Éxodo 12:3 - Biblia Yanowamö

³ ¿Ö̦jö tawä? Ei ya lä cuu wei tä ja, Isaeli ebä bluca lä cui, wafä bä yömölaö showadaobä. Ei a belibo ja, 10 tä mö jalu lä cui däjä, yalo ocalo wama bä nia doaö cuaaö. Oweja bä ma cui, shibo bä ma cui, afä wama bä ca̦i lä cublai, yalo moli wama bä nia ocalo däadalaö cuaaö, afä wama bä ca̦i iyabä.

Éxodo 12:3 Iomraidhean Croise

Génesis 22:8

—U̦asi. Yai Bada nija oweja bäfä a wai ö̦shö nia lä dodobou wei, camanö a jöböaö wä. Cama Yai Bada tänö bäfäcö dobäö weicätä —Ablaamönö a nowa fa tanö, cäcöbö dolequea showabefälöma.

Génesis 4:4

Inaja bei fääshä e ca̦i nia fa cuaanö, yalo ocalo a dodobobä a ca̦i waloa mö feduquema. Yalo oweja jaba a lä cui a fa yailönö, a fa bacäcälalönö, a ya̦jicö daböjöwä dodoboyoluma. Inaja a cuaaö ja, Abele nija, Jeobaa a bufi doblaloma. Yalo a lä dodobono wei a ma cui ja, a bufi ca̦i doblaloma.

Éxodo 12:2

—Ei a belibo lä cui, wama a nofi jaducubobä ya wa̦. Wama bä belibo nofi lä jaducubou wei däjä, “Ei a lä cui jaba a”, wama a nofi tabou cadidiobä.

Éxodo 12:21

Ö̦jö däjä, Isaeli nodiwä ebä bada lä cui, Moisesinö bä fa nacamalänö, bä nosiemaö fe dolemoma. —Afä wama bä ca̦i lä cule wamacö iyabä, oweja bä ma cui, shibo bä ma cui, ö̦jö bä ocalo da yaiblalöje. Jeobaa a nia waiteli lä jayuo wei jamö wama a yalo nia lä waö wei, bä da shälöje.

Éxodo 12:4

’Oweja wama a mö watäaö showaobä, wamacö bolacami ja, bä bälöa lä jö̦cöle wama bä fa nacalänö, ö̦jö bä sho wamacö nia bluca iyaö —a cuma—. Ö̦jö wamacö lä cudalenaja, wama bä yalo cobea fa tablalönö, wamacö iyabä.

Éxodo 12:6

Wama bä yalo fa däalalönö, wama bä ajedebou waiquilanö, 4 wama tä didi nia tablamaö. Ö̦jö däjä, 14 tä mö jalu lä cublole däjä, Isaeli cafä bluca wama ecö showadawänö, yalofä oweja wama bä nia weyade shäö cuaaö.

Éxodo 14:15

Moisesi nija abinaja Jeobaa a cuma. —Bei, bei. ¿Wedi tabä jai wa nö bayeliblamobimi bei wa wa̦ li ji̦limou cuaaö dicoo? Isaeli lobe ebä jumaö co̦o da bufi.

Éxodo 20:19

Moisesi nija bä quililanö bä a̦ fama. —Cafänö yamalecö shino yai da yömöla, cafänö. Bäfä a̦ ji̦liaö weicätä. Camiyä yamacö nija Yai Bada wa wa̦ famabä mlai, ö̦jö a wa̦nö yamacö nomaa dicolalu —bei bä cuma.

Éxodo 4:30

Moisesi nija Jeobaa a wa̦no bluca lä ji̦lileno wei, Aaloninö a wa̦no fe dolemaö showadaoma. Täbä mamo showao däjä, tä nö lä quilijii tä bluca ca̦i wawämaö showadaoma.

Éxodo 6:6

Ö̦jö cudeenö, ei ya wa̦ lä cui, Isaeli ebä nija wale a̦no wäyäö cadidio showaobä. Camiyä Jeobaa que ya. Ejidoteli bänö bä nosiemaö fe blacäjouje ja, bä nö ma bleaamaö wejei ma cui, ya bä nia luluaö co̦o fe yadiofälöö. Bä shi ma wa̦limabolajei ma cui, ya bä nia jucäaö co̦o. Ya ishou nö quiliaö ja, ya lojode fa damolalunö, ya bä nia co̦lei.

Levítico 1:2

—Camiyänö bäfä nowa lä talenaja, Isaeli ebä da yömöla. Cafä wamacö ai a lä cuinö, camiyä Jeobaa ya nija a dodobobä a yalo ca̦i juu däjä, baca a ma cui ja wale dobäö dao. Oweja a ma cui ja, shibo a ma cui ja, wale dobäö dao.

Levítico 5:6

Tä doblono lä mlai etä nowa mladobä, camiyä Jeobaa ya nija, yalo e nia ca̦i juimaö. Oweja ocalo a ma cui, shibo a ma cui, suwä a ca̦i fa juimanö, wa̦lidiwä etä nowa co̦amabä e ca̦i yalo fa waloicunö, a doblono lä mlai ya etä nowa mladamabä, inaja nofi bäyäalewä a nia cuaaö.

Juan 1:29

Ö̦jö tä fena ja, Jesús a juu fa dalalönö, Juan a wa̦ fama. —¡Ei, ei! Quiji a lä cui, Yai Bada tänö a shömölema. Oweja a wa̦fa ocalo lä jilamou wei a. Bita jamö täbä lä bälöblai täbä nowa wa̦lidiwä mladamabä, a nia lä shämou wei, ö̦jö lä a.

Juan 1:36

Jesús a jayuama. A jayuaö fa dalalönö, abinaja cäcöbö nowa tama. —¡Ei, ei! Quiji a lä cui, Yai Bada tänö a shömölema. Oweja a wa̦fa ocalo lä jilamou wei a —cäcobö nowa tama.

Juan 12:1

Bei. Yai Bada a waiteli lä jayuano wei, 6 tä mö jalu cublou däjä tä nofi nia co̦camoaö co̦omaje. Bä iyaö showaa mlai ja, Bedaniateli bä nijamö Jesús a waloa balöquedayoma. Ö̦jamö Lasalo a bälöoma, Jesúsnö a demi jocädamaö lä co̦layono wei a lä cui.

Juan 12:12

Ö̦jö tä fena ja, bä iyaö ca̦i co̦camobä bä bluca lä yododano wei bä lä cuinö, Jelusale jamö Jesús a wa̦fa juu ji̦lilemaje.

1 Corintios 5:7

Täbä nofi lä jushuaö wei tä lä cui, jai nii julumamodima tä lä culenaja tä cuwä. Ö̦jö tä möcashi jotenö, tä mö comi fudäblaliyo. Cafä wamacö lijamö tä jode lä cule tä da joyalöje, bei wamacö bufi dude jamö tä jode coyocoo mladobä. Jode wama tä coyocobobä wamacö malä mlai. Yai Bada a waiteli lä jayuano wei a nofi co̦camoabeje, yalo oweja bä shäö lä cuaaö wejeinaja, Cristo a shämou malä waiquilayono wei.

Apocalipsis 13:8

¿Ö̦jö tawä? Bita jamö bä yanowamö bluca lä cublai bä lä cui, ö̦jö nija bä möfe bolanö a wa̦fa nia bada doblao taöje. Bä nia ba̦limi lä cudio wei, Yai Bada tänö bä a̦fa lä onibole si ja bä a̦fa lä cule, ö̦jö bä lä cui bä nö bayeli nia shino nacaomi ayao. Ulifi a tablamou showao mlao däjä, ö̦jö bä a̦fa bluca tabou showadaoma. Ö̦jö si lä cui, Oweja a wa̦fa ocalo lä jilamou wei, ö̦jö esi li oni, a lä shämono wei a lä cui.