Éxodo 11:1 - Biblia Yanowamö

¹ Moisesi nija abinaja Jeobaa a cuma. —Bada a ma cui, Ejidoteli bluca bä ma cui, ya bä nö bluca bleaamaö co̦obä, moli tä cua showaa. Ö̦jö moli ya tä lä wawämale däjä, wamacö shömaö co̦o weicätä. Wamacö lä shömale däjä, lobe wamacö nia shömaö showadao.

Éxodo 11:1 Iomraidhean Croise

Génesis 15:14

Bä nö nia bleaamaö nö ma dedeaö wejei ma cui, camiyänö, inaja showawä ya bä li taamaö mö feduo weicätä. Inaja ya bä taamaö däjä, afä ya bä famaö co̦o däjä, bloque ya bä nia documaimi. Madofi bä ma cui, yalo bä ma cui, ö̦jö bä nia ca̦i bluca faö co̦ofälööje.

Éxodo 12:29

Tä bäshäcublou däjä, Jeobaa a ishoma. Ejido jamö bei ijilubö jaba ebä lä cublai bä bluca shäalalema. Bada a bälöo lä dodijiono wei a ma cui, bei ijilubö jaba e lä cui a nomalayoma. Bä fe lä labono wejei bä bädawä ma cui, bei ijilubö jaba ebä lä cui ebä ca̦i nomaa mö fedua showalayoma. Bä yalo lä tabono wejei bä ma cui, bei ijilubö jaba ebä ca̦i yalo nomaa mö fedua showalaliyoma.

Éxodo 3:20

Ö̦jö cudeenö, camiyä ya boco yalejea nö lä quilile tänö, Ejido ya tä ulifi nia wa̦liaö. Ya tä ulifi wa̦liablaö waiquilayono wei ja, ya̦cumö wamacö nia shömaö co̦o.

Éxodo 6:1

Inaja Moisesi a ma cuno wei ma cui, abinaja Jeobaa a cuu mö feduoma. —Fei däjä bada ya nia lä yabäcaö wei wa tä möbä, ö̦jö lä. Tä yai lä lojode wei tä nija a fa quililalunö, bä nia shömaö malä co̦o wei. ¿Ö̦jö tawä? Tä yai lä lojode wei tä nö quiliaö cudeenö, lobe bä nia shömaö co̦o showadao —a cuma.

Éxodo 9:14

Fei däjä, ya nö lä quiliaö wei täbä blucanö, ¡bejedi lä ya bä bufi nö nia malä bleaamaö wei! Cama a ma cui, cama ebä lä yädämabou wei bä ma cui, ebä nofi bluca lä tabou wei bä ma cui, ya bä bufi nö nia bleaamaö fe balojoo. Jödödöwä tä ma cui jamö, camiyä Jeobaa ya lä culenaja tä cuwä, tä cuami waiquiwä. Wale nö Bada ö̦jöböabeje, ya nö nia quiliaö.

Apocalipsis 16:9

Bä si ö̦shöblou yalo, Yai Bada tä wafäblamaje, cama a lojodenö bä nö bleaama yalo. ¿Ö̦jö tawä? Bä doblou lä mlai tä ja bä bufi mö yabajadonomi. Yai Bada a wa̦fa ca̦i doblao wäyänomije.