Apocalipsis 7:12 - Biblia Yanowamö

¹² Abinaja bä a̦jele cuma. —¡Inaja lä tä cuobä! Yai Bada bäma a lä bufibou wei, ¡bäma a nofi shino yai dobobä! ¡Ö̦jö bäma a wa̦fa shino doblao tabä! ¡Bäma a bufi nofi shino jaducuwä doablabä! ¡Ö̦jö nija bämacö bufi a̦fa doblalou ca̦i wäyämobä! ¡Bäma a nofi dodijidawä tabobä! ¡Bäma a nofi lojode ca̦i doablabä! ¡Ö̦jö a wa̦fa nö shino wa̦lojaö tamobä! ¡Inaja lä tä cuo shi wa̦libä! Inaja lä tä cuobä —bä a̦jele cuma.

Apocalipsis 7:12 Iomraidhean Croise

Jonás 2:9

Ö̦jö ma cui, cafä lija ya bufi a̦fa doblalou wäyämolanö, ya bä yalo dodobou wä. Bä dobäö wä, ya wa̦ nö lä wäono weinaja showawä. Täbä bayeliblamobä, cafä Jeobaa wa cua ayaa —Jonasi a cuma.

Mateo 6:13

Yamacö nö doblobö lä mlai jamö, yamalecö ca̦i da wasö. Tä lä wa̦lidii tä ja, yamalecö da nowamöbo.” Einaja Yai Bada nija wamacö cubä.

Romanos 11:36

Camanö täbä bluca malä tablaleno wei. Cama a showawänö täbä bluca li fuwäbou. Camanö täbä tabobä täbä. ¿Ö̦jö tawä? Cama a wa̦fa shi̦lo doblao tamou shi wa̦libä. Inaja lä tä cuobä.

1 Corintios 14:16

¿Ö̦jö tawä? Wamacö caficö a̦ shominajaalanö Yai Bada wama a a̦fa doblao taö ja, shomi bä loo mö lä fedule bä bufi nia wedinajamou. Bei wamacö bufi jamö tä a̦ lä bädou wei däjä, bufi doblalanö Yai Bada wama a nofi ma doablaö wei ma cui, tä a̦ ji̦liblaimi dicooje ja, “Awei, inaja lä”, bä bufi nia cuu yauaimi.

2 Corintios 4:15

Cafä wamacö dodijidawä cuo mö feduobä, ö̦jö lä tä bluca waiquiwä malä cui. Yai Bada tänö täbä nofi lä ojodabou wei tä ja, bä mölaö fa blaucublalunö, cama lija bä bufi a̦fa doblalou ca̦i wäyämou blaucublou mö feduobä. Yai Bada tä doblao dablamobä.

Colosenses 2:7

Fii fibä nasöcö fa dalonö, tefibä yai ublao lofotoo lä culenaja, tefibä yai ösöö lä culenaja, inaja showawä Cristo lija bä bufi ca̦i lofote yai da cuo. Wamacö yömölamou däjä, Cristo a wa̦fa lä wäyämono wei tä a̦ nofi shi̦lo yai lofote da mölaboje. Yai Bada tänö wamacö bayeliblaö cudeenö, ö̦jö lija bä bufi a̦fa shi̦lo doblao da wäyämo.

Colosenses 3:17

Wamacö cuaaö lä bädao wei tä ma cui ja, Bada tä Jesús wama a nofi jaducäbolanö, wamacö yai cuaabä. Wamacö a̦ faö lä bädao wei tä ma cui ja, inaja showawä wama a nofi nia shi̦lo jaducäbou cuo. Inaja wamacö cuaalanö, Bada tä Jesús a wa̦nö, Yai Bada bäma a nofi lä Fö̦ömale lija bä bufi a̦fa doblalou da wäyämo.

Apocalipsis 1:18

Täbä ba̦limi cudiobä ya tä tabou. Nomawä ya ma cuono wei ma cui, fei däjä ya ba̦limi waiquia. ¿Ö̦jö tawä? Bä lä nomablou wei ya bä demiamaö co̦obä ya tä tabou, täbä lä nomaö wei täbä cuobä jamö, ya tä caloblabä ca̦i.

Apocalipsis 19:4

Ö̦jö däjä bada 24 bä lä cuinö, yaitawä 4 bä ca̦i lä cuinö, Yai Bada a döcäobä etäcö cotä jamö bä möfe bolanö, a lä döcäle a wa̦fa Bada doblao tamaje. Abinaja bä cuma. —Inaja lä tä cuobä. ¡Cafä wa nofi yai doamobä! —bä cuma.