Éxodo 13:5 - Biblia Yanowamö

⁵ ’Wamacö nö badabö nija, Jeobaanö tä a̦fa ulifi lä wäyäno wei jamö wamacö ca̦i waloqueno wei ja, ö̦jamö lä, ei wama a nö belibo dabolanö, wamacö nia iyaö ca̦i co̦camou co̦o —a cuma—. Canaanateli bä ulifibö ma cui, idida bä ulifibö ma cui, amoleo bä ulifibö ma cui, ebeo bä ulifibö ma cui, jebuseo bä ulifibö ma cui, cafä wamacö bälöo nomöjöobä, a wa̦ nö wäo balöoma. Ö̦jamö lä, tä ulifi nö niji dodijiwä. Tä nö ca̦i ofimi.

Éxodo 13:5 Iomraidhean Croise

Génesis 50:24

Ya̦cumö, cama mashi ebä nija, José a wa̦ fama. —Ya bufi mlaaö a lä cuimadi. Ö̦jö ma cui, Yai Bada tänö wamacö fe nia waloo juoyoluu. Wamacö nia co̦aö. Tä a̦fa ulifi jaba lä wäyäno wei jamö, wamacö nia lulubou co̦ofälöö. Ablaamö nija ma cui, Isaacö nija ma cui, fayä Jacobo nija ma cui, a wa̦ nö wäo malä balöono wei —a cuma.

Éxodo 12:24

’Jeobaanö ei tä nabä lä shömaö wei tä lä cui, wama tä nofi nia cadidibou —Moisesi a cuma—. Lasha a faö lä co̦le däjä ma cui, ai a faö lä co̦le jamö ma cui, ai a ja ma cui, showadi wama tä nia taö. Cafä wamacönö ö̦jö wama tä taö fa balöonö, inaja showawä cafä wamacö nodiwä ma cuinö tä nia taö nodiablalouje.

Éxodo 13:10

Ö̦jö cudeenö, wamacö bufi mojoduo mlaobä, ei tä nabä lä shömaö wei, wama tä nia showadi taö. Lasha a faö lä co̦le däjä ma cui, ai a faö lä co̦le jamö ma cui, ai a ja ma cui, showadi inaja wamacö nia cuaadii. Tä tamobä tä yai cublou däjä, ö̦jö däjä showawä, wama tä nia taö.

Éxodo 13:11

’Canaanateli bä ulifibö jamö wamacö bälöaö nomöjöobä, Jeobaanö wamacö nia lulubou, cafä wamacö nija a lä cuno weinaja showawä —a cuma—. Cafä wamacö ma cui nija, wamacö nö badabö jaba lä bälöono wei bä ma cui nija, a wa̦ nö wäo malä balöono wei. Ö̦jamö wamacö bälömaquei ja,

Éxodo 3:17

’Ejido jamö bä nö lä bleaale, ya bä nia co̦aö —a cuma—. Ö̦jö ya wa̦ nö wäo waiquia lä cule. Shomi täbä ulifibö jamö ya bä bälöamaö läobä, ya bä ca̦i nia cuaaö nomöjöofälöö. Tä ulifi nö lä niji wei jamö bä nia bälöo, tä nö ulifi ofi lä mlai jamö. Canaanateli bä ulifibö ma cui, idida bä ulifibö ma cui, amoleo bä ulifibö ma cui, feleseo bä ulifibö ma cui, ebeo bä ulifibö ma cui, jebuseo bä ulifibö ma cui, ö̦jö lä bä ulifibö jamö ya bä nia bälömabou nomöjöo.

Éxodo 3:8

Ejidoteli bä nija ya bä jucäaö co̦obä, ya itou waiquia lä cule. Ö̦jamö ya bä fa co̦länö, tä ulifi dodijidawä lä blaucui jamö ya bä ca̦i cuaaö co̦ofälöbä. Tä ulifi nö lä niji wei jamö ya bä nia lulubou, tä nö ofi lä mlai jamö. ¿Ö̦jö tawä? Canaanateli bä ulifibö ma cui ja, idida bä ulifibö ma cui ja, amoleo bä ulifibö ma cui ja, feleseo bä ulifibö ma cui ja, ebeo bä ulifibö ma cui ja, jebuseo bä ulifibö ma cui ja, ö̦jamö bä bälöo nomöjöobä, ya bä ca̦i nia cuaaö co̦ofälöö.

Éxodo 32:13

’Ablaamö a ma cui, Isaacö a ma cui, Isaeli a ma cui, ö̦jö bä nija cafä wa jolemou dao lä mlai wa wa̦ nö wäquema —a cuma—. Wa tä a̦ lä wäqueno wei tä a̦ ja, a bufi da jaducuicu. Cafä wa nosie juabeje, afä bä li cuoma. Abinaja wa bä nowa tama. “Cafä nija bä lä nodiblou wei ya bä fa balamalönö, shidicali bä bluca lä culenaja, ya bä nia tablamaö”, wa cuma. “Ei ya tä a̦fa ulifi wäyäö lä balöono wei tä ulifi lä cui, afä bä lä nodiblou wei bä nija ya tä ulifi nia jöböaö juo. Ö̦jö tä nofi ulifi nia tabou shi wa̦liije”, wa cuma —Moisesi a cuma.

Éxodo 33:1

Moisesi nija abinaja Jeobaa a cuma. —A da alufälö. Ejido jamö wa bä lä co̦leno wei bä lä cui, bä ca̦i bluca juu da showadaofälö. Wamacö nö badabö nija ya tä a̦fa ulifi lä wäqueno wei jamö wa bä ca̦i jubä. Ablaamö a ma cui nija, Isaacö a ma cui nija, Jacobo a ma cui nija, ö̦jö bä nija ya wa̦ nö wäo ja, ya bä nowa tama. “Afä bä nodiwä nija ya tä ulifi jöböaö wä”, ya bä nowa tama.

Éxodo 34:11

Ei ya wa̦ lä cui, wamale a̦ nofi fa jaducubonö, wamale nosie nia shino juaö. ’¿Ö̦jö tawä? —a cuma—. Amoleo bä ma cui, Canaanateli bä ma cui, idida bä ma cui, feleseo bä ma cui, ebeo bä ma cui, jebuseo bä ma cui, cafä wamacö bälöo nomöjöobä, ya bä nia bluca yashublaö.

Éxodo 6:4

Ö̦jö bä nija Canaana ya tä ulifi jöbäabä, ya wa̦ nö ca̦i wäo balöoma, bä bälöblao lä buono wei tä ulifi showawä lä cui. Ö̦jö ya bä nowa taö wawädoo showaoma.

Éxodo 6:8

Ablaamö a ma cui nija, Isaacö a ma cui nija, Jacobo a ma cui nija, ö̦jö bä nija ya tä a̦fa ulifi lä wäqueno wei jamö ya bä lulubofälöö wä. Ö̦jö tä ulifi ja bä bälöo shi wa̦liobä, ya tä ulifi nia jöbäaö showadao. Ei ya wa̦ lä cui, Jeobaa cä ya wa̦. Inaja wa bä nowa tabä —Moisesi nija a Jeobaa cuma.

Números 11:12

¿Camiyänö ya bä bluca taama daanö, camiyä nija wa bä fa̦locamaö bufibä? Oshe bä yacabou lä culajeinaja ya bä tabolanö, yamacö nö badabö nija wa tä a̦fa ulifi lä wäqueno wei jamö ya bä bälabä, ¿ö̦jö ya daanö?

Números 13:27

Moisesi nija abinaja bä cuma. —Wa tä nabä ulifi lä shömano wei jamö, yama tä ulifi mödayoma. Tä nö ulifi niji fe balojowä, tä nö ulifi ofimi. Täbä nii ai lä cublai, ei bei täbä.

Números 14:16

“Quiji bä nija Jeobaa a wa̦ nö wäo ja, tä a̦fa ulifi wäquema ma cui, ö̦jamö bä lulubou doblonomi. Bä lulubou doblonomi yalo, tä ulifi lä bloque wei jamö bä bluca shäalalema”, bä nia cuu.

Números 14:30

ya tä a̦fa ulifi lä wäqueno wei jamö ya bä bälömabobä, moli ma cui ya bä nia jumaimi. Jefone bä ijilubö Calebi e sho, Nuni bei ijilubö Josué e sho, ö̦jö cäcöbö shino.