Éxodo 11:3 - Biblia Yanowamö

³ Isaeli ebä bayeliblabeje, Jeobaanö Ejidoteli bä shi ö̦jödamaboma. Ö̦jö bädawä mlai, Moisesi a ma cui, a nö quili ca̦i tamou dodijioma. Bada a nija bä lä yädäono wei bä ma cuinö, Ejidoteli bluca bä lä cuono wei bä ma cuinö, “Ö̦jö bada bei a yaiwä”, a nofi bluca tabomaje.

Éxodo 11:3 Iomraidhean Croise

Génesis 12:2

Cafä bäfä fa balamalönö, wamacö bälöo fa lojodoonö, wamacö bälöo nia yaio. Bäfä nia bayelibou. Cafä wa wa̦fa nia yai ji̦limou blaucou lä cuaaö wei, bäfä nia tablamaö. Cafä inaja bäfä bayeliblaö cuo ja, cafä nija ai bä nia bayeliblamou mö feduo.

Génesis 39:21

Ö̦jamö a fe ma laqueno wei ma cui, Jeobaanö showadi José a ca̦i cuo showaoma. Showadi a nofimama yalo, a nofimaö showaoma. ¿Ö̦jö tawä? Täbä fe lä laono wei jamö a bada lä läono wei a lä cui, Jeobaanö a bufi tamalema, José a nofi ojodabobä.

2 Samuel 7:9

A fuu ma bädao wei jamö ma cui, ya ca̦i cudia lä showale. Cama lija bä nö lä nabämou wei, ya bä mö bluca watäblalema. Bada bä lä bälöblai bä a̦fa ji̦libou lä cuaadujeinaja, David ya wa̦fa nia ji̦liamaö cuaaö mö feduo.

Éxodo 12:35

¿Ö̦jö tawä? Moisesinö Isaeli ebä nowa lä tano weinaja bä cuaaö waiquioma. Ejidoteli bä nija bä malä nacono wei. Olo bä ja, bä baushi lä tablamou wei bä ma cui, blada bä ja bä ma cui, ö̦jö bä baushi nacaa waiquialalemaje, camishi bä ca̦i.

Éxodo 12:36

Isaeli ebä bayeliblabeje, Jeobaa a lä cuinö, Ejidoteli bä shi ö̦jödamabou waiquioma. Täbä lä nacaleno wejei täbä lä cui, täbä noshi bluca ö̦jödabomaje. ¿Ö̦jö tawä? Inaja bä cuaaö ja, Ejidoteli bä bluca blocoblamalemaje.

Éxodo 3:21

’Wamacö jublou däjä, camiyänö bämacö bayeliblaö yalo, bloque wamacö nia juimi. Wamacö dobäbeje, Ejidoteli ya bä shi nia ö̦jödablamaö.

Hechos 7:22

Ejidoteli bä nija Moisesi a fa damamonö, cama bä bufi jaducuwä lä culenaja a cublou mö fedulayoma. A wa̦ lä fano wei tä ma cui ja, a ca̦i lä cuaano wei tä ma cui ja, a nö wa̦lojaö dodijioma.

Deuteronomio 34:10

¿Ö̦jö tawä? Isaeli ebä nija Jeobaa a wa̦no wäyälewä ai bä wawäblou ma nodiono wei ma cui, Moisesi a yai lä cuono weinaja, a dablamou co̦daanomi. Jeobaanö Moisesi a wa̦ wawädowä wayomaö lä cuaano weinaja a dablamou co̦daaö fa mlacunö, fei däjä ma cui a dablamoimi malä showai.

Deuteronomio 34:11

Ejido jamö Jeobaa a nö lojode ö̦jöböamabä, Moisesi bejedi lä a nö quiliaö dodijioma. Ejidoteli bada a nö bleaamaö lä cuaano weinaja ma cui, cama ebä nö ca̦i bada bleaamaö mö lä feduono weinaja ma cui, bä ulifibö wa̦liaö lä showadaono weinaja ma cui, inaja ai bä cuaaö mlai ja, Moisesi a shino yami cuaaö ayaoma.

Josué 4:14

¿Ö̦jö tawä? Inaja bä cuaaö däjä, Josué lija Isaeli ebä bluca quilibä, Jeobaanö wawädowä a tablamalema. “Bada tä dodijiwä”, a nofi tabomaje. Moisesi a cuo showao däjä a nofi showadi tabodii lä cuono wejeinaja showawä.

Apocalipsis 3:9

¿Ö̦jö tawä? Ö̦jö bä a̦fa jole jole judio lä jilou wei bä lä cui, bä jolemou. Sadanasi a nofi yai co̦camoaöje. ¿Ö̦jö tawä? Iba Filadefiateli bä cotä jamö, ya bä möfe nia bomabou. Iba ö̦jö ya bä showadi lä nofimaö wei, ya tä nia dablamaö.