Apocalipsis 7:3 - Biblia Yanowamö

³ Abinaja bä nowa tama. —Bei. Ulifi a ma cui, modu ubä ma cui, fii fibä ma cui, wadoli a ja ö̦jö bä wa̦liamaö showadao dijejä. Yai Bada bäma a lä bufibou wei, a wa̦ juamobä bä lä cui, ö̦jö yama ebä nia onimaö balöo, cama onimamodima etä madofinö. Bei täbä wäyäcu jamö yama täbä nia oni taö cuaaö balöo—bä nowa tama.

Apocalipsis 7:3 Iomraidhean Croise

Éxodo 12:13

’Ö̦jö i̦yä i̦yä bä lä cui, wamacö lä cuo wei jamö bä yano nö ö̦jöböamobä, bä nia läblamou —a cuma—. Ö̦jö ya bä i̦yä i̦yä lä dablaö wei däjä, ya nia jayuaö showadao. Ejido ya tä ulifi wa̦liaö däjä, cafä wamacö shämobä tä wayu nia cubloimi.

Éxodo 12:23

Ejidoteli bä shäö cuaabä, Jeobaa a nia waiteli malä jayuaö wei. Bei yoca jamö deficö lä i̦tao wei deficö ma cui jamö, defi lä maqueo wei defi ma cui jamö, i̦yä i̦yä bä dablaö däjä, a nia jayuo showadao. Cama a̦jele etä Waicalewä lä cuinö wamacö shäö mlaobä, cafä wamacö yanobö jamö a nia famaimi.

Mateo 24:22

Ö̦jö tä lä cublole däjä, Bada tänö tä ja̦mabou bufio mlao fa cunoja, moli ma cui täbä nö demi feio buobö mlai. Ö̦jö ma cui, cama ebä lä yaimabole bä feimabou fe yadiobä, tä nö nia dedejeblamaimi.

Mateo 24:31

Ö̦jö däjä, tä a̦ bada jolamou däjä, iba a̦jele bä lä cui ya bä nia shömaö cuaaö. Jödödöwä bä lä bälöblai jamö, iba ya bä lä yaileno wei bä nia co̦ablaö cuaaöje.

Juan 12:26

Wale a̦ juaö lä ojodao wejei bä lä cui, camiyä nija bä nocaobä ö̦jö bä li. Camiyä ya cuobä jamö, ö̦jö bä nia shino cuo. Wale a̦ juaö lä ojodao wejei bä lä cui, Fayänö bä nofi nia dodijidawä tamabou —a cuma.

Juan 3:33

A wa̦ nofi yai mölabou fe lä yadio wejei bä lä cuinö, Yai Bada a wa̦fa ca̦i bejedi taöje.

Romanos 6:22

Ö̦jö ma cui wa̦lidiwä tä ja, fei däjä wamacö fujeblaliyoma. Yai Bada wama a nosie yai fuaö majöobä wama ecö cublou fa nomöjölonö, wamacö yai bayeliblamou. Yai Badanö dodijidawä wamacö fa yaimacönö, ba̦limi wamacö cuobä.

Apocalipsis 13:16

Yalo a waiteli wawäö lä co̦ono wei a lä cui, abinaja a ca̦i cuaaö. Yanowamö täbä bluca oniblamaö bufii. Bä lä lojode wei bä ma cui, bä lojode lä mlai bä ma cui, bä oniblamaö. Bä lä madofibö wei bä ma cui, bä lä jo̦li wei bä ma cui, bä nosie juamobä bä lä tabou wejei bä ma cui, bä tabou lä mlajei bä ma cui, inaja showawä. Jayu boco jamö bä imicö oniblamaö dao. Bei bä wäyäcu ca̦i oniblamaö dao.

Apocalipsis 13:17

Bä oniblamou lä mlai bä lä cui, blada bä ja täbä nia ca̦i madofi nomöjöamaimi. Madofi bä ma cui ja, blada bä nia ca̦i däamaimi. ¿Ö̦jö tawä? Bä nia lä oniblamou wei, yalo a waiteli jaba lä wawälayono wei bei a wa̦fa oni tamou dao. Bei a wa̦fa oni nowa lä wabamou wei tä ca̦i número tamou dao.

Apocalipsis 14:1

Ö̦jö däjä Siono cäcö jamö ya tä fa mönö, Oweja a wa̦fa ocalo lä jilamou wei ya ublaa dalalema. Cama 144.000 ebä ca̦i cuoma. Ö̦jö ebä lä cuinö, bei bä wäyäcu jamö cama a wa̦fa oni tabomaje, bä Fö̦ö e a̦fa ca̦i oni showawä.

Apocalipsis 14:9

Ö̦jö a nodi jamö, ai a a̦jele wawäblou co̦layoma. Ö̦jö a̦jele 3 a lä cui, a wa̦ i̦cali faö ja, abinaja a cuma. —Yalo a waiteli jaba ma cui nija, ö̦jö a nö idubö ma cui nija, ö̦jö cäcöbö nija bä möfe bolanö, cäcöbö a̦fa bada doblao taö dicooje ja, Yai Bada tänö ö̦jö bä nö nia bleaamaö. Cama etä oninö bä wäyäcu ca̦i oniblamou dicoo ja, bä imicö ca̦i oniblamou dicoo ja, inaja showawä bä nö nia yai bleaamaö. Uba nashiwä toubä fe lajoblaö lä cuaaö wejeinaja, Yai Bada tä nö wa̦lowä lä jushuo wei tä ma cui, inaja showawä tä fe lajoblamaö lä cuimadi. A bufi nö asimobimi waiquiwä cudeenö, cama nashiwä e toubä mö jude ma cui, bä fe nia coamaö fe yadio. Cowa wacöbä ma cui ja, cowa yaitawä nacli wacöbä ma cui ja, bä nö nia yai bleaamaö. A̦jele bä lä yaile jamö bä nia inaja taamaö, Oweja a wa̦fa ocalo lä jilamou wei a lä cule jamö showawä.

Apocalipsis 19:2

Täbä lä taamaö wei tä ja, a bejedimou. A wa̦ cadidou showadao. A showadi suwä lä dodoono wei a lä cui a dobloimi jömöa waiquiquema, Babiloniateli bä a̦fa lojode lä wäyäno wejei bä lä cui. Bluca bä lä bälöblai bä wa̦lidiblamalemaje, bä showadi lä joleblalono wei tänö. Yai Bada a wa̦ juamobä ebä lä shäleno wejei bä lä cui, ö̦jö bä nija bä i̦yäbö nö yua waiquilema —bä cuma.

Apocalipsis 20:4

Ö̦jö däjä bada bä döcäobä ya täbä dalalema, bä bada lä döcäono wei bä ca̦i, yanowamö täbä jömabeje bä lä lämabono wei bä lä cui. Ö̦jö bä bada lä cui, Yai Bada ebä fe lä bafedimano wejei ö̦jö bä bufi cuoma. Yai Bada a wa̦no wäyäö nofi jushuaöje ja bä shälemaje, Jesús a wa̦fa wäyäö fe yadiomaje cudeenö. Ö̦jö bä lä cui, yalo waiteli a ma cui nija, ö̦jö a nö idubo ma cui nija, bä möfe boonomi. Cäcöbö a̦fa bada doblao ca̦i tanomije. Ö̦jö a wa̦fa oni lä cui ja bei bä wäyäcu oniblamonomi. Bei bä imicö ma cui ja, inaja showawä. ¿Ö̦jö tawä? Bä demia co̦layoma, lasha 1.000 a lalou jaöo mlao däjä Cristo sho bä bada läo balöobä.

Apocalipsis 22:4

Yai Bada mofecö nia dablaö wawädooje. Bei bä wäyäcu ja, Yai Bada bei a wa̦fa nia oni cublamou.

Apocalipsis 6:6

Ö̦jö däjä, yaitawä 4 täbä möamo ja, yanowamö a wa̦ faö lä culenaja ya wa̦ ji̦lilema. Abinaja a cuma, cabayo a ja a lä döcäle nija. —Täbä ojodamou fe ma weyaö wei ma cui, ji̦shima moli a ja, nii ji̦bä fe lajowä shino nia däamou. Ji̦bä nowa bluca lä mlai ji̦bä ma cui, 3 bä ji̦shima bädawä ja, ji̦bä fe lajowä nowa nia shino co̦amamou. Ö̦jö ma cui, dabö dabö ubä mlaö dicoo mlaobä, ubä lä tamou wei fibä wa̦liama dijä. Uba nashiwä toubä ca̦i cuo fe yadiobä, totobä ca̦i wa̦liama dijä —a cuma.

Apocalipsis 7:1

Ö̦jö ya tä möö waiquio däjä, bita a 4 lä sha̦coblai jamö, a̦jele 4 ya bä ublajawä fe fa̦yoa dalalema. Wadoli 4 bä lä cui bä ja̦mabomaje, ulifi jamö ma cui, modu ubä lä cublai jamö ma cui, tä wadolimou showadao mlaobä. Fii fibä ca̦i yalä yalämou showadao mlaobä.

Apocalipsis 7:2

Ö̦jö däjä, motoca a lä faö wei jamö, a̦jele ai ya ösöö dalalema. Yai Bada tä demi shi lä wa̦lile etä madofi onimamodima showaboma. A̦jele 4 bä ublajawä fe lä fa̦yoono wei bä nija a wa̦ i̦cali fama. Ö̦jö bä nija, ulifi a wa̦liabeje tä li jöbämoa waiquiquema, modu ubä ca̦i.

Apocalipsis 9:4

Ö̦jö bä söcö söcöma lä cui bä wasömamoma, fii defibä wa̦liaö mlaobeje. Moimoima bä ma cui, cau cau bä ma cui, fii fibä ma cui, ö̦jö täbä bluca wa̦liaö mlaobeje bä wasömamoma. Yai Bada etä madofinö, yanowamö bei bä wäyäcu onimamou lä mlai bä nö nia shino yai bleaamamaje.