Éxodo 10:16 - Biblia Yanowamö

¹⁶ Ö̦jö däjä bada anö Moisesi, Aaloni lobe cäcöbö nacaa jaödaa co̦lema. Abinaja a cudou mö balayoma. —Ya dobloimi waiquiwä. Jeobaa wama a lä bufiblaö wei ya wa̦ ji̦lianomi. Cafä wafäcö ma cui, bäfäcö a̦ ca̦i ji̦liblanomi.

Éxodo 10:16 Iomraidhean Croise

Éxodo 9:27

Ö̦jö däjä, bada a lä cuinö, Moisesi, Aaloni sho cäcöbö fa nacamalänö, abinaja cäcöbö nowa tama. —Bejedi lä, ya doblonomi dicowä. Jeobaa a shino bejedi. Iba ya bä ca̦i lä cule, ya bä ca̦i li dobloimi.

Mateo 27:4

Blada bä co̦amalanö abinaja e cuma. —Jesús a wa̦fa tamobä tä cua ma mlai ma cui, ya nomojolia fa dicolunö ya doblou mlaa lä cule —a cuma. Abinaja bada ebä cuu nomöjöoma. —Cafä wa li dobloimi. Yamalecö yabäca dijä —bä cuma.

Números 22:34

Ö̦jö däjä, Jeobaa etä a̦jele nija abinaja Balaama a cuma. —Ya doblonomi. Äyämö ya lä juimi jamö, wale nabä lä ublaono wei ya tä daö fa mlacunö, ya li inaja cuaama. Ja̦o. Ya lä cuaale wa tä a̦fa wa̦lidiwä taö ja, ya mö yabaö co̦ofälöö weicätä, ö̦jö lä —a cuma.

Números 21:7

Moisesi nija bä fa icuicunö, abinaja bä cuma. —Yamacö doblou dicoa mlaa lä cule. Jeobaa ma cui nija, cafä wa ma cui nija, yamacö jölaö dicooma. Jeobaa nija yamalecö nö bayeli da naca, olu bä blajaamaö co̦obä —bä cuma. Ö̦jö cudeenö, Moisesinö bä nö bayeli nacama.

Éxodo 8:8

Ö̦jö däjä bada a lä cuinö, Moisesi, Aaloni sho cäcöbö fa nacamalänö, abinaja cäcöbö nowa tama. —Jeobaa nija yamalecö da bayelimabö. Camiyä nija ma cui, iba ya bä nofi bluca lä tabou wei bä nija ma cui, bucu bucumö bä juu mladobä, cäcöbö a̦ fe da blacäjo. Bä juu fa mladalunö, Jeobaa nija yalo wama bä ö̦shö dodobobä, bämacö shömaö co̦o weicätä —a cuma.

Éxodo 8:25

Ö̦jö däjä, bada anö, Moisesi, Aaloni sho cäcöbö nacaa fa co̦malönö, abinaja cäcöbö nowa tama. —Yai Bada wama tä lä bufiblaö wei tä nija, yalo wama a ö̦shö dodobobä bä da alufälö. Eja, Ejido jamö showawä, wama tä nofi co̦camoabä —a cuma ma cui,