Éxodo 15:1 - Biblia Yanowamö

¹ Ö̦jö däjä, Moisesi a ma cuinö, Isaeli ebä ma cuinö, amowa tä a̦ ja, Jeobaa a nofi doamaje. Abinaja bä amowabö a̦ cuma. Jeobaa nijamö amowa ya tä a̦ yädäamaö lä cule. A nofi doablamobä a. Ö̦jö a shino lojode ayawä. ¡A nö mada wa̦lojablei! Cabayo bä ja, bä befi ca̦i lä läläano wei bä lä cui, modu unö, bä befi ca̦i bluca shäyäjäabodayoma.

Éxodo 15:1 Iomraidhean Croise

Éxodo 14:26

Ö̦jö däjä, abinaja Jeobaa a cuma, Moisesi nija. —Modu u jamö mau u fe dibäblou co̦obä, boco dodoa da co̦icu. Ejidoteli bä ma cui, cama bä befi ca̦i lä läläaö wei etäbä ma cui, cabayo jamö bä lä dicläo wei bä befi ma cui, mau unö bä fe bluca shäabä, boco da dodoicu —a cuma.

Éxodo 14:27

Einaja a fa cunö, modu u jamö Moisesi boco fa dodoicunö, modu u lä cuono weinaja u cublou co̦a fenalayoma. Ejidoteli bä lä cuinö, u quei fa dalalöjenö bä ma docuno wei ma cui, Jeobaanö modu u fa jujeblalönö, bä shäyäjäabodayoma.

Éxodo 15:21

Ö̦jö bä nija, Maríanö amowa a wa̦ colo jaba tama. Abinaja a amowabö a̦ cuma. Jeobaa nijamö amowa ya tä a̦ yädäamaö lä cule. A nofi doablamobä a. Ö̦jö a shino lojode ayawä. ¡A nö mada wa̦lojablei! Cabayo bä jamö bä lä läläano wei bä ma cui, modu unö, bä befi ca̦i shäyäjäabodayoma.

Números 21:17

Ö̦jö däjä showawä, Isaeli ebä lä cuinö ei tä a̦ amowa tamaje. Abinaja bä amowabö a̦ cuma. ¡Mau ubä da faolalu! ¡Mau uca jamö tä a̦ lä yädäle, bäma tä a̦ da ta!

Colosenses 2:15

Bämalecö lofotobou co̦daaö mlaobeje, fecula bä ca̦i bluca ujudua showamalema, cama ebä bada lä läle bä ca̦i. Cristo a shämou lä läono wei tänö, wawädowä bä nö bluca blemalalema.

Apocalipsis 15:3

Yai Bada a nosie juamobä a Moisesi lä cuinö, ö̦jönö tä a̦ amowa taö lä balöono wei tä a̦ taö co̦omaje, Oweja a wa̦fa ocalo lä jilamou wei tä a̦ ca̦i lä tano wei tä a̦ lä cui. Abinaja bä amowabö a̦ cuma. Cafä Yai Bada wa Bada lä cuinö, wa nö yai lä wa̦lojaö wei wa lä cuinö, wa tä lä taö wei tä nö bluca lojode quilijiwä. Bä bälöjou lä yaiblai bä nija wa Bada läo shi lä wa̦lii wei wa lä cui, showadi wa dodijaö. Showadi wa ca̦i bejedimou.