Apocalipsis 6:1 - Biblia Yanowamö

¹ Oweja a wa̦fa ocalo lä jilamou wei a nija ya mamo showao däjä, oni si jamö mai 7 cocobä lä sudiono wei, ö̦jönö jaba coco caloblalema. Ö̦jö däjä, yaitawä 4 bä lä cuono wei, ai a wa̦ fama. Ya̦lu a wa̦ nacli faö lä culenaja a wa̦ ji̦limamou cuoma. —¡A da jabo! —a cuma.

Apocalipsis 6:1 Iomraidhean Croise

Juan 1:29

Ö̦jö tä fena ja, Jesús a juu fa dalalönö, Juan a wa̦ fama. —¡Ei, ei! Quiji a lä cui, Yai Bada tänö a shömölema. Oweja a wa̦fa ocalo lä jilamou wei a. Bita jamö täbä lä bälöblai täbä nowa wa̦lidiwä mladamabä, a nia lä shämou wei, ö̦jö lä a.

Hechos 4:20

Yafä tä lä möno wei tä ma cui, yafä tä a̦ lä ji̦lileno wei tä a̦ ma cui, yafä tä a̦ wäyäö mladobä tä cua malä mlai —cäcöbö cuu mö feduoma.

Apocalipsis 11:19

Ö̦jö däjä, fedu jamö Yai Bada etä yafi yoca fa caloblalönö, cama etä yafi u̦eshi jamö Yai Bada a wa̦no oni lä didile defi ca damolaliyoma. Madula a ca̦i wacö blada bladamoma. Täbä a̦ bluca ca̦i mashiquiwä ji̦lioma. Ya̦lu a wa̦ ca̦i faö nö quiliama. Ulifi a ca̦i bada blösö blösömoma. Bleyula bä ca̦i nö bada blalölou nö quiliama.

Apocalipsis 13:8

¿Ö̦jö tawä? Bita jamö bä yanowamö bluca lä cublai bä lä cui, ö̦jö nija bä möfe bolanö a wa̦fa nia bada doblao taöje. Bä nia ba̦limi lä cudio wei, Yai Bada tänö bä a̦fa lä onibole si ja bä a̦fa lä cule, ö̦jö bä lä cui bä nö bayeli nia shino nacaomi ayao. Ulifi a tablamou showao mlao däjä, ö̦jö bä a̦fa bluca tabou showadaoma. Ö̦jö si lä cui, Oweja a wa̦fa ocalo lä jilamou wei, ö̦jö esi li oni, a lä shämono wei a lä cui.

Apocalipsis 14:2

Fedu jamö ai ya wa̦ ca̦i bada ji̦lilema. Ö̦jö a wa̦ lä cui, bola bä a̦ bada ji̦limou nacli lä culenaja a wa̦ ji̦limamou cuoma. Ya̦lu a wa̦ ca̦i bada nacli lä culenaja showawä. Ya wa̦ lä ji̦lileno wei, amowa bei fibä nata lä jubamou wei bä a̦ lä culenaja a wa̦ cuoma.

Apocalipsis 19:6

Ö̦jö däjä, ai ya bä a̦ i̦cali faö ji̦lilema. Jai bluca täbä co̦camolayoma dejemi täbä a̦ bada ji̦limamou cuoma, bola bä a̦ bada nacli lä culenaja showawä. Ya̦lu a wa̦ i̦cali faö nö lä quiliaö weinaja showawä. Abinaja bä cuma. —Bei. ¡Yai Bada tä nofi da doablaje! Bada bäma tä lä bufibou wei, a nö yai lä wa̦lojaö wei a lä cui, ö̦jö a yai Bada läa ayaa.

Apocalipsis 4:8

¿Ö̦jö tawä? Ö̦jö 4 täbä lä cui, 6 täbä majecö cublawä. Bei bä majecö mabucabö jamö ma cui, cama comi bä jamö bä mamobä cublawä nö mlawä. Ö̦jö täbä lä cuinö, täbä yanöcöblou balöa mlai ja ei tä a̦ amowa shino tadiije. Yai Bada tä Bada lojode lä ayai, ¡yami a yaia! Jaba däjä tä cuo fa showaonö tä cua lä showale, ¡yami a yaia! Tä nia juu lä co̦o wei tä showawä lä cui, ¡yami a yaia! Einaja täbä amowamou ja täbä cudii.

Apocalipsis 5:1

Ai ya tä möö co̦o ja, oni ya si cofefama dalalema. Bada tä döcäobä etäcö jamö a lä döcälenö, jayu boconö tä si däboma. Balöcö si ma cui, mabucabö si ma cui, si onio jödödöoma. Si caloblamou mlaobä, mai 7 cocobä sudioma.

Apocalipsis 5:12

Bä i̦cali a̦ faö ja, abinaja bä cuma. Oweja a wa̦fa ocalo lä jilamou wei, a lä shämono wei a lä cui, ö̦jö a nofi lojode doablamobä a yai. Täbä nowa lä bluca wei täbä ja a dobäbeje a. Ö̦jö a bufi nofi shino yai jaducuwä doablamobä. A nö a̦fa ca̦i wa̦lojaö tabeje. A nofi dodijidawä ca̦i tabobeje. A wa̦fa ca̦i doblao tamobä. ¡Bäma a nofi dobobä, ö̦jö a yai! Einaja bä cuma.

Apocalipsis 5:8

Si lä däleno wei däjä, Oweja a wa̦fa ocalo lä jilou wei a cotä jamö, yaitawä 4 täbä lä cui täbä möfe boblaquema. Bada 24 bä lä yädäono wei, inaja showawä. Ö̦jö bä bluca lä cuinö, amowa fibä showabomaje, bei fibä nata lä jubamou wei fibä lä cui. Olo bä ja täbä lä cui täbä ja, täbä nö wa̦queshi li̦yoli u̦cucamabeje täbä fe ca̦i lajowä didibomaje. Ö̦jö täbä lä cui, Yai Bada nija cama ebä nö bayeli lä nacao wei bä a̦ jömamobä bei täbä li cuoma.

Apocalipsis 6:3

Oweja a wa̦fa ocalo lä jilamou wei a lä cuinö, oni si jamö mai 7 cocobä lä sudiono wei, ai a caloblaö co̦layoma. 2 coco caloblaö däjä, yaitawä 4 bä lä cuono wei, ai a wa̦ faö nomöjöoma. —¡A da jabo! —a cuma.

Apocalipsis 6:5

Oweja a wa̦fa ocalo lä jilamou wei a lä cuinö, mai 3 coco caloblaö lä co̦layono wei däjä, yaitawä 4 bä lä cuono wei, ai a wa̦ faö nomöjöoma. Ya wa̦ ji̦lilema. —¡A da jabo! —a cuma. Ya tä fa mönö, cabayo ö̦shö a wawäa nomöjölayoma. Ö̦jamö a lä döcäono wei a lä cuinö, jude wabamodima tä yäböboma.

Apocalipsis 6:7

Oweja a wa̦fa ocalo lä jilamou wei a lä cuinö, mai 4 coco caloblaö lä co̦layono wei däjä, yaitawä 4 bä lä cuono wei, ai a wa̦ faö nomöjöoma. Ya wa̦ ji̦lilema. Abinaja a cuma. —¡A da jabo!

Apocalipsis 8:1

Oweja a wa̦fa ocalo lä jilamou wei a lä cuinö, mai 7 coco caloblaö lä co̦layono wei däjä, fedu jamö tä mada waiwä nö dedejedaliyoma.