Éxodo 10:9 - Biblia Yanowamö

⁹ Abinaja Moisesi a cuma. —Oshe bä ma cui, bada bä ma cui, camiyä yamacö ijilubö ma cui, tääbö ma cui, bluca yama bä ca̦i nia juu. Baca bä ma cui, oweja bä ma cui, ö̦jö yamacö yalobö ca̦i nia juu. Jeobaa nija yamacö nia iyaö ca̦i malä co̦camou wei —a cuma.

Éxodo 10:9 Iomraidhean Croise

Génesis 50:8

Cama José ebä ca̦i bluca juma. Cama mashi ebä ma cui, bä fö̦ö enö bä ca̦i bluca lä cuono wei bä ma cui, bä ca̦i bluca aa showalayoma. Cosena jamö, ijilu oshe bä shino cuo feyaama. Yalo oweja ebä ma cui, baca ebä ma cui, ö̦jö ebä bluca ca̦i cuo feyaaö showaoma.

Éxodo 10:10

—Inaja mlaicätä —bada a cuma—. Bämacö nia bluca shömaimi. Wamacö a̦ shomiaö waiquiwä. “Jeobaanö dodijidawä yamalecö ca̦i juu weicätä”, wamacö bufi jole ma cuu wei ma cui, wamacö ijilubö ca̦i jufälöö mlaicätä.

Éxodo 10:26

Camiyä yamacö yalobö lä cui, bä nia daamoimi. Moli ma cui yama a ca̦i nia daaö buomi. Jeobaa yama a lä bufiblaö wei, dodijidawä yama a nofi co̦camoabä, ö̦jö bä li waiquiwä. Ö̦jamö yamacö waloo showao mlao däjä, “Ei täbä dodijiwä ja”, yamacö bufi nia cuimi dicowä —Moisesi a cuma ma cui,

Éxodo 12:32

Cafä wamacö yalobö ma cui, afä oweja wama bä fa co̦alalunö, afä baca wama bä ca̦i fa co̦alalunö, bä ca̦i da alufälöje, wafäcö lä cuno weinaja showawä. Camiyä ya lä cui, Jeobaa nija wamale ca̦i da bayelima, ¿ö̦jö tawä? —a cuma.

Éxodo 12:37

Isaeli ebä lä cui, Lamesei tä ulifi tabi fa feicöjenö, Sucodo jamö bä waloa nomöjöquema. Bä lä julayofälöno wei bä blucao dodijioma. Wa̦lo jai 600.000 bä cuoma. Suwä bä ca̦i blucao mö feduo showaoma. Oshe bä ca̦i blucao mö feduoma.

Éxodo 12:38

Shomi bä ma cui, bä ca̦i bluca fa co̦cablalunö, bä dolecofälöbä jamö bä yaubefälöma. Oweja bä ma cui, baca bä ma cui, ö̦jö bä bluca ca̦i yalo jumaje.

Éxodo 13:6

’¿Ö̦jö tawä? —a cuma—. Wamacö iyaö ca̦i lä co̦camou wei däjä, abinaja wamacö nia cuaaö. 7 tä mö didi cublou jaöo mlao däjä, nii bä juluno lä mlai bä ja, wamacö nia iyaö balöo. Ö̦jö däjä, 7 tä mö didi ja, Jeobaa wama a nofi yai co̦camoalanö, wamacö nia iyaö ca̦i co̦camou co̦o.

Éxodo 3:18

’Isaeli ebä bada lä cuinö wa wa̦ fa ji̦liläjenö, Ejidoteli bada a lä cui nija, ö̦jö wa bä ca̦i nia icuo —a cuma—. Ö̦jö nija abinaja wamacö nia cuu. “Ebleo yamacö nija Jeobaa yama a lä bufiblaö wei a wawälayoyoluma. ¿Ö̦jö tawä? Ulifi bloque jamö yamalecö da shöma. Bolacabö yamacö fa miicufälönö, yamacö nia weyade waloo. Ö̦jamö yama tä lä bufiblaö wei tä Jeobaa nija, yalo yama bä fa shänö, yama bä ö̦shö dodobobä.” Einaja bada wama a nowa tabä.

Éxodo 5:1

Ö̦jö tä cublou waiquilayono wei ja, bada a lä cui nija, Moisesi, Aaloni sho cäcöbö fa icuicunö, abinaja a nowa taböma. —Jeobaa yafä a wa̦no wäyäö lä cule, Isaeli yama ecö nija a lä bufiblamou wei a lä cui. Ulifi bloque jamö cama nija bä iyaö ca̦i co̦camobä, ebä shömöa da co̦lu —a nowa taböma.

Éxodo 5:3

Abinaja cäcöbö cuu nomöjöoma. —Ebleo yamacö nija tä lä bufiblamou wei tä Yai Bada lä cui, camiyä yamacö nija tä wawälayoyoluma. Yamalecö shömöa da co̦lu, ¿ö̦jö tawä? Ulifi bloque jamö yamacö jubä. Bolacabö yamacö fa miicufälönö, yamacö weyade nia waloo. Ö̦jamö lä, Jeobaa yama a lä bufiblaö wei a nija, yalo yama bä ö̦shö nia dodobodayou, shawala tänö yamalecö nö bleaamaö mlaobä. Ishou tänö yamalecö nö bleaamaö mlaobä —cäcöbö cuma ma cui

Proverbios 3:9

Afä wa tä lä tabou wei tä ja, Jeobaa a da dobälö, afä nii bä jaba lä lalou wei bä ca̦i ja. Inaja wa cuaalanö, Jeobaa wa nofi lä tabou wei tä nia dablamou.

Efesios 6:4

Bä fö̦ö wama ecönö, ijilufä bä jushuo lulubo dijejä. Wama bä ca̦i dodijidawä fa cuonö, wama bä yai wasöbobä. Wama bä yai yömölabobä. Bada tänö tä tamaö lä bufii weinaja showawä.