Éxodo 13:9 - Biblia Yanowamö

⁹ ’Ejido jamö Jeobaanö wamacö lä co̦leno wei wama tä nofi jaducubobä, wamacö nia co̦camou ca̦i iyaö —a cuma—. Showadi Jeobaa wama a wa̦no bejedi yubodibä. Bei wamacö imicö damou lä culenaja, bei wamacö mamocu nofi ca̦i mojodumamoimi lä culenaja, wamacö lä bayeliblamono wei wama tä nofi nia mojodubou cuomi. Ejido jamö Jeobaa a lojodenö, wamacö malä co̦leno wei.

Éxodo 13:9 Iomraidhean Croise

Nehemías 1:10

’Cafä wa nosie fuamobä bä waiquiwä —ya e cuma—. Afä bä li. Cafä wa lofotenö wa bä co̦lema, wa nö lä wa̦lojaö wei wanö.

Éxodo 12:14

Ei tä didi lä cui, showadi wama tä nofi jaducubobä tä mö didi. Obi ma cui, ei tä cublou co̦o däjä, Jeobaa wamale nofi co̦camoaö co̦lanö, showadi wamacö nia bluca iyaö. Ei ya lä cuu wei tä ja, wamacö bufi jaduculanö, showadi wama tä tabä. Cafä wamacönö ö̦jö wama tä taö fa balöonö, inaja showawä cafä wamacö nodiwä ma cuinö tä nia taö nodiablalouje —a Jeobaa cuma.

Éxodo 12:41

Ö̦jö lasha 430 a ya̦cumö fa famalöjenö, Jeobaa ebä bluca lä bälöblaono wei ebä fa toujublalunö, Ejido tä ulifi daquefälömaje.

Éxodo 13:14

’¿Ö̦jö tawä? —a cuma—. Obi, ijilufä bänö wamacö wa̦liije ja, “¿Wedi tabä inaja wamacö li cuaaö?”, bä cuu ja, abinaja wama bä nowa tabä. “Wedi tabä mlai. Ejido jamö yamacö nö lä bleaamano wejei jamö, Jeobaa a lojodenö yamalecö co̦lema.

Éxodo 13:16

’Wamacö co̦camou ca̦i lä iyaö wei tä lä cui, Jeobaa nija wamacö lä bayeliblamono wei wama tä nofi mojodubou mlaobä cätä —Moisesi a cuma—. Bei wamacö imicö damou lä culenaja, bei wamacö mamocu nofi mojodumamoimi lä culenaja, ö̦jö wama tä nofi ca̦i mojodubou mlaobä. Ejido jamö cama Jeobaa a lojodenö, bämalecö malä co̦leno wei.

Éxodo 13:3

Jeobaa a lä cuinö, Moisesi nija tä a̦ wäyäö fa balöonö, Isaeli ebä nija Moisesinö tä a̦ wäyäö fe dolemoma. Tä a̦ wäyäö ja, abinaja e cuma. —Ei tä jalu lä cui, showadi wama tä nofi jaducubobä cätä. Lasha a faö lä co̦le däjä ma cui, ai a faö lä co̦le jamö ma cui, ai a ja ma cui, wama tä nofi jalu jaducubou showaobä. ¿Ö̦jö tawä? Ejido jamö wamacö nö lä bleaamano wejei jamö, wama tä ulifi lä daqueno wei däjä, ö̦jö ei bei tä mö jalu. Jeobaa a lojodenö wamacö malä co̦leno wei. Ö̦jö cudeenö, nii juluno wama bä nia waimi.

Éxodo 3:20

Ö̦jö cudeenö, camiyä ya boco yalejea nö lä quilile tänö, Ejido ya tä ulifi nia wa̦liaö. Ya tä ulifi wa̦liablaö waiquilayono wei ja, ya̦cumö wamacö nia shömaö co̦o.

Éxodo 7:4

wafäcö a̦ nia ji̦liblaimi, bada anö. Wafäcö a̦ ji̦liblaimi cudeenö, ya̦cumö, Ejidoteli bä nija ya nia ishou. Ö̦jö däjä, iba bä lä bälöblai ya bä bluca fa toujublamalönö, ya bä bluca nia co̦aö, Isaeli ebä lä cui. Ya bä nö nia lä yuale däjä, ya waitelimou nö fa quilianö, Ejido jamö iba ya bä nia bluca co̦aö showadao.

Proverbios 1:9

Dodijidawä wa cuobä, tä a̦ malä cui. Jai baushi wa yojobou, jai dobä wa cö jalebou, tä a̦ cuwä.

Proverbios 3:21

U̦asi. A bufi shi̦lo jaducäwä ca̦i da bälöo. A bufi ca̦i walalawä ca̦i da cuo. Moli ma cui tä nofi mojodubo dijä.

Mateo 23:5

’Ö̦jö bä lä cui, yanowamö täbä nija bä dodijidawä dablamobä, bä jole jole li dodijaö bäa —a cuma—. Bä bufi nia cadidou fa dablamonö, bei wäyäcu jamö ma cui, bei e̦fetacö jamö ma cui, Yai Bada etä a̦ lä onibolajei täbä shino oni blebou talajei. Bä nö dodijidawä ö̦jöböamamobä, camishi cäcö lä feyacabou wejei cäcö casö febalashi malä lababou wejei.

Romanos 10:8

¿Wedinaja tä a̦ yai cuu, ö̦jö lä? Abenaja. Wa nia lä bayeliblamou wei tä a̦ yai ajedewä waiquiwä. Wa tä a̦ wayoaö dao. Ö̦jö tä a̦ ja wa bufi ca̦i daeo dao. Einaja tä a̦ yai cuu. ¿Ö̦jö tawä? Yama tä a̦ lä wäyäö wei, ö̦jö tä a̦ li waiquiwä, Jesucristo a nofi mölabobeje tä a̦ lä cui.

Deuteronomio 6:6

’Fei däjä bämacö lä yömölafe, bei wamacö bufi jamö wama tä a̦ nia bejedi lämabou.

Deuteronomio 6:8

’Wama tä a̦ nofi jaducubobä, bei wamacö e̦fetacö jamö wama tä a̦ nia oni ya̦bou. Bei wamacö wäyäcu jamö ma cui, wama tä a̦ nia ca̦i onibou.

Apocalipsis 18:8

Inaja Babiloniateli bä bufi li cuu cudeenö, yedu bä nomablobä etä nia wayu cublou, bä mö ö̦cöbä. Bä nia ca̦i ofälayou. Cowa wacöbänö bä nia ca̦i ö̦shölaliyo. ¿Ö̦jö tawä? Yai Bada tä Bada lä cui, bä dobloimi jömabä a showawä lä cui, ö̦jö a nö shino malä wa̦lojaö wei —a cuma.

Jueces 2:12

Cama bä nö badabö lija Jeobaa a lä bufiblamono wei a lä cui, a daquemaje, Ejido jamö bä lä co̦leno wei a lä cui. Ö̦jö a fa dacöjenö, bä shomi lä bälöblai bänö bä lä bufiblano wejei bä lija, bä bufi shedecou dicooma. Ö̦jö bä nö ijidubö cotä jamö bä möfe booma. Inaja bä cuaalanö, Jeobaa a jushuo lulubomaje.