Apocalipsis 6:4 - Biblia Yanowamö

⁴ Einaja a fa cunö, cabayo ai a faa nomöjölayoma. A wacä mö judäoma. Ö̦jamö a lä döcäono wei a lä cui nija, bita jamö tä nö ulifi wayuböblamabä etä jöbämoquema, täbä bluca lä bälöblai bä shäyobä. ¿Ö̦jö tawä? Sibala bada e bada jöbämoquema.

Apocalipsis 6:4 Iomraidhean Croise

Mateo 10:34

Jesús abinaja a cuma. —Bita jamö yanowamö ya täbä yanöcömabobä, ya junomi. ¿Ö̦jö tawä? Inaja bä bufi cu dijä. Ma, ya täbä shino yai sheleleblamabä, ya juma.

Mateo 24:6

’Ai bä lä bälöblai ba nabä nia queayou —a cuma—. Inaja showawä, ai bä wa̦no ca̦i nia ji̦liamou cuo mö feduo. Ö̦jö wama bä wa̦no nia ma ji̦liaö wei ma cui, bä quili dijä. Ö̦jö tämi. Ö̦jö tä nia bluca ma cublou wei ma cui, tä nia bluca waicou showadaomi.

Juan 19:11

Jesús abinaja e cuma. —Camiyä wale nia lä taamaö wejei tä ja, wa lä läle wa lä cui, Yai Bada tänö wa lämabou mlao fa cunoja, wa nö läobö mlai. ¿Ö̦jö tawä? Cafänö wale shämaö ja, cafä nija tä nowa nia ma shadio wei ma cui, cafä nija wale lä jöböano wei a lä cui, ö̦jö etä nowa nia shino yai cuo —a cuma.

Apocalipsis 12:3

Ö̦jö däjä, ai tä nö quilijiwä damoa nomöjöa co̦laliyoma. ¿Ö̦jö tawä? Yaitawä täcö bada wacä wawälayoma. 7 febä cuoma, 10 bei yo̦labä ca̦i. Bei febä jamö, bada täbänö bä lä yojobou wejei täbä wai 7 yojoblamoma.

Apocalipsis 13:10

A o̦cama öböbobeje a waiquiwä ja, a nia o̦cama öböbouje. Sibala namo mö feduduwä anö a shämobä a waiquiwä ja, sibalanö a nia shämou. ¿Ö̦jö tawä? Yai Bada ebä bejedimolanö ebä nö wa̦lojaö fe yadiobä bä li.

Apocalipsis 17:3

Ö̦jö däjä Yai Bada tä Bufinö wale lojodobou showao däjä, ulifi bloque a jamö wale bälaquema. Yalo waiteli wacä a jamö, suwä ya döcäa dalalema. Yai Bada tä nö lä waiblaö wejei tä a̦ oninö, a yalo waiteli onio nö mlaoma. Bei febä 7 cuoma, bei yo̦labä 10.

Apocalipsis 17:6

Ö̦jö ya suwä möö ja, ya shi wa̦li dalalema. Yai Bada ebä i̦yäbönö a shi wa̦lima, Jesucristo a nofi mölabou fe lä yadiono wejei bä lä shäalaleno wejei bä i̦yäbönö. Ya suwä möö däjä ya bufi ca̦i shädayaimoma ma cui,