Éxodo 10:2 - Biblia Yanowamö

² ¿Ö̦jö tawä? Ijilufä bä ma cui nija, fääshäfä bä ma cui nija, ya lä ishole wa tä a̦ nia wäyäö nodiablalou. Ejidoteli ya bä lä yabäcaö wei tä a̦ ma cui, ei ya nö lä quiliaö wei tä a̦ ma cui, tä a̦ wäyämou nodiablalobä. Fei däjä ma cui, obi ma cui, camiyä Jeobaa ya lä cui, wamale nö Bada ö̦jöböabä —a cuma.

Éxodo 10:2 Iomraidhean Croise

2 Samuel 7:22

’Jeobaa wa tä —a cuma—. Cafä wa lä bufiblamou wei wa yai Bada lä ayai. Bejedi lä wa Bada. Cafä wa lä culenaja, ai tä cuami dodijiwä. A bufiblamobä tä ai cuami. Ai yama tä a̦fa ji̦liboimi. Cafä yami wa cua ayaa.

Éxodo 13:14

’¿Ö̦jö tawä? —a cuma—. Obi, ijilufä bänö wamacö wa̦liije ja, “¿Wedi tabä inaja wamacö li cuaaö?”, bä cuu ja, abinaja wama bä nowa tabä. “Wedi tabä mlai. Ejido jamö yamacö nö lä bleaamano wejei jamö, Jeobaa a lojodenö yamalecö co̦lema.

Éxodo 14:18

Ö̦jö däjä, bada a ma cui, läläamodima täbä ja ebä befi ca̦i lä läläaö wei ebä ma cui, cabayo bä jamö ebä befi ca̦i lä läläaö wei ebä ma cui, ya bä nö yai lä bleaamale däjä, Ejidoteli bä bufi nia jaducublou. Camiyä ya nofi yai doablamou ja, Jeobaa ya lä cui, wale nö nia lojode ö̦jöböaöje —a Jeobaa cuma.

Éxodo 14:4

Ö̦jö däjä, bada ya bufi nia jifudamaö, wamacö nosi däbou co̦ofälöbeje. Ö̦jö däjä, bada a ma cui, cama ebä bluca lä toujole bä ma cui, ya bä nö jödödöwä fa blemalalönö, ya nofi nia doablamou. Inaja ya cublaliyo ja, camiyä Jeobaa ya lä cui, Ejidoteli bänö wale nö nia lojode ö̦jöböaöje —a Jeobaa cuma. Yai Bada a lä cuno weinaja, inaja bä cuaaö showaoma. Bä mö yabaö co̦ofälöma.

Éxodo 7:17

’Jeobaa ei ya wa̦ lä cui, wale a̦no nia wäyäö co̦o. Cama nija, Jeobaa ya nö Bada ö̦jöböamobä ya nö nia quiliaö. Tä möbä, ö̦jö lä. Wa defi lä bole definö, Nilo u jamö mau wa u nia shäaö. Wa u fa shäcönö, u nia i̦yäblou.

Éxodo 7:5

Ejido jamö ya lä ishole däjä, cama bä nija iba ya bä co̦aö fe yadio ja, ö̦jö lä däjä Ejidoteli bä lä cuinö, Jeobaa wale nö nia Bada ö̦jöböaöje —Jeobaa a cuma.

Éxodo 8:6

Einaja a fa cunö, Ejido jamö mau ubä bluca lä cublai Aaloninö ubä jömaö fa cuaanö, bucu bucumö bä washölöblou cuaama. Ejido tä nö ulifi mablalemaje.

Efesios 6:4

Bä fö̦ö wama ecönö, ijilufä bä jushuo lulubo dijejä. Wama bä ca̦i dodijidawä fa cuonö, wama bä yai wasöbobä. Wama bä yai yömölabobä. Bada tänö tä tamaö lä bufii weinaja showawä.