Apocalipsis 7:9 - Biblia Yanowamö

⁹ Ö̦jö ya tä daa fa balölalönö, ai ya tä möö co̦oma. Yanowamö bluca ya täbä co̦cablou dalalema, bä nö wabamobö lä mlai. Bluca bä bälöblawä lä yaiblai bä mashi coyocomoma. Bluca bä yaiablalou lä nodiaö wei bä ca̦i. Shomi bä bluca lä bälöblai bä ca̦i. Bluca bä caficö a̦ lä bou wejei bä ca̦i. Bada tä döcäobä etäcö mashi jamö bä bluca ublajaoma, Oweja a wa̦fa ocalo lä jilamou wei a mashi showawä jamö. Camishi labe shuducaje bä ja bä didioma. Lasha si jenabä lä culenaja si jenabä cuwä, si jenabä showabomaje.

Apocalipsis 7:9 Iomraidhean Croise

Génesis 13:16

Coshi coshi bä lä̦cashi bluca lä culenaja, afä ijilufä ya bä nodiwä bluca tablamaö wä. Coshi coshi bä nö wabamou doblobimi lä culenaja, inaja showawä, ijilufä bä nodiwä lä cui, bä nia wabamou dobloimi cuo mö feduo.

Génesis 49:10

U̦asi, Judawä. Cafä wa lä cui, showadi wa nö nia yai wa̦lojaö. Showadi wa bada nia läo. Afä bä nia lä nodiblou wei bä ma cui, bä nia ca̦i bada läo nomöjöo. Bä bluca bälöblawä lä yaiblai bä lä cuinö, showadi wa dobäbeje, bä nia waloo. Showadi wa nosie nia juaöje.

Levítico 23:40

’Wamacö jaba co̦camou däjä, fii fibä yai lä dodijidai fibä ja, fimo fimo wama bä nia jucaö —a cuma—. Dodijidawä wama si jenabä nia ca̦i doaö. Ai fibä boco lä tetei wama jenabä befi ca̦i nia bou. Ö̦jö wama bä fa däalalönö, camiyä Jeobaa nija wamacö bufi doblalolanö wama bä bobä. Cafä wamacö nija ya bufiblamobä ya. Inaja wamacö cuaalanö 7 wama tä mö nia didi tablamaö.

Lucas 12:1

Inaja cama bä ma cuaaö däjä, Jesús nija bluca dodijiwä bä co̦camou fa cuaayolunö, bei bä mashicoma. ¿Ö̦jo tawä? Inaja bä mashicou cuaaö showai ja, cama ebä lä nocamabono wei bä nija a wa̦ faö fa balöonö, abinaja a cuma. —Bä da moyaweicu. Faliseo bä bada lä cui etä julumamodima wayu. Jole jole bä dodijaö bäa —a cuma—.

Lucas 21:36

Bä nö da daicu, ö̦jö lä. Yai Bada nija bä nö bayeli da nacao, tä cublou nö ma quiliaö wei ma cui, wamacö nö fa wa̦lojomabonö, wamacö dodijaö fe yadiobä. Ya lä yanowamöblaleyoluno wei ya juu co̦o däjä, camiyä nija dodijidawä wamacö icuo mö baobä —a cuma.

Juan 12:13

Ö̦jö cudeenö, jai lasha si jenabä cuwä jenabä fa däabodujenö, bä a̦ noshi fa jalilaimadunö, Jesús a nabä aa mö balayomaje. Abinaja bä cufälöma. —¡Yai Bada a nofi shino yai da doablaje! Bada a wa̦nö a lä juimi, ¡ö̦jö a shino yai bayeliblamobä a! ¡Isaeli nodiwä bäma ecö nija a Bada läobä a! —bä cuma.

Romanos 11:25

Iba wamacö. Yai Bada tänö tä a̦ jo̦yabou lä balöono wei tä ja, bämacö nia mojodumaboimi. “Camiyä yai”, wamacö bufi jole cuaablalou dicoo mlaobä. Isaeli ai ebä bufi bluca ma jifuale ma cui, inaja bä bufi cuo shi wa̦libä bämi. Judio bä lä mlai, Yai Bada lija cama ai ebä bufi cuo showao mlao däjä, inaja judio bä li cuaaö balöo.

Efesios 6:13

Ö̦jö cudeenö, Yai Bada lija wama tä bayeli fa dälänö bä da nowamöo, tä wa̦lidiblou däjä wamacö nö yai wa̦lojaö fe yadiobä. ¿Ö̦jö tawä? Wamacö nö wa̦lojalanö, wamacö ublao lofotoo showaobä.

Hebreos 11:12

Inaja tä fa cublalunö, Ablaamö a wa̦lobada ma waiquiono wei ma cui, bä ijilubö e taa fe fa yadicönö ebä nodiwä blucablaliyoma. Fedu jamö shidicali bä nö wabamobimi lä culenaja bä bluca cublou mö feduoma, modu u casö jamö mlaca mlaca bä nö ca̦i wabamobimi lä culenaja showawä.

Hebreos 12:22

Ma, Sinai cäcö jamö mlai, Siono cäcö jamö wamacö yai waloa waiquiqueyoluma. Yai Bada tä demi cuo shi lä wa̦lile e shabono jamö wamacö cua, Jelusale tä shabono dude yai lä culadi jamö, a̦jele bluca fe balojowä bä bufi doblalou ca̦i lä co̦camoladi jamö.

Apocalipsis 11:15

Ö̦jö däjä a̦jele 7 a lä cuinö, amowa fi jolaö fa co̦onö, fedu jamö bluca bä a̦ i̦cali ji̦lioma. Abinaja bä cuma. —Yai Bada bäma a nofi lä Badabole a lä cui, yanowamö täbä nijamö a dodijidawä yai bälöobä etä cublaliyo lä cufe. A shömabä a lä yaileno wei sho cäcöbö yai nosiemou shi wa̦libä —bä cuma.

Apocalipsis 22:3

Yai Bada tänö tä nofi lä wa̦libou wei, ö̦jamö tä nia cuo co̦daaimi. Ö̦jamö Yai Bada a nia döcäo, cama Bada etäcö jamö. Oweja a wa̦fa ocalo lä jilamou wei a ma cui, ö̦jamö a ca̦i nia döcäo. Yai Bada etä a̦ juamobä bä lä cui, bä möfe bolanö showadi a wa̦fa nia Bada doblao taöje.

Apocalipsis 3:18

Ö̦jö cudeenö ya bä yömölaö, camiyä nija bä yai bayeliblamobä. Camiyä nija olo bä lulabeje ya wa̦, tä wa̦lidiwä coyocoa lä mlai. Camiyä nija jai olo bä yai lä dodijidai bä fa lulualalöjenö, bä yai bayeliblamobä. Camiyä nija bä camishi lä au wei bä ca̦i fa lulualalöjenö bä didiobä, bä shinoco nö dablamou quilijio mlaobä. Bä mamocu fä̦lömamobä, camiyä nija toubä ca̦i fa lulualalöjenö bä mamocu fä̦lömamobä, täbä möö liyäjäblou co̦obeje.

Apocalipsis 4:4

Bada tä döcäobä etäcö ajede jamö, 24 ai ebä döcäo mö feduobä etäbä fe fa̦yooma. Ö̦jö täbä jamö bada 24 ebä döcäcäoma. Camishi au bä ja bä didioma. Olo bä ca̦i yojobomaje.

Apocalipsis 5:11

Ya tä möö fa co̦onö, a̦jele bluca dodijiwä ya bä a̦ ji̦lilema, bä nö wabamobö lä mlai. Bada tä döcäobä etäcö fa möamoicunö, yaitawä 4 täbä ma cui, bada 24 täbä lä yädäono wei täbä ma cui, ö̦jö täbä ca̦i möamoa mö fedua fa showadaicunö, a̦jele bä a̦ ji̦lio fe fa̦yooma.

Apocalipsis 5:9

Amowa dude tä a̦ ca̦i tamaje. Abinaja bä amowabö a̦ cuma. Oni wa si däabä, mai wa cocobä caloblabä, cafä wa yai. Cafä wa shämou fa läonö, bei wa i̦yäbönö yanowamö wa täbä nowa bluca malä comaqueno wei. Yai Bada tänö bä tabobä, bluca bä yaiablalou lä nodiaö wei bä nijamö, cama wa ebä nowa comaquema. Bluca bä caficö a̦ lä bou wejei bä nijamö ca̦i. Shomi bä bluca lä bälöblai bä nijamö ca̦i. Bluca bä bälöblawä lä yaiblai bä nijamö ca̦i.

Apocalipsis 6:11

Ö̦jö däjä, camishi labe shuducaje bä ja, bä dobämolayoma. Abinaja bä nowa tamoma. —Bä yanöcöblaa da balöicu. Aifä bä lä cui, camiyä ya wa̦ juamobä bä nia lä shämou wei bä lä cui, bä oimi showawä, cafä wamacö lä taamamono weinaja bä nia shämou mö lä feduo wei bä lä cui.

Apocalipsis 7:8

Sabulono 12.000 ebä ca̦i. José 12.000 ebä ca̦i. Bejamino 12.000 ebä ca̦i.