Éxodo 1:11 - Biblia Yanowamö

¹¹ Ö̦jö cudeenö, Isaeli ebä nosiemaö fe blacäjobeje, bada bä lämaquemaje. Bä ojodamobä jamö bä fe fa blacäjamajenö, bä nö bleaamamaje. Bada a wa̦ ja, shabono bolacabö cäcöbö bada tablamalemaje, nii bä shi̦liqui shömomabeje. Ai a shabono lä cui, Bidono tä a̦fa shabono cuoma. Ai a mö feduwä lä cui, Lamesei bei tä a̦fa shabono cuo mö feduoma.

Éxodo 1:11 Iomraidhean Croise

Génesis 15:13

Ö̦jö däjä, Ablamö nija Jeobaa a wa̦ majali faö co̦oma. —Wale a̦ ji̦lia da dodijilä. Afä bä nia lä nodiblou wei bä lä cui, shomi tä ulifi jamö bä nö nia bälöo bleaaö. Shomi täbä nosie juamobä, bä nia tabou dicooje. Bä shömaö fa cuaajenö, bä nö nia bleaamaö nö dedeaöje. Lasha 400 a nia famaö nodiablalouje.

Génesis 47:11

Ö̦jö däjä, Josénö cama ebä bälömaquema. Bada a wa̦ ja, bä fö̦ö e ma cui, cama mashi ebä ma cui, Ejido tä jamö bä bälöa cadidimaquema. Lamesei tä a̦fa ulifi lä jilaö wejei tä ulifi jöböquema, tä ulifi lojodobobeje.

Éxodo 1:14

Showadi bä nosiemamaje yalo, bä bufi nö bleablalamamaje. Yafi bä i̦tamabeje, mashita cofibö bä taamamaje. Mashita bä lä sudimamou wei toubä ja, bä ca̦i ojodamomamaje. Ficali ca jamö bä ca̦i nosiemamaje. Bä nofi ojodabou mlajei, showadi bä nosiemaöje ja, bä nö bleaamamaje.

Éxodo 2:11

Abinaja tä cublaliyoma. Moisesi a fa yawälönö, cama ebä mashi möbä, a julayoma. Bä nö bleaaö dalalema, cama ebä ebleo mö feduwä lä cui. A mamo showao däjä, cama ai a nija Ejidoteli a fa ishonö, a si yafelimaö dalalema.

Éxodo 3:7

Ö̦jö däjä, Jeobaa a wa̦ faö co̦oma. —Ejido jamö iba bä nö lä bleaale ya bä dablaö waiquia. Bada bä lä lämou wei bänö, bä shömaö fe blacäjouje ja, ya bä a̦ nö bleaaö ji̦liaö waiquia. Bä nö lä bleaale ya tä daö.

Éxodo 5:10

Ö̦jö cudeenö, bada a wa̦ fa ji̦liläjenö, bä bluca faa co̦layofälöma. Ejidoteli bada bä lä läono wei bä ma cui, cama Isaeli ebä läo mö lä feduono wei bä ma cui, bä bluca faa fa co̦lufälönö, Isaeli ebä yömölalemaje. Abinaja bä cuma. —Bada a lä cui yama a wa̦no taö lä cule. Cafä wamacö nija bölösö bä nia jo̦wa jöbämaö co̦daaimije.

Éxodo 5:15

Ö̦jö däjä, cama Isaeli ebä bada läo mö lä feduono wei bä lä cui, Ejidoteli bada nija bä fa icuicunö, bä nofi nia ojode fa tablamonö, bä a̦ fama. —Cafä bäfä nosie juabä yamacö ma cui, ¿wedi tabä inaja yamalecö li taamaö dicoo?

Éxodo 5:8

Ö̦jö ma cui, mashita bä jaba taöje ja, bä bluca tablaö lä cuono weinaja, wama bä tamaö cuo showaobä, bolacadabö nomöjöwä mlai ja. ’Tä tabeje tä cuami waiquiwä cudeenö, bä a̦ shomiablalou waiquiwä malä cui. Tä lä bufiblaö wejei tä nija, yalo bä ö̦shö dodobou bufi fa doblaojenö, bä a̦ malä nacläaö wei.

Números 20:15

Ejido jamö yamacö nö badabö fa waloicunö, yamacö bälöo nö dedeaö dodijioma. Yamacö nö badabö ma cui, camiyä yamacö ma cui, Ejidoteli bänö yamalecö nö bleaamamaje.