Éxodo 13:7 - Biblia Yanowamö

⁷ Ö̦jö 7 tä mö didi cublou jaöo mlao däjä, nii bä juluno lä mlai wama bä nia waö balöo. Inaja wamacö cuaaö däjä, nii juluno bä lä cui, cafä wamacö nijamö bä nia dablamoimi. Cafä wamacö lä bälöblai jamö, julumamodima moli tä ma cui tä nia ca̦i dablamoimi.

Éxodo 13:7 Iomraidhean Croise

Éxodo 12:15

Abinaja Jeobaa a cuu co̦oma. —Wamacö iyaö ca̦i lä co̦camou wei däjä, abinaja wamacö nia cuaaö. Nii bä juluno lä mlai bä ja, wamacö iyaö showao däjä, 7 wama tä mö didi nia tablamaö balöo. Wamacö jaba lä iyaö wei däjä, ö̦jö däjä showawä, cafä wamacö yafibö jamö julumamodima wama bä nia joyaö. ¿Ö̦jö tawä? Ö̦jö 7 wama tä didi lä taamafälöö wei däjä, ai a bädawä ma cuinö, nii juluno bä waö dicoo ja, Isaeli wama ecö nija a nia malä waimou wei.

Éxodo 12:19

Ö̦jö 7 wama tä didi lä taamafälöö wei däjä, cafä wamacö yafibö jamö, nii julumamodima tä nia ca̦i cuomi dodijiwä. Ai a bädawä ma cuinö, nii juluno bä waö dicoo ja, Isaeli cafä bluca wama ecö lä cui nija a nia waimou. Cafä Isaeli wama ecö mashi a ma cui, shomi a lä coyocole a ma cui, inaja a cuaaö ja, a nia waimolayou.

Mateo 16:6

Ö̦jö däjä, bä moyawämabobä, Jesúsnö nii julumamodima tä a̦fa wäyäö yaclämoma. Abinaja bä nowa tama. —Bä da moyaweicu. Faliseo bä bada lä cui etä julumamodima wayu. Saduseo bä bada ma cui, inaja showawä cama etä ca̦i wayu cuwä mö feduwä —bä nowa tama.

1 Corintios 5:8

Ö̦jö cudeenö, täbä bufi doblalou ca̦i lä iyaö weinaja bämacö bufi ca̦i doblalou da cuo. Nii ajamö, julumamodima tä coyocaö mlajei ja, täbä iyaö lä cuaaö weinaja showawä. Wa̦lidiwä tä lä cui, nofi wa̦liayou tä lä cui, bäma tä coyocobou mlai ja. Bämacö bufi lä cadidou wei tänö, bämacö ca̦i lä bejedimou wei tänö, bämacö bufi doblalou ca̦i cuo showaobä.

Josué 5:11

Ö̦jö tä fena showawä ja, manaa bä mlai ja, ö̦jamö lä bä nii lä cublamono wei bä ja, bä jaba iyama. Nii juluno mlai ji̦bä ja bä iyama, yaama mobä ca̦i ja.