Apocalipsis 8:7 - Biblia Yanowamö

⁷ A̦jele jaba a lä cuinö, cama efi jaba jolaö däjä, bita jamö bleyula bei bä bada blalölödou showadalayoma. Ö̦jamö lä cowa wacöbä ca̦i bläläö coyocaö showadaoma, i̦yä i̦yä bä ca̦i. Ö̦jö bä wacänö ulifi ai a mashi ö̦shölayoma. Ö̦jamö lä fii fibä ca̦i ö̦shöa showadalayoma. Moimoima a ca̦i liyä ö̦shöö jödödöblaliyoma.

Apocalipsis 8:7 Iomraidhean Croise

Éxodo 9:33

Ö̦jö cudeenö, bada e yafi jamö Moisesi a faa fa co̦lufälönö, ai bä yafi lä cule bä fa jayudalönö, Jeobaa nija bococu yalejedaliyoma. Bococu fa yalejedalunö, a wa̦ ya̦lu waidaliyoma. Bleyula bä ca̦i mladaliyoma. Maa a ca̦i mladou showalayoma.

Santiago 1:11

Moimoima bei bä jole lä cublai bä ma liyäjäi ma cui, motoca shi yoblao däjä bä wa̦blädaö malä majöo wei. Bä jole bläläa majölaliyo. Bä nö lä madofibö wei bä lä cui, inaja showawä bä ca̦i cuaaö. Bä dodijidawä ma bälöo däjä, bä bufi fa mlaicunö, bä nia cuo majöomi.

1 Pedro 1:24

Tä a̦ ba̦limi. Yai Bada cama tä showawänö tä a̦fa ba̦limi taö malä waiquii. Abinaja a cuu balöoma. Moimoima bä lä culenaja bä yanowamö bluca cuwä. Bä a̦fa dodijidawä ma tamou wei ma cui, ö̦jö bei cäcö jole cuwä lä bädainaja bä yanowamö li cuwä bäwä. Moimoima bä fa de̦anö, bä jole bläläö nomöjöo.

Apocalipsis 12:4

Bei cäcö shinanö, judu mösö jamö bä shidicali lä culadi bä mashi fa yashishiblalönö, bita jamö bä blälämalalema, bei cäcö shinanö. Ö̦jö däjä, suwä a ninimobä jamö cäcö icuquema, bä ijilubö e tablaö däjä a sufaö nocao showadaobä.

Apocalipsis 16:2

Inaja bä nowa tama cudeenö, a̦jele jaba a lä cuinö, ulifi jamö e toubä ca̦i fa alunö e toubä löblalema. E toubä fa löblalönö, yalo waiteli etä oninö täbä lä oniblamono wei bä lä cui, bä nö bleaaö fe balojooma, ö̦jö a nö idubö nija bä möfe bolanö a wa̦fa bada doblao lä tano wejei bä lä cui. Bä nö walacasibö nö ji̦tali falaliyoma.

Apocalipsis 16:21

Bleyula bä bada ma cui, judu mösö jamö culanö bä ca̦i bada shäyäjaö nö quiliadayoma. Yanowamö a jude lä culenaja bä jude cuwä, bä bada shäyäjaö nö quiliama. Ö̦jö bä bleyula nö quiliwänö täbä nö bleaaö fe fa balojoonö, Yai Bada a wafäblaö co̦omaje.

Apocalipsis 6:8

Ya tä möö däjä, cabayo ai a wawälayoma. ¿Ö̦jö tawä? A mömou nö fla̦lajawä quilijioma. A lä döcäono wei a lä cui, Nomaö a wa̦fa cuoma. Ö̦jö a nodi jamö a lä nocale a lä cui, Täbä lä nomaö wei täbä cuobä jamö, a wa̦fa jilamaje. Bluca bä lä bälöblai bä nijamö, ai bä wa̦liaböö cuaabä etä jöbämoquema. Ai bä lä cui, shäyou tänö bä mö nia watäblamaböma. Ai bä mö feduwä lä cui, ofi tänö bä nia nomamaböma. Ai bä showawä lä cui, shawala anö bä nia waicamaböma. Ai bä lä cui, yalo bä lä ishou wei bä nija bä nabä nia shömöaböma.

Apocalipsis 7:1

Ö̦jö ya tä möö waiquio däjä, bita a 4 lä sha̦coblai jamö, a̦jele 4 ya bä ublajawä fe fa̦yoa dalalema. Wadoli 4 bä lä cui bä ja̦mabomaje, ulifi jamö ma cui, modu ubä lä cublai jamö ma cui, tä wadolimou showadao mlaobä. Fii fibä ca̦i yalä yalämou showadao mlaobä.

Apocalipsis 9:15

Inaja a cuu ja, ö̦jö a̦jele 4 bä lä cui bä jujeblamolayoma. Yai Bada tänö bä ja̦mabou balöo fa bufinö, ya̦cumö yanowamö täbä bluca lä bälöblai bä mashi waicabeje etä yai cublou fa shalililonö, bä jujeblamaö majölayoma.

Apocalipsis 9:18

Cabayo bä caficö jamö ö̦jö bä 3 wayu lä fablono wei bä lä cuinö, yanowamö täbä bluca lä bälöblai bä mashi waicamaje. Cowa wacöbä ma cuinö, wa̦queshi bä ma cuinö, cowa yaitawä nacli wacöbä ma cuinö bä nö bluca bleaama.

Apocalipsis 9:4

Ö̦jö bä söcö söcöma lä cui bä wasömamoma, fii defibä wa̦liaö mlaobeje. Moimoima bä ma cui, cau cau bä ma cui, fii fibä ma cui, ö̦jö täbä bluca wa̦liaö mlaobeje bä wasömamoma. Yai Bada etä madofinö, yanowamö bei bä wäyäcu onimamou lä mlai bä nö nia shino yai bleaamamaje.