

Éxodo 17:3

Ö̦jö ma cui, bä amishili fa jushuonö, Moisesi a wa̦fa tamaje. —Camiyä yamacö ma cui, yamacö ijilubö ma cui, yamacö yalobö ma cui, ¿amishi tänö yamalecö bluca nia fa nomamanö, Ejido jamö yamalecö li co̦lema tawä? —bä cuma.

Éxodo 5:21

Abinaja cäcöbö nowa tamaje. —Cafä wafäcö a̦ ja, yamalecö nö bleaamaö lä culajei. Jeobaa a lä cuinö wafäcö dobloimi dablabä, ö̦jö lä, cafä wafäcö nö bleaamaö nomöjöobä. Bada a ma cuinö, cama ebä lä yädämabou wei bä ma cuinö, yamalecö nofi bluca wa̦libou waiquiweje. Cafä wafäcö a̦nö, cama bä nija yamalecö nia shäablamaö —cäcöbö nowa tamaje.

Números 14:22

Bä nö badabö nija ya tä a̦fa ulifi ma wäqueno wei ma cui, ei bä doblou lä mlai bänö tä nia ulifi möimi waiquiweje. ’Ejido jamö ma cui, ei tä ulifi lä blocole jamö ma cui, cama bä nija wawädowä ya shi̦i dablamou wawädooma —a cuma—. Ya nö lojode ö̦jöböamobä, bluca ya nö quiliama. Ö̦jö tä bluca ma dablaö wejei ma cui, wale bejedimou shino wabadii dicooje. 10 wale wabaö cua waiquiaje. Wale a̦ ca̦i ji̦liblaimije. Ö̦jö cudeenö, ei bänö, wale nofi lä wa̦libou wejei bä lä cuinö, ya tä a̦fa ulifi lä wäqueno wei tä nia ulifi dablaimije.

1 Corintios 10:10

Bämacö ca̦i nacömou mlai. Inaja ai bä cuaaö fa dicoonö, Waicalewä a lä cuinö täbä bluca waicaö showadaoma.