Éxodo 15:2 - Biblia Yanowamö

² Camiyä ya e nö ca̦i wa̦lojaö mö feduobä, Jeobaa a. Cama nijamö amowa ya tä a̦ yai yädäamabä a dodijiwä. Ya bayeliblamobä, ö̦jö a cublou waiquia lä cule. Yai Bada a lä cui, ö̦jö ya bufiblabä a, ya nofi yai dobobä. Fayä nija Yai Bada a lä bufiblamono wei a lä cui, ö̦jö ya wa̦fa doblao wäyäbä, a waiquiwä.

Éxodo 15:2 Iomraidhean Croise

Génesis 17:7

’Cafä wa ma cui, ijilufä bä nodiwä nia cuo lä juo wei bä ma cui, bämacö nia bluca lä bayelibou wei, ya wa̦ nö wäo lä cule. Ei ya tä a̦ lä wäyäle, showadi tä nia cuo shi wa̦lii. Yai Bada ya lä cui, cafä nija ya bufiblamobä, afä ya nia cuo shi wa̦lii. Ijilufä bä nodiwä nija ya ca̦i bufiblamou nodiobä, ö̦jö ya e nia cuo showao.

Génesis 49:18

’Cafä Jeobaa wa lä cui nija, yamacö nia lä bayeliblamou wei, bejedi lä, ya tä a̦ nofi mölabou.

2 Samuel 7:24

Isaeli yama ecö lä cui, afä yamalecö nia tabou shi lä wa̦lii wei tä ja, wa bufi cadidio showaoma. ¿Ö̦jö tawä, Jeobaa? Camiyä yamacö lija wa nia lä bufiblamou wei, inaja ca̦i showawä.

2 Samuel 7:5

Abenaja a cuma. —David lija wa fa icuicunö, ei ya wa̦ lä fale, wale a̦no wäyäbä. Ya wa̦ fuamobä, iba a. Ö̦jamö ya bälödiobä, ¿iba bei a yafi nia li tablaö daanö?

Salmo 68:20

Bämalecö nia lä bayelibou wei, Yai Bada bäma a lä bufiblaö wei ö̦jö a waiquiwä. Bämalecö shäöje däjä Jeobaa a Bada lä ayainö bämalecö bayeliblaö läo.

Éxodo 14:13

Abinaja Moisesinö bä nowa taö mö feduoma. —Wamacö quilili shifilimou mlai ja, bä da cuicu. Fei däjä Jeobaanö bämalecö nia lä bayeliblaö wei tä da möje. Bämalecö bayeliblaö weicätä. ¿Ö̦jö tawä? Ejidoteli wama bä ajedou lä dablale, wama bä nia dablaö co̦daaimi.

Éxodo 3:6

Abinaja a ca̦i cuma. —Faafä nija ya lä bufiblamou wei, ö̦jö ya. Ablaamö a ma cui nija, Isaacö a ma cui nija, Jacobo a ma cui nija, ö̦jö bä nija ya lä bufiblamou wei ya—a cuma. Yai Bada tä möö fa quilinö, Moisesi a mö jö̦cöoma.

Éxodo 4:22

’Ei ya wa̦ lä cui ja, bada wa nia yömölaö. “Jeobaa ya wa̦no wäyäö lä cule”, wa nowa taö dodijio. ¿Ö̦jö tawä? Isaeli ya nofi ijilumaö. Iba jaba bei a.

Éxodo 40:34

Tä lä jödödöblaleno wei däjä, ölajashi a sublenö Jeobaa e yano fe yojoblaliyoma. Jeobaa a shi̦inö a yano comablaliyoma.

Éxodo 6:7

’Ya bä fa co̦länö, iba ya bä nia tabou showao. Camiyä wale bufiblabeje, cama ya e nia cuo dodijio. Ö̦jö däjä, wale nö nia Bada ö̦jöböaöje. “Ejidoteli bänö bämalecö nö ma bleaamano wejei ma cui, ö̦jö Jeobaa a lä cuinö bämalecö co̦a co̦lema. Ö̦jö bäma a bufiblabä a li dodijiwä”, ya nofi nia tamamou.

Lucas 1:77

Yai Bada ebä nia lä jucäamou wei tä ja, wa bä bufi nia jaducublamaö balöo. Täbä doblou lä mlai tä ma cule, tä nowa nia lä mladamaö wei tä ja, wa bä nia yömölaö.

Lucas 2:30

Yamalecö nia lä jucäaö wei, camiyä bei ya mamocunö ya dalalei lä cufe.

Juan 4:22

Cafä Samaliateli wamacö lä cuinö, Yai Bada nija wamacö möfe bolanö, wama a wa̦fa Bada doblao ma taö wei ma cui, wama a yai daimi. Judio yamacönö yama a yai dalanö, yamacö möfe bolanö, yama a wa̦fa Bada doblao taö. Yanowamö täbä nia lä jucäamou wei, judio yamacö nija tä wawäblobä tä malä cui.

Juan 5:23

wale nofi dodijidawä tabobeje. Fayä Yai Bada a lä cui, a nofi dodijidawä lä tabou wejeinaja, bä Ijilubö ya e ma cui wale nofi ca̦i tabou mö feduobeje. Bä Ijilubö wale nofi dodijidawä tabou lä mlajeinaja, Fayä a ma cui inaja showawä a nofi ca̦i taboimi mö feduweje, wale lä shömöleno wei a lä cui.

Hechos 4:12

Ai a nija bämacö nia lä jucäamou wei a cuami. Jödödöwä täbä lä bälöblai täbä ma cui nija, ai a wa̦fa wäyämamou malä mlai, bämacö jucäamobä —Pedronö bä nowa tama.

2 Corintios 5:19

¿Ö̦jö tawä? Yai Bada tänö yanowamö täbä ajedeblamabä, Cristo a shäa lämalema, täbä doblou lä mlai täbä lija etä nowa tabou mladobä. Ö̦jö yama tä a̦ wäyäö cuaabä, yamalecö lämabou.

Efesios 2:22

¿Ö̦jö tawä? Cafä wamacö ma cui, Cristo lija wamacö yädäa yalo, cama ai yama ecö lija Yai Bada a Bufi lofotenö wamacö co̦cablamaö, bämacö bluca fa co̦cablamolunö, Yai Bada bäma ecö yafibö yai cuobä.

Filipenses 2:11

Bluca bä lä cublai bänö Jesucristo a wa̦fa Bada wäyäbeje. Fayä Yai Bada tä doblao ca̦i dablamobä. ¡Inaja lä tä yai cuobä!

Filipenses 4:13

Tä cublou lä bädao wei tä ma cui ja, Jesucristonö wale nö wa̦lojomabou yalo, ya doblou fe yadio.

Colosenses 2:9

Bä möla dijä. Cristo a ma yanowamöblaleyoluno wei ma cui, Yai Bada a cuwä lä dodijiinaja a cuwä mö feduwä showaoma.

Apocalipsis 15:3

Yai Bada a nosie juamobä a Moisesi lä cuinö, ö̦jönö tä a̦ amowa taö lä balöono wei tä a̦ taö co̦omaje, Oweja a wa̦fa ocalo lä jilamou wei tä a̦ ca̦i lä tano wei tä a̦ lä cui. Abinaja bä amowabö a̦ cuma. Cafä Yai Bada wa Bada lä cuinö, wa nö yai lä wa̦lojaö wei wa lä cuinö, wa tä lä taö wei tä nö bluca lojode quilijiwä. Bä bälöjou lä yaiblai bä nija wa Bada läo shi lä wa̦lii wei wa lä cui, showadi wa dodijaö. Showadi wa ca̦i bejedimou.

Apocalipsis 19:1

Ö̦jö a̦jele a wa̦ faö fa balöonö, fedu jamö ai ya täbä a̦ i̦cali faö ji̦lilema. Jai bluca täbä co̦camolayoma dejemi täbä a̦ bada ji̦limamou cuoma. Abinaja täbä cuma. —¡Yai Bada a nofi da doablaje! ¡Bämalecö lä jucäaö wei ö̦jö a, Yai Bada bäma a lä bufibou wei a lä cui! ¡Ö̦jö a wa̦fa shino doblao tamobä! ¡Ö̦jö a nö shino wa̦lojaö ayawä!

Jueces 5:21

Sisono u ma cuinö, bä joyaa mö wäläaquema, u caläö lä lofote wei unö. Ya bufi lofotolanö, ¡ya fuu shalilou da showadaofälö!