Apocalipsis 8:3 - Biblia Yanowamö

³ Ö̦jö däjä, Yai Bada nija täbä nia lä dodoblamou wei täbä maqueblamobä täcö ajede jamö, a̦jele ai a icuquema. Acanafu bä tablamobä tä madofi showaboma, olo bä ja tä lä tablamolayono wei tä lä cui. Täbä wa̦queshi nö cle̦deli lä u̦cucamou wei täbä bluca ja, a dobämolayoma, Yai Bada nija cama ebä nö bayeli lä nacao wei bä a̦ fa doanö, täbä nö lä cle̦deli wei täbä ja bä a̦ coyocoblamabä. Ö̦jö däjä, täbä nö cle̦deli lä dodoblamou wei täbä maqueblamobä täcö ja, täbä nö cle̦deli nia ucucamama, olo bä ja täcö lä cui ja.

Apocalipsis 8:3 Iomraidhean Croise

Éxodo 40:26

Ö̦jö däjä, täbä wa̦queshi ni cle̦deli u̦cucamobä täbä maqueobä, täcö lucäa nomöjömalema, Jeobaa e yano jamö. Olo bänö tä lä jo̦yablaleno wejei täcö lä cui. Acadafu cäcö lä läono wei tä lu̦locu jamö täcö i̦taquema.

Lucas 1:10

¿Ö̦jö tawä? Sacalianö wa̦queshi bä nö cle̦deli lä u̦cucamou wei bä wacö döcäö däjä, Yai Bada etä yafi je̦fa jamö, bä bluca lä yododano wei bä nö bayeli nacao sibooma.

Romanos 8:34

Bämacö doblou lä mlaono wei tä nowa ja, ¿wedinö bämalecö nö nia li bleaamaö? Jesucristo a shämou malä läono wei. A demi jocädou co̦oma. Yai Bada jayu boco mashi jamö, a loadayoa. Bämalecö nofi bäyäbou culadi.

Hebreos 7:25

Ö̦jö cudeenö, Jesús a lä cuaano wei tänö, Yai Bada lija bä lä ajedou wei bä lä cui bä nia nowamaö. Bä nowamabä ö̦jö Jesús a waiquiwä. Showadi bä bayelimaö bufibä a ba̦limi cua malä waiquiladi.

Hebreos 9:4

Ö̦jamö, täbä wa̦queshi ni cle̦deli u̦cucamobä, täbä maqueobä täcö ca̦i cuoma. Täcö lä oloblaleno wejei täcö lä cui. Yai Bada a wa̦no oni didiobä tefi ca ca̦i cuoma, tefi ca ca̦i jödödöwä lä oloblaleno wejei tefi ca lä cui. Ö̦jö tefi ca jamö, manaa bä befi ca̦i didibomaje. Bä lä didiono wei tä ma cui, tä ca̦i sibosi oloblalemaje. Aaloni etefi lä cabudulayono wei tefi ma cui, ö̦jö tefi ca jamö etefi ca̦i didibomaje. Maa macö ca̦i oni, Yai Bada tä a̦ nö wäo däjä, maa macö ja tä a̦ lä oniblamolayono wei macöbä lä cui.

Apocalipsis 10:1

Ö̦jö däjä, a̦jele ai ya lojode dalalema. Ölajashi a ja a didilanö, fedu jamö a culanö a itolayoma. Bei feduböcö jamö jedu cäcö shi̦i motoleoma. Motoca a mömou shi dowäjäwä lä culenaja mofecö cuoma. Bei matacö lä cui, jai cowa wacöbä comadiwä cuoma.

Apocalipsis 14:18

Ö̦jö däjä ai a a̦jele wawälayoma. Yai Bada nija täbä lä dodoblamou wei bä maqueblamobä täcö ajede jamö culanö a falayoma. Ö̦jamö cowa wacö lä nowamano wei a a̦jele cuoma. Sibala iyodowä a namo lä tabono wei a nija a wa̦ i̦cali fama. Abinaja e cuma. —Bita jamö, mija a ca̦i sibala quea da showadaicu, uba totobä lä cule jamö. Uba bä wacä lä yaloloi, bä bäyäö da showadao. Bä bäyämamobä bä wacä malä waiquii —e cuma.

Apocalipsis 5:8

Si lä däleno wei däjä, Oweja a wa̦fa ocalo lä jilou wei a cotä jamö, yaitawä 4 täbä lä cui täbä möfe boblaquema. Bada 24 bä lä yädäono wei, inaja showawä. Ö̦jö bä bluca lä cuinö, amowa fibä showabomaje, bei fibä nata lä jubamou wei fibä lä cui. Olo bä ja täbä lä cui täbä ja, täbä nö wa̦queshi li̦yoli u̦cucamabeje täbä fe ca̦i lajowä didibomaje. Ö̦jö täbä lä cui, Yai Bada nija cama ebä nö bayeli lä nacao wei bä a̦ jömamobä bei täbä li cuoma.

Apocalipsis 6:9

Oweja a wa̦fa ocalo lä jilamou wei a lä cuinö, mai 5 coco caloblaö lä co̦layono wei däjä, Yai Bada nija täbä nia lä dodoblamou wei bä maqueblamobä ya täcö wawädowä dalalema. Ö̦jö täcö cotä jamö, cama ai ebä lä shämono wei ya bä bufi dalalema. Yai Bada a wa̦no wäyäö nofi jushuaöje ja bä shälemaje cäbä, a wa̦fa wäyäö fe yadiomaje cudeenö.

Apocalipsis 7:2

Ö̦jö däjä, motoca a lä faö wei jamö, a̦jele ai ya ösöö dalalema. Yai Bada tä demi shi lä wa̦lile etä madofi onimamodima showaboma. A̦jele 4 bä ublajawä fe lä fa̦yoono wei bä nija a wa̦ i̦cali fama. Ö̦jö bä nija, ulifi a wa̦liabeje tä li jöbämoa waiquiquema, modu ubä ca̦i.

Apocalipsis 8:4

Einaja a cuaama. A̦jele a lä cuinö, ö̦jö tä fa dodocunö, Yai Bada tä lä cule jamö täbä wa̦queshi nö cle̦deli ösöa showalayoma. Cama ebä nö bayeli nacaobä bä a̦ ca̦i ösöa coyocoa showalayofälöma.

Apocalipsis 8:5

Ö̦jö däjä, a̦jele a lä cuinö, acanafu täbä tablamobä tä madofi fa dälänö, Yai Bada nija täbä lä dodoblamou wei täbä maqueblamobä täcö jamö, acanafu bä wacö dälema. Acanafu täbä tablamobä tä madofi ja, wacöbä fe fa lajoblamalönö, bita jamö wacöbä shäyäblaquema. Ö̦jö däjä, ya̦lu a wa̦ faö nö quiliaö showadaoma. Bluca täbä a̦ ca̦i mashiquiwä ji̦lioma. Madula a ca̦i wacö blada bladamoma. Ulifi a nö ca̦i bada blösö blösömou quiliaö showadaoma.

Apocalipsis 9:13

Ö̦jö däjä, a̦jele 6 a lä cuinö, amowa efi jolaö co̦o däjä, ai ya wa̦ ji̦lilema. Yai Bada nija täbä dodoblamobä täcö jamö a culanö a wa̦ bädoma, olo bä ja täcö lä cui täcö jamö. Jai yalo yo̦lacö cuwä 4 täbä lä cublai jamö a culanö a wa̦ fa bädalunö,