Éxodo 13:3 - Biblia Yanowamö

³ Jeobaa a lä cuinö, Moisesi nija tä a̦ wäyäö fa balöonö, Isaeli ebä nija Moisesinö tä a̦ wäyäö fe dolemoma. Tä a̦ wäyäö ja, abinaja e cuma. —Ei tä jalu lä cui, showadi wama tä nofi jaducubobä cätä. Lasha a faö lä co̦le däjä ma cui, ai a faö lä co̦le jamö ma cui, ai a ja ma cui, wama tä nofi jalu jaducubou showaobä. ¿Ö̦jö tawä? Ejido jamö wamacö nö lä bleaamano wejei jamö, wama tä ulifi lä daqueno wei däjä, ö̦jö ei bei tä mö jalu. Jeobaa a lojodenö wamacö malä co̦leno wei. Ö̦jö cudeenö, nii juluno wama bä nia waimi.

Éxodo 13:3 Iomraidhean Croise

Génesis 15:16

Afä bä lä nodiblou wei bä lä cuinö, lasha 400 a fa famalöjenö, obi eja bä waloo co̦o wä. Obi shino. Eja amoleo bä lä bälöblai bä lä cui, bä nofi ma jushuaö wei ma cui, ya ishou showadaobä, tä cubloimi showawä —Jeobaa a majali cuma.

Nehemías 1:10

’Cafä wa nosie fuamobä bä waiquiwä —ya e cuma—. Afä bä li. Cafä wa lofotenö wa bä co̦lema, wa nö lä wa̦lojaö wei wanö.

Éxodo 12:15

Abinaja Jeobaa a cuu co̦oma. —Wamacö iyaö ca̦i lä co̦camou wei däjä, abinaja wamacö nia cuaaö. Nii bä juluno lä mlai bä ja, wamacö iyaö showao däjä, 7 wama tä mö didi nia tablamaö balöo. Wamacö jaba lä iyaö wei däjä, ö̦jö däjä showawä, cafä wamacö yafibö jamö julumamodima wama bä nia joyaö. ¿Ö̦jö tawä? Ö̦jö 7 wama tä didi lä taamafälöö wei däjä, ai a bädawä ma cuinö, nii juluno bä waö dicoo ja, Isaeli wama ecö nija a nia malä waimou wei.

Éxodo 12:17

’Ö̦jö nii bä juluno lä mlai bä ja, wamacö nia iyaö ca̦i lä co̦camou wei tä lä cui, wamacö bufi jaduculanö showadi wama tä nia taö —a cuma—. Ö̦jö tä didi lä cui ja, Ejido jamö wamacö lä bälöblao wei bämacö bluca fa toujublamalönö, bämacö jödödöwä nia malä co̦aö wei. Ö̦jö cudeenö, wamacö bufi jaduculanö, showadi wama tä nia taö. Cafä wamacönö ö̦jö wama tä taö fa balöonö, inaja showawä cafä wamacö nodiwä ma cuinö tä nia taö nodiablalouje.

Éxodo 12:19

Ö̦jö 7 wama tä didi lä taamafälöö wei däjä, cafä wamacö yafibö jamö, nii julumamodima tä nia ca̦i cuomi dodijiwä. Ai a bädawä ma cuinö, nii juluno bä waö dicoo ja, Isaeli cafä bluca wama ecö lä cui nija a nia waimou. Cafä Isaeli wama ecö mashi a ma cui, shomi a lä coyocole a ma cui, inaja a cuaaö ja, a nia waimolayou.

Éxodo 12:2

—Ei a belibo lä cui, wama a nofi jaducubobä ya wa̦. Wama bä belibo nofi lä jaducubou wei däjä, “Ei a lä cui jaba a”, wama a nofi tabou cadidiobä.

Éxodo 12:41

Ö̦jö lasha 430 a ya̦cumö fa famalöjenö, Jeobaa ebä bluca lä bälöblaono wei ebä fa toujublalunö, Ejido tä ulifi daquefälömaje.

Éxodo 12:42

Ö̦jö tä didi lä cui däjä, Ejido jamö Jeobaanö bä co̦abä, bä nofi tabou fe jaluma. Ö̦jö cudeenö, lasha a faö lä co̦le däjä ma cui, ai a faö lä co̦le jamö ma cui, ai a ja ma cui, ö̦jö tä didi cublou co̦o däjä, Isaeli ebä bluca lä cui, showadi, bä bufi jaduculanö bä nia bälöoma. Jeobaanö bä nofi lä tabono wei tä nofi mojodubou mlaobeje. Cama bänö ö̦jö tä nia taö fa balöojenö, inaja showawä cama bä nodiwä ma cuinö tä nia taö nodiablalomaje.

Éxodo 12:8

’Ö̦jö tä didi showawä ja, cowa wacö jamö wama bä yalo fa yablanö, wama bä walalei —a cuma—. Nii bä juluno lä mlai bä ja, na co̦wami jenabä ca̦i ja, wama bä nia defiaö.

Éxodo 13:14

’¿Ö̦jö tawä? —a cuma—. Obi, ijilufä bänö wamacö wa̦liije ja, “¿Wedi tabä inaja wamacö li cuaaö?”, bä cuu ja, abinaja wama bä nowa tabä. “Wedi tabä mlai. Ejido jamö yamacö nö lä bleaamano wejei jamö, Jeobaa a lojodenö yamalecö co̦lema.

Éxodo 13:9

’Ejido jamö Jeobaanö wamacö lä co̦leno wei wama tä nofi jaducubobä, wamacö nia co̦camou ca̦i iyaö —a cuma—. Showadi Jeobaa wama a wa̦no bejedi yubodibä. Bei wamacö imicö damou lä culenaja, bei wamacö mamocu nofi ca̦i mojodumamoimi lä culenaja, wamacö lä bayeliblamono wei wama tä nofi nia mojodubou cuomi. Ejido jamö Jeobaa a lojodenö, wamacö malä co̦leno wei.

Éxodo 20:2

—Cafä wamacö nija ya bufiblamobä, camiyä bei ya Jeobaa. Ejido jamö wamacö nö lä bleaamano wejei däjä, bämacö lä co̦leno wei, ö̦jö ya.

Éxodo 20:8

’Wamacö yanöcöobä tä mö jalu sábado lä cui, wama tä nofi nia jalu jaducubou, ö̦jö tä mö li jalu yaiobä —a cuma—.

Éxodo 3:20

Ö̦jö cudeenö, camiyä ya boco yalejea nö lä quilile tänö, Ejido ya tä ulifi nia wa̦liaö. Ya tä ulifi wa̦liablaö waiquilayono wei ja, ya̦cumö wamacö nia shömaö co̦o.

Éxodo 34:18

’Bei —a cuma—. Abibi a belibo cublou co̦o däjä, abinaja wamacö nia shino cuaaö, nii bä juluno lä mlai bä ja, showadi wamacö nia iyaö ca̦i lä co̦camou wei tä lä cui, wama tä nofi nia shino jaducubou. Ö̦jö bä ja, wamacö iyaö showao däjä, 7 wama tä mö nia jalu tablamaö, bämacö nowa lä tano weinaja showawä. Abibi a belibo lä cui däjä, tä yai lä cublole däjä, wamacö nia iyaö ca̦i co̦camou. ¿Ö̦jö tawä? Abibi a belibo däjä, Ejido jamö wamacö malä julayofälöno wei.

Éxodo 6:1

Inaja Moisesi a ma cuno wei ma cui, abinaja Jeobaa a cuu mö feduoma. —Fei däjä bada ya nia lä yabäcaö wei wa tä möbä, ö̦jö lä. Tä yai lä lojode wei tä nija a fa quililalunö, bä nia shömaö malä co̦o wei. ¿Ö̦jö tawä? Tä yai lä lojode wei tä nö quiliaö cudeenö, lobe bä nia shömaö co̦o showadao —a cuma.

Éxodo 6:6

Ö̦jö cudeenö, ei ya wa̦ lä cui, Isaeli ebä nija wale a̦no wäyäö cadidio showaobä. Camiyä Jeobaa que ya. Ejidoteli bänö bä nosiemaö fe blacäjouje ja, bä nö ma bleaamaö wejei ma cui, ya bä nia luluaö co̦o fe yadiofälöö. Bä shi ma wa̦limabolajei ma cui, ya bä nia jucäaö co̦o. Ya ishou nö quiliaö ja, ya lojode fa damolalunö, ya bä nia co̦lei.

Éxodo 6:7

’Ya bä fa co̦länö, iba ya bä nia tabou showao. Camiyä wale bufiblabeje, cama ya e nia cuo dodijio. Ö̦jö däjä, wale nö nia Bada ö̦jöböaöje. “Ejidoteli bänö bämalecö nö ma bleaamano wejei ma cui, ö̦jö Jeobaa a lä cuinö bämalecö co̦a co̦lema. Ö̦jö bäma a bufiblabä a li dodijiwä”, ya nofi nia tamamou.

Éxodo 7:4

wafäcö a̦ nia ji̦liblaimi, bada anö. Wafäcö a̦ ji̦liblaimi cudeenö, ya̦cumö, Ejidoteli bä nija ya nia ishou. Ö̦jö däjä, iba bä lä bälöblai ya bä bluca fa toujublamalönö, ya bä bluca nia co̦aö, Isaeli ebä lä cui. Ya bä nö nia lä yuale däjä, ya waitelimou nö fa quilianö, Ejido jamö iba ya bä nia bluca co̦aö showadao.

Mateo 10:12

Wamacö yafii däjä, ö̦jamö bä lä bälöle wama bä nia bayelimaö showadao, bä bufi ca̦i yanöcöwä cuobä.

Lucas 22:19

Ö̦jö däjä nii a fa dälönö, Yai Bada nija a bufi a̦fa doblalou wäyämou co̦oma. Ö̦jö däjä a fa joyolalönö cama ebä nija bä jöbäö cuaama. Bä jöbälanö abinaja bä nowa tama. —Ei nii a lä cui, camiyä ya nia lä jöböo wei, ei bei ya ya̦ji nö owä, cafä wamacö bayeliblamobä ya nia lä jöböo wei. Bämacö iyaö lä cuaalenaja bä cuaaö da juo, wamale nofi jaducubobä —bä nowa tama.

1 Corintios 11:24

Nii a ja, Yai Bada lija a bufi a̦fa doblalou fa wäyämonö, a joyolalema. Abenaja bä nowa tama. —Ei nii a lä cui, camiyä ei bei ya ya̦ji nö owä. Cafä wamacö bayeliblamobä, ya nia lä jiböo wei. Bämacö iyaö lä cuaalenaja bä cuaaö da juo, wamale nofi jaducäbobä, —bä nowa tama.

1 Corintios 5:8

Ö̦jö cudeenö, täbä bufi doblalou ca̦i lä iyaö weinaja bämacö bufi ca̦i doblalou da cuo. Nii ajamö, julumamodima tä coyocaö mlajei ja, täbä iyaö lä cuaaö weinaja showawä. Wa̦lidiwä tä lä cui, nofi wa̦liayou tä lä cui, bäma tä coyocobou mlai ja. Bämacö bufi lä cadidou wei tänö, bämacö ca̦i lä bejedimou wei tänö, bämacö bufi doblalou ca̦i cuo showaobä.

Efesios 1:19

Cama wama etä lofote dablabä ya ca̦i nacou. ¿Ö̦jö tawä? Ö̦jö a shi̦lo yai lofote dodijiwä. Cama etä lofotenö, bäma a bejedi lä bufii wei bämacö lä cui bämalecö bayelibou. Ö̦jö etä yai lofote showawä lä cuinö,

Jueces 2:12

Cama bä nö badabö lija Jeobaa a lä bufiblamono wei a lä cui, a daquemaje, Ejido jamö bä lä co̦leno wei a lä cui. Ö̦jö a fa dacöjenö, bä shomi lä bälöblai bänö bä lä bufiblano wejei bä lija, bä bufi shedecou dicooma. Ö̦jö bä nö ijidubö cotä jamö bä möfe booma. Inaja bä cuaalanö, Jeobaa a jushuo lulubomaje.

Jueces 6:8

Jeobaa a wa̦no wäyälewä a shimölema, Isaeli ebä lija. Abenaja a cuma. —Jeobaa ya wa̦no taö lä cule, Isaeli bäma ecö lija a bufiblamobä a lä cui. Ejido jamö bämalecö co̦lema. Bämalecö nö lä bleaamano wejei jamö culanö, bämalecö luluboimama.