Apocalipsis 8:2 - Biblia Yanowamö

² Ö̦jö däjä, Yai Bada tänö a̦jele 7 ebä lä ajedemabole ya bä möma. Amowa 7 fibä lä jolamou wei fibä ja bä dobämolayoma.

Apocalipsis 8:2 Iomraidhean Croise

Mateo 18:10

Abinaja Jesús a cuma. —Ei iba ai a wai lä cui, a nofi wa̦libo dijejä. Bämacö nowa taö lä cule. Ö̦jö bä nija Yai Bada tänö a̦jele ebä malä lämabole. Ö̦jö bä a̦jele lä cui bä a̦ nö wäobä, Fayä a lä culadi nija bä malä ajedeladi.

Mateo 24:31

Ö̦jö däjä, tä a̦ bada jolamou däjä, iba a̦jele bä lä cui ya bä nia shömaö cuaaö. Jödödöwä bä lä bälöblai jamö, iba ya bä lä yaileno wei bä nia co̦ablaö cuaaöje.

Lucas 1:19

Ö̦jö däjä, a̦jele abinaja e cuu mö feduoma. —Camiyä Cablieli cä ya. Yai Bada tä lä cule jamö showadi ya e ajedeo. Cafä bäfä yömölabä wale shömöledayoma, ei dodijidawä ya tä a̦ wäyäyolubä.

Lucas 21:36

Bä nö da daicu, ö̦jö lä. Yai Bada nija bä nö bayeli da nacao, tä cublou nö ma quiliaö wei ma cui, wamacö nö fa wa̦lojomabonö, wamacö dodijaö fe yadiobä. Ya lä yanowamöblaleyoluno wei ya juu co̦o däjä, camiyä nija dodijidawä wamacö icuo mö baobä —a cuma.

1 Corintios 15:52

Yedu täbä mamo casi midou lä culenaja, amowa fibä lä jolamou wei tä a̦ famaö jödödöo däjä, bämacö nia shomiblaliyo. Tä a̦ ji̦lio fa balöonö, täbä lä mladaliyono wei täbä lofote jocäblou fa co̦lonö, bämacö nia bluca shomiblou.

1 Tesalonicenses 4:16

Fedu jamö a culanö a lä itoyoluu wei däjä, abenaja tä nia malä cuo wei. A wa̦ i̦cali comöö fa ji̦limolonö, Bada tä a̦jele a wa̦ ca̦i nacli fa ji̦limolonö, Yai Bada etä madofi lä folamou wei etä a̦ ca̦i fa ji̦limolonö, cama Bada a Jesús lä cui, a nia itoyoluu. Ö̦jö däjä, Jesucristo ebä lä mladaliyono wei ebä demi jocädou fa balöonö,

Apocalipsis 1:4

Camiyä Juan cä ya. Asia tä ulifi jamö Jesucristo 7 wama ecö lä yododoblai wamacö nija, ei ya tä a̦ oni shömaö lä cule. Yai Bada nija ya nö bayeli nacaö, a jaba cuo lä showaono wei, a cua lä showale a lä cui nija. A nia juu lä co̦o wei a showawä lä cui nija. Bada tä lä döcäo wei etäcö ajede jamö, *yai 7 bä lä culadi bä ma cui nija ca̦i. Ö̦jö bä nija ya nö bayeli nacaö, wamacö nofi ojodabobeje, wamacö bufi ca̦i yanöcömabobeje.

Apocalipsis 11:15

Ö̦jö däjä a̦jele 7 a lä cuinö, amowa fi jolaö fa co̦onö, fedu jamö bluca bä a̦ i̦cali ji̦lioma. Abinaja bä cuma. —Yai Bada bäma a nofi lä Badabole a lä cui, yanowamö täbä nijamö a dodijidawä yai bälöobä etä cublaliyo lä cufe. A shömabä a lä yaileno wei sho cäcöbö yai nosiemou shi wa̦libä —bä cuma.

Apocalipsis 15:1

Ö̦jö däjä tä nia lä cublou wei, judu mösö jamö tä nö lä quilijii ya tä daa co̦lalema. Tä nö yai lojode quiliaö dodijioma. A̦jele 7 ya bä dalalema, yanowamö täbä nö nia bleaamaö lä co̦ono wejei. Wayu wayu 7 bä showabomaje. Ö̦jö däjä, “Inaja lä waiquiwä”, Yai Bada a nia cudoma. Ö̦jö 7 bä wayunö täbä nö bleaamaö fa jödödöblalöjenö, a nö wa̦lowä lä jushuo wei etä nia mladou showadaoma.

Apocalipsis 16:1

Ö̦jö däjä, yano yai nowamaö lä dodijio wejei yano jamö, ai ya wa̦ bada ji̦lilema. I̦cali a wa̦ faö ja, abinaja a̦jele 7 bä lä cui bä nowa tama. —Bei. Bä da alufälö. Yai Bada tä nö wa̦lowä lä jushuo wei tä jömamobä toubä 7 lä cui, bita jamö toubä da löaboduje —bä nowa tama.

Apocalipsis 8:13

Ö̦jö däjä ya möö fa nonoicunö, mojomö ya wa̦ ji̦lilema. Ösö jamö a yälanö abinaja a cuma. —¡Nö bleaabä cätä! ¡Nö bleaabä cätä! ¡Nö bleaabä cätä! A̦jele ai bä 3 lä cuinö, amowa fibä jolaöje däjä, bita jamö bä yanowamö lä bälöblai, bejedi lä bä nö nia bleaaö —mojomö a cuma.

Apocalipsis 8:6

Bei. Amowa 7 fibä lä jolamou wei fibä lä tabono wejei bä a̦jele lä cuinö, fibä jolabeje fibä colo jodaö showalayomaje.

Apocalipsis 9:1

Ö̦jö däjä, a̦jele 5 a lä cuinö, amowa efi jolaö nomöjöo däjä, fedu jamö a shidicali lä quelayono wei ya möma. Ö̦jö a shidicali nija, täca fe jolocoa lä mlabodi yoca caloblamobä etä jöbämoquema.