Apocalipsis 5:5 - Biblia Yanowamö

⁵ Ö̦jö däjä, bada 24 bä lä yädäono wei ai a lä cuinö, abinaja wale nowa tama. —A ö̦cö dijä. Judawä nodiwä e a̦fa Öla lä jilamou wei a lä cui, a nö Bada wa̦lojaö ayaoma. David nodiwä bä nija a nia Bada lä bädono wei, ö̦jö lä a showawä, jai fii fi nasöcö nia cabudu faö lä co̦ono wei. Wa̦lidiwä tä ja a nö wa̦lojaö ayaoma yalo, mai 7 cocobä lä sudile cocobä calomabä, ö̦jö a yai. Tä a̦ oni ca̦i möbä, ö̦jö a yai —wale nowa tama.

Apocalipsis 5:5 Iomraidhean Croise

2 Crónicas 9:18

Bada a dicläobä etäcö lä cui, etäcö ösöjömaquemaje. Jödödöwä etäcö befi ca̦i jifuo showaoma. A nia lä dublaaö wei, 6 etäbä cuoma. Bei mamicö dicläcäobä, etäcö nia lä i̦tao wei etäcö ca̦i shadio mö feduo showaoma. ¿Ö̦jö tawä? Olo bä ja ö̦jö bä bluca tablalemaje. Bococu nia lä maqueo wei täcö ca̦i taa mö feduquemaje. Ö̦jö täcö mashi jamö, öla cäcöbä noleshi jo̦toa bolacamaquemaje.

Isaías 11:1

Fii bada tefi lofote lä culenaja, Isai bä ijilubö David ebä bada cublou ma nodiono wei ma cui, tefi nia duyämou. Tefi nia ma duyämou wei ma cui, fii nanoca nia cabudu faö co̦o. Isai nodiwä a nia bada bädou, bei nasöcö cäcö ja, tefi cabudu faö lä cuaaö weinaja showawä.

Números 24:9

¿Ö̦jö tawä? Öla a wa̦shimi jolou däjä a yäläo lä culenaja bä cuwä. ¿Wedinö a li yabäcaö cuquei? Isaeli ebä bayelimaö lä bufii wejei, bä nia li cama bayeliblamou mö feduo. Bä wafäblamaö lä bufii wejei, bä nia li cama wafäblamou —Balaama a cuma.

Lucas 23:28

Ö̦jö bä nija Jesús a mö fa yaiblalunö, abinaja bä nowa tama. —Jelusaleteliyoma wamacö. Wamale nomöa bo dijä. Cafä bä nomöa yai da yuamo. Ijilufä bä nomöa ca̦i yai da boje.

Lucas 7:13

¿Ö̦jö tawä? Bada tänö a suwä fa dalalönö, a nofi ojodadalema. Abinaja e cuma. —Ami. A ö̦cö dijä.

Lucas 8:52

¿Ö̦jö tawä? Bä ö̦cöö waiquioma. A nomöa bluca bomaje. Ö̦jö ma cui, abinaja Jesúsnö bä nowa tama. —Bä ö̦cö dijä. Wama a moco nomöa lä bole a nomaö cadidio malä mlai. A mia bädaa lä cule —bä nowa tama.

Juan 20:13

María nija cäcöbö a̦ faö ja, abinaja cäcöbö cuma. —¿Wedi tä ja bei wa wa̦ li dedeblalou cule? —cäcöbö cuma. —Ya nofi lä Badabou wei, a nomawä nofi fa dälöjenö, shomi jamö a maquea nomöjömaquemaje. Ö̦jö ya tä daimi yalo, ya bufi jo̦liblalou dodijia yalo ya wa̦ —a cuma.

Romanos 1:3

Bä ijilubö Jesucristo etä a̦ dodijidawä lä wäyämou wei, ö̦jö tä a̦ waiquiwä. Bada tä David e li nodiwä cuoma.

Romanos 15:12

Isaia a ma cui, a wa̦ ca̦i fama. Abenaja tä a̦ oni cuu. Isai nodiwä bä lija a nia Bada bädou, jai fii fi nasöcö nia cabudu lä faö wei a lä cui. Judio bä lä mlai bä lijamö a läobä, a nia bädou. Ö̦jö lija judio bä lä mlai bä nia mölaö. Einaja tä a̦ cuu.

Apocalipsis 1:1

Camiyä Juan ya nija Jesucristonö tä lä damalaleno wei, ei tä a̦ oni. Jesucristo nija Yai Bada tänö ö̦jö tä bluca wawämalema, cama bäma ecö moyawämabou mö feduobä. Tä nö dedei showao mlao däjä, Yai Bada tänö tä nia lä taö wei tä nia cublou. Jesucristo a nosie juamobä ya lä cui nija tä dablamabä, a̦jele e shömöledayoma.

Apocalipsis 22:16

Abinaja Jesús a cuma. —Camiyä Jesús ya lä cuinö, iba wamacö lä yododoblai wamacö nija, iba a̦jele ya shömölema, wamacö yömölamobä. David nodiwä bä nija a nia Bada lä bädono wei ei ya, jai fii fi nasöcö ja ya nia cabudu faö lä co̦ono wei ya lä cui. Shidicali a faö lä fenablao wei a no dabou lä cuaaö wejeinaja wale nö ca̦i dabomaje —a cuma.

Apocalipsis 3:21

Bä nö wa̦lojaö lä ayao wei bä lä cui, bada ya bä nia tablamaö. Camiyä ya lä döcäo wei täcö ja bä nia döcäo ajedeblou. Camiyä ya nö ca̦i wa̦lojaö fa ayaonö, Fayä a lä döcäo wei etäcö ajede jamö wale döcämabou lä culenaja showawä.

Apocalipsis 4:10

Bada tä yai lä cui a cotä jamö, bä 24 lä yädäo wei bä möfe bada boblaaö. A nia cuo shi lä wa̦lii wei a wa̦fa ca̦i Bada doblao taöje. Ö̦jö däjä, olo bä lä yojobou wejei ebä fa jayualalöjenö, amowa täbä a̦ talajenö, Bada tä döcäobä etäcö cotä jamö ebä shäyäblaqueije. Abinaja bä amowabö a̦ cuu.

Apocalipsis 4:4

Bada tä döcäobä etäcö ajede jamö, 24 ai ebä döcäo mö feduobä etäbä fe fa̦yooma. Ö̦jö täbä jamö bada 24 ebä döcäcäoma. Camishi au bä ja bä didioma. Olo bä ca̦i yojobomaje.

Apocalipsis 5:4

¿Ö̦jö tawä? Si calomabä, tä a̦ oni ca̦i möbä a dablonomi yalo, ya bufi fa wajäblalunö ya ö̦cöa dodijilayoma.

Apocalipsis 6:1

Oweja a wa̦fa ocalo lä jilamou wei a nija ya mamo showao däjä, oni si jamö mai 7 cocobä lä sudiono wei, ö̦jönö jaba coco caloblalema. Ö̦jö däjä, yaitawä 4 bä lä cuono wei, ai a wa̦ fama. Ya̦lu a wa̦ nacli faö lä culenaja a wa̦ ji̦limamou cuoma. —¡A da jabo! —a cuma.

Apocalipsis 7:13

Ö̦jö däjä, bada 24 bä lä yädäono wei ai a lä cui, camiyä nija a wa̦ fama. Abinaja a cuma. —¿Ei wa bä daö cule, camishi shuducaje bä ja bä lä didile? ¿Wedi jamö bä li cuoma bei bä li? —a cuma.