Biblia Todo Logo
Bìoball air-loidhne

- Sanasan -




Éxodo 1:7 - Biblia Yanowamö

7 Öjö ma cui, Isaeli ebä balaa fe balojoa jälayoma. Bä nö fa wa̦lojoblalunö, bä ca̦i bälöo lojodooma. Bä balaa dodijilayoma cudeenö, Ejidoteli bä ulifibö jödödöblalemaje.

Faic an caibideil Dèan lethbhreac




Éxodo 1:7
29 Iomraidhean Croise  

Ö̦jö tä fena ja, Yai Bada a wa̦ faö co̦oma. —Bei. Mau u jamö wamacö shulilobä, bä da wawäolalu. Ösö jamö wamacö yäaabä, bä bluca wawäblou mö fedua da showadalo —a cuma.


Ö̦jö däjä, Yai Bada tänö cäcöbö nia fa bayeliblanö, cäcöbö balamaö bufima. —Bei. Cäcöbö da balalö. Wamacö balaa fa dodijilönö, wamacö bälöjou fa cuaanö, wama tä ulifi nofi tabou jödödobä. Modu u jamö bä bluca lä juu wei bä ma cui, bä yalo lä yäö wei bä ma cui, mashita jamö bä yalo bluca lä juu wei bä ma cui, afä lä täbä, wama täbä nofi bluca tabobä —a cuma.


Cafä bäfä fa balamalönö, wamacö bälöo fa lojodoonö, wamacö bälöo nia yaio. Bäfä nia bayelibou. Cafä wa wa̦fa nia yai ji̦limou blaucou lä cuaaö wei, bäfä nia tablamaö. Cafä inaja bäfä bayeliblaö cuo ja, cafä nija ai bä nia bayeliblamou mö feduo.


Coshi coshi bä lä̦cashi bluca lä culenaja, afä ijilufä ya bä nodiwä bluca tablamaö wä. Coshi coshi bä nö wabamou doblobimi lä culenaja, inaja showawä, ijilufä bä nodiwä lä cui, bä nia wabamou dobloimi cuo mö feduo.


Ö̦jö däjä, Jeobaanö Ablamö a ca̦i fa sibolunö, a wa̦ bädou co̦oma. —Ösö jamö wa mö fa nonoicunö, shidicali bä da wabäbla. ¿Ö̦jö tawä? Bä nö wabamobimi malä cui. Ö̦jö shidicali bä bluca lä culenaja, ijilufä bä bluca cublou nodio wä —a nowa tama.


Ö̦jö ya bayeliblaö wä. Ijilu a ma cui ja, ya fa bayeliblalönö, ijilufä a tablaö wä. Ya lä bayeliblaö wei ja, bei ijilubö bä nodiwä fa balalönö, cama nija bä nia lä amimou wei, bä nia bälöjou yaiblamou cuaaö. Bada bä bälöo lä dodijio wei, cama ai ebä nia cuo nodio —a cuma.


bejedi lä bäfä bayeliblaö dodijio weicätä. Afä ya bä nodiwä fa balamalönö, bä nia blucablou dodijio. Fedu jamö shidicali bä nö wabamobimi lä culenaja, modu u casö jamö mlaca mlaca bä nö ca̦i wabamobimi lä culenaja, inaja afä bä nia nodiwä cuo mö feduo. Täbä nö lä nabämou wei täbä fa yashublalöjenö, bä nia bälöo lojodoo juo.


’Coshi coshi bä bluca lä culenaja, ijilufä bä nia nodiwä cublou —a majali cuma—. Motoca a lä juimaö wei jamö ma cui, tä mö lä weyaö wei jamö ma cui, tä motoca faö lä mlai jamö ma cui, tä mö weyaö mö feduo lä mlai jamö ma cui, ijilufä bä nia nodiwä jödödöwä bälöjou cuaaö. ’Cafä wa ma cui, ijilufä bä nodiwä ma cui, bämacö bluca fa bayeliblanö, cafä wamacö nija, ai bä nia bluca bayeliblamou mö feduo —a majali cuma—. Bluca bä bälöblawä lä yaiblai, cafä wamacö nija bä nia bayeliblamou fe doleo.


Abinaja Yai Bada tänö a nowa ca̦i tama. —Yai Bada ya nö lä wa̦lojaö wei, ei cä ya. A da balalö. Ijilufä bä nodiwä ca̦i balaö nomöjöobä. Ijilufä bä nodiwä nija, bä nia bälöaö lä lojodoo wei bä nia yaio. Bä nia bälöblamou yaiblamou cuaaö. Bada bänö bä nia ca̦i lä bälöo wejei, afä ai bä nia cublou juo.


Ö̦jö däjä, ö̦jamö lä Yai Bada a wa̦fa wämoquema. —Camiyä Yai Bada cä ya. Faafänö wale bufiblaö lä balöono wei, ö̦jö lä ya e. Ejido jamö a dömöö quili dijä. Ö̦jamö bäfä bayeliblaö ja, wamacö fa balalönö, ijilufä nodiwä ebä nia bälöo lojodoo yaiblamou cuaaö.


Inaja tä fa cublalunö, Ejido tä ulifi jamö, Isaeli a bälöa majöaliyoma. Cosena tä lä cule jamö, cama ebä ca̦i fa waloicunö, ö̦jamö bä nö yai madofiböblaliyoma. Bä ca̦i balaa dodijilayoma. Bejedi lä, bä blucablaliyoma.


Ö̦jö Jeobaa etä a̦jele lä cuinö, wa̦lidiwä tä bluca lä cuono wei tä ja, showadi wale nowamaö cudeenö, wale bayelibou showaa lä cule. Ö̦jö Yai Bada nija, ei cäcöbö ijilu lä cui cäcöbö fa bayeliblamonö, cäcöbö bayeliobä. “Jacobo nija cäcöbö nodiblaliyoma cäcöbö”, cäcöbö nofi tabou juobeje. Fayä Isaacö a ma cui, a̦iwä Ablaamö a ma cui, “Ö̦jö lä ecöbö nodiwä yai”, cäcöbö nofi tabobeje. Cäcöbö fa balalönö, bei ijilubö ebä nodiwä ca̦i blucablou mö feduo showaobä —a cuma.


Abinaja wale nowa tama. “Bei. Bämacö fa balamalönö, ijilufä bä nodiwä nia blucablou. Bä bluca bälöjou yaiblamou cuaabä, ya bä nia tablamaö. Ei tä ulifi lä cui, ijilufä bä nodiwä lä cuinö tä tabou lojodoo shi wa̦lii juobeje, ya tä ulifi nia jöböaö”, a cuma.


Ö̦jö däjä, Yai Bada tänö Noewä ebä balamaö bufima. Abinaja bä nowa tama. —Bei. Wamacö ijilubö fa lalonö, bä da balalö. Jödödöwä tä jamö wamacö bälöjou cuaabä.


Ö̦jö ma cui, bä nö bleaamaö fe ma balojoono wejei ma cui, bä yai shino balaö fe yadio dicooma. Bä ca̦i bälöjou blaucublaliyoma. Inaja bä cuaama yalo, Ejidoteli bä fa quilinö, bä nofi wa̦libou fe balojoomaje.


Isaeli ebä lä cui, Lamesei tä ulifi tabi fa feicöjenö, Sucodo jamö bä waloa nomöjöquema. Bä lä julayofälöno wei bä blucao dodijioma. Wa̦lo jai 600.000 bä cuoma. Suwä bä ca̦i blucao mö feduo showaoma. Oshe bä ca̦i blucao mö feduoma.


Abinaja cäcöbö nowa ca̦i tama. —Fei däjä Isaeli ebä bluca cudeenö, bä yai ojodamobä tä ma cule, ¿wedi tabä wafä bä li yabäcaö? —a cuma.


Yai Badanö, Isaeli bäma ecö nö badabö fa yailönö, Ejido jamö bä fa blucablamalönö, cama a lojodenö bä lulubou co̦ofälöma.


Lean sinn:

Sanasan


Sanasan