Éxodo 10:5 - Biblia Yanowamö

⁵ Ö̦jö bä fa jödödöblalunö, mashita a nia dabloimi. Bleyula bänö täbä cau lä feiblamaleno wei, ö̦jö täbä nia waicaö jödödöoje. Cafä wamacö ulifibö jamö fii bluca fibä lä cublai, fibä mö nia watäblaöje.

Éxodo 10:5 Iomraidhean Croise

Éxodo 10:12

Ö̦jö däjä, abinaja Jeobaa a cuma, Moisesi nija. —Bei. Boco da yalejedalu. Ejido wa tä ulifi jömaö fa cuaanö, sequi sequima wa bä wawämabä. Ejidoteli bä ulifibö wa̦liaö showadaobeje. Bleyula bänö bä bluca cau lä feiblamaleno wei bä lä cui, ö̦jö bä mö watäblabeje —a cuma.

Éxodo 10:15

Tä ulifi malä jödödöblaleno wejei. Ö̦jö bä comi läoma cudeenö, tä mö luwäblaliyoma. Tä ulifi wa̦lia showalemaje. Nii sibä ma cui, fimo fimo bä ma cui, bleyula bänö bä shee lä jäblamaleno wei, sequi sequima bänö bä mö bluca watäblaö nomöjölayomaje. Na moli jena ma cui, jena liyä shadionomi bädawä. Fii fibä ma cui, nii sibä ma cui, Ejido tä jödödöwä jamö ma cui, täbä cuonomi fe balojowä.

Éxodo 10:4

Cama wa ebä noshi umabou dicoo ja, fena ja afä tä ulifi jamö sequi sequima bä nia wawämaö dodijio.

Éxodo 9:32

Ö̦jö ma cui, nii ai bä tamobä sibä mö feduwä lä cui, sibä faö nodio cudeenö, sibä shino wa̦lionomi.