Apocalipsis 6:2 - Biblia Yanowamö

² Ya tä fa mönö, cabayo au ya dalalema. Ö̦jamö a lä döcäono wei a lä cuinö, shälacawä cäcö showaboma. Ö̦jö nija olo a jöbämoquema, a yojobobä. A nö wa̦lojaö waiquilanö a wayu juma, a nö yai wa̦lojaö dodijio ayaobä.

Apocalipsis 6:2 Iomraidhean Croise

Mateo 28:18

Abinaja Jesúsnö bä nowa tama. —Fedu jamö ma cui, bita jamö ma cui, bluca täbä lä cublai täbä ja ya Bada cuobä, camiyä Yai Bada tänö wale tablamalema.

1 Corintios 15:25

Täbä nö lä nabämou wei bä lä cui, Cristo lija Yai Bada tänö bä bluca blamabou showao mlao däjä, Cristo a nia bälöo lofotomabou dodijio.

Apocalipsis 11:15

Ö̦jö däjä a̦jele 7 a lä cuinö, amowa fi jolaö fa co̦onö, fedu jamö bluca bä a̦ i̦cali ji̦lioma. Abinaja bä cuma. —Yai Bada bäma a nofi lä Badabole a lä cui, yanowamö täbä nijamö a dodijidawä yai bälöobä etä cublaliyo lä cufe. A shömabä a lä yaileno wei sho cäcöbö yai nosiemou shi wa̦libä —bä cuma.

Apocalipsis 11:18

Bä bälöblawä lä yaiblai bä wa̦yoamou ma bäle, cafä wa nö wa̦lowä lä jushuo wei tä yai wawäblaliyoma. Täbä bluca lä nomablono wei, cafänö wa bä jömabä tä fei däjä cublaliyoma. Afä wa bä ca̦i dobäbä. Wa nosie juamobä wa wa̦no lä wäyäno wejei bä lä cui, wa bä nia dobäö. Wa nö quili lä tano wejei bä ca̦i. Bä a̦fa lojode lä wäyäno wejei bä ma cui, bä a̦fa lojode wäyäno lä mlajei bä ma cui, inaja showawä afä wa bä nia bluca dobäö cuaaö. Bita jamö täbä mö bluca lä watäano wejei bä lä cui, fei däjä cafänö wa bä mö nia watäblaö —bä cuma.

Apocalipsis 14:14

Ö̦jö däjä ya tä möö co̦oma. ¿Ö̦jö tawä? Ölajashi au ya fa dalalönö, jai yanowamö a wa̦lo cuwä, ö̦jamö ya döcäa dalalema. Olo a liyäjäwä yojoboma. Bei imicönö sibala iyodowä a namo showaboma.

Apocalipsis 15:2

Ö̦jö däjä, jai modu u cuwä ya tä si bada flacajawä blaa dalalema. Tä mömou walalaoma. Jai cowa wacöbä coyocowä tä mömou ca̦i cuoma. Ö̦jö modu u lä walalaono wei u casö jamö, yanowamö ya bä ublajaa dalalema. Yai Bada amowä e fibä showabomaje, bei fibä nata lä jubamou wei fibä lä cui. Yalo a waiteli jaba lä cui a nö ca̦i idubö lä cule, ö̦jö nija bä nö wa̦lojaö lä ayaono wei bä li cuoma, bei a wa̦fa número onibono lä mlajei.

Apocalipsis 17:14

Oweja a wa̦fa ocalo lä jilamou wei a nabä nia queo ma cujei, ö̦jö a lä cuinö bä nö nia shino bleaamaö ayao. Ö̦jö a shino Bada lojode malä ayai. A nö shino lä wa̦lojaö wei, ö̦jö a Bada. Oweja a wa̦fa ocalo lä jilamou weinö bä ca̦i lä juu wei bä lä cui, Yai Bada tänö bä lä nacano wei ö̦jö lä cäbä. Bä yailema. Ö̦jö bä bejedimou —a a̦jele cuma.

Apocalipsis 19:14

¿Ö̦jö tawä? Fedu jamö bä wayu jubä bä lä culadi, cabayo au bä ja, ö̦jö nija bä befi ca̦i läläa nocaquema. Camishi shuducaje bä ja bä didioma, bä au yai lä dodijidai bä ja.

Apocalipsis 3:21

Bä nö wa̦lojaö lä ayao wei bä lä cui, bada ya bä nia tablamaö. Camiyä ya lä döcäo wei täcö ja bä nia döcäo ajedeblou. Camiyä ya nö ca̦i wa̦lojaö fa ayaonö, Fayä a lä döcäo wei etäcö ajede jamö wale döcämabou lä culenaja showawä.

Apocalipsis 9:7

Cabayo bä ca̦i wayu jubeje jamö bä jo̦yablaö lä cuaaö wejeinaja, inaja showawä bä söcö söcöma mömou cuoma. Madofi bä liyäjäwä yojobomaje, olo bä lä culenaja. Yanowamö täbä mofecö lä culenaja bä mofecö cuo mö feduoma.