Apocalipsis 4:8 - Biblia Yanowamö

⁸ ¿Ö̦jö tawä? Ö̦jö 4 täbä lä cui, 6 täbä majecö cublawä. Bei bä majecö mabucabö jamö ma cui, cama comi bä jamö bä mamobä cublawä nö mlawä. Ö̦jö täbä lä cuinö, täbä yanöcöblou balöa mlai ja ei tä a̦ amowa shino tadiije. Yai Bada tä Bada lojode lä ayai, ¡yami a yaia! Jaba däjä tä cuo fa showaonö tä cua lä showale, ¡yami a yaia! Tä nia juu lä co̦o wei tä showawä lä cui, ¡yami a yaia! Einaja täbä amowamou ja täbä cudii.

Apocalipsis 4:8 Iomraidhean Croise

Génesis 17:1

Ablamönö lasha 99 a fa famalönö, cama nija Jeobaa a damoa co̦laliyoma. Abinaja a cuma. —Yai Bada ya nö lä wa̦lojaö wei cä ya. Wale a̦ da julä. Camiyä nija a bufi da cadidiicu.

Éxodo 15:11

Jeobaa wa lä cui, täbä lä bufiblamou wei täbä nijamö, cafä wa lä culenaja ai tä cuami. Tä cuami waiquiwä. Cafä wa lä doblao wei, wa yami yaia. Tä nö quili tamobä tä ma cui, tä nofi doablamobä tä ma cui, ai tä cuami waiquiwä. Täbä nö lä quilijii, cafänö wa täbä shino yai wawämaö daö ayawä.

Éxodo 3:14

Abinaja Yai Bada tänö Moisesi a nowa tama. —Ya lä cule cä ya —a cuma—. Abinaja Isaeli wa ebä nowa tabä. “Yacua tä a̦fa lä jilou wei tä lä cuinö, cafä wamacö nija wale shömölema.” Einaja wa bä nowa tabä —Yai Bada a cuma.

Hechos 20:31

Ö̦jö cudeenö, bä da moyaweicu. Camiyä ya lä cuaano wei tä nofi da jaduculäje, wamale owäbobä. Jalu däjä ma cui, didi däjä ma cui, ya ö̦cölanö ya bä bluca yömöladima. Inaja ya wajäblalou waiquilanö lasha 3 ya famalema.

2 Corintios 6:18

Camiyä wamale nofi nia ca̦i Fö̦ömaö. Inaja showawä, cafä wamacö lija ya nia ijilumou. Ijiluyä wamacö nia cuo, tääyä wamacö nia ca̦i cuo. Bada ya shi̦lo lofote lä ayai, inaja ya cuu waiquiwä. Einaja Bada a cuma.

1 Tesalonicenses 2:9

Iba wamacö lä cui, yamacö ojodamou nö wa̦lojaö fe lä yadiono wei wama tä daö. Yama täbä no nii co̦amabä, jalu däjä ma cui, didi däjä ma cui, yamacö ojodamou showaoma. Yai Bada tä a̦ ja bämacö lä yömölano wei däjä, cafä bämacö niibö yabäcaö mlaobä yamacö ojodamodima.

1 Timoteo 4:16

Wa bejedimobä a da moyaweicu. Wa tä a̦ lä wäyäö wei tä a̦ da cadidilä. Inaja lä wa cuaaö anö, wa nowamöo cuquei. Wa wa̦ lä ji̦liaö wejei bä ma cui, ö̦jö wa bä ca̦i nowamaö mö feduquei.

2 Timoteo 4:2

¿Ö̦jö tawä? Yai Bada etä a̦ da wäyä. Tä a̦ ji̦liaö bufi ma doblao wejei ma cui, tä a̦ ji̦liaö bufio ma mlajei ma cui, tä a̦ yai wäyäö fe da yadio. Bä bufi taamaö fe da yadio. Bä da wasö. Bä da cadidama. Wa bufi shi̦lo yanöcölanö, Yai Bada tä a̦ ja, bä damaö fe da yadio.

Hebreos 13:8

Jesucristo a bufi nia shomiblou majöomi. Jaba däjä a cuo lä balöono weinaja, fei däjä ma cui a cuwä showawä. Obi ma cui, inaja showawä a nia cuo shi wa̦lii.

Apocalipsis 1:4

Camiyä Juan cä ya. Asia tä ulifi jamö Jesucristo 7 wama ecö lä yododoblai wamacö nija, ei ya tä a̦ oni shömaö lä cule. Yai Bada nija ya nö bayeli nacaö, a jaba cuo lä showaono wei, a cua lä showale a lä cui nija. A nia juu lä co̦o wei a showawä lä cui nija. Bada tä lä döcäo wei etäcö ajede jamö, *yai 7 bä lä culadi bä ma cui nija ca̦i. Ö̦jö bä nija ya nö bayeli nacaö, wamacö nofi ojodabobeje, wamacö bufi ca̦i yanöcömabobeje.

Apocalipsis 1:8

Bada tä lä bufiblamou wei a lä cui, abinaja a cuu. —Camiyä ya lä cuinö täbä bluca cublaliyoma. Camiyä ya showawä ma cuinö täbä nia bluca waicou —a cuu. Einaja a lojode shi lä wa̦lile a cuu, jaba däjä a cuo fa showaonö a cua lä showale a lä cui. A nia juu lä co̦o wei a lä cui.

Apocalipsis 11:17

Abinaja bä cuma. —Bada wa lä bufiblamou wei, wa shino lojode lä ayai wa lä cui nija yamacö bufi a̦fa doblalou wäyämobä yamacö a̦. Jaba däjä wa cuo fa showaonö, wa cua lä showale. Cafä wa nö yai lä wa̦lojaö wei wa lojode fa damolalunö, fei däjä cafä wa yai Bada läobä wa cuquema. Ö̦jö cudeenö, yamacö bufi doblalou.

Apocalipsis 14:11

Bä nö bleaabä jamö, ö̦jö bä wa̦queshi nia tolucudio shi wa̦lii. Bä yanöcöblou balöa mlai ja, showadi bä nö nia shino bleaadii. Yalo a waiteli jaba ma cui nija, a nö idubö ma cui nija, ö̦jö cäcöbö nija bä nö bayeli nacaobä bä möfe lä boo wei, inaja bä nia taamaö, ö̦jö etä a̦fa oninö bä ca̦i lä oniblamou wei —a cuma.

Apocalipsis 14:3

¿Ö̦jö tawä? Bada tä döcäobä etäcö mashi jamö bä culanö, amowa dude tä a̦ taöje, yaitawä 4 täbä fe lä fa̦yoono wei jamö. Bada 24 ebä ca̦i döcäo yädäo lä ajedeono wei jamö. ¿Ö̦jö tawä? Bita jamö bä lä cublai bä nija, Yai Bada 144.000 ebä nowa lä co̦maqueno wei bä lä cuinö, ö̦jö bänö tä a̦ li amowa shi̦lo taö daö ayaoje.

Apocalipsis 15:3

Yai Bada a nosie juamobä a Moisesi lä cuinö, ö̦jönö tä a̦ amowa taö lä balöono wei tä a̦ taö co̦omaje, Oweja a wa̦fa ocalo lä jilamou wei tä a̦ ca̦i lä tano wei tä a̦ lä cui. Abinaja bä amowabö a̦ cuma. Cafä Yai Bada wa Bada lä cuinö, wa nö yai lä wa̦lojaö wei wa lä cuinö, wa tä lä taö wei tä nö bluca lojode quilijiwä. Bä bälöjou lä yaiblai bä nija wa Bada läo shi lä wa̦lii wei wa lä cui, showadi wa dodijaö. Showadi wa ca̦i bejedimou.

Apocalipsis 15:7

Ö̦jö däjä Yai Bada etäbä yaitawä 4 lä cuono wei ai a lä cuinö, ö̦jö a̦jele 7 bä nija, 7 toubä nashiwä befi ca̦i fe lajowä jöbäaquema. Toubä lä didiono wei, olo bä ja täbä cuoma. Ö̦jö toubä nashiwä lä cuinö, Yai Bada tä nö wa̦lowä lä jushuo wei tä jömamoma, tä cudia shi lä wa̦lile.

Apocalipsis 16:14

Fecula bada ebä malä cuono wei. ¿Ö̦jö tawä? Fecula bada a mayo dablamabeje, tä nö lä quilijii tä ca̦i bluca wawämamaje. Ö̦jö bä fecula lä cuinö, bada jödödöwä bä lä bälöblai bä co̦ablaö cuaamaje. Yai Bada tä nö shino lä wa̦lojole a lä cuinö, täbä yanowamö yai jömaö lä bufio wei tä mö jalu däjä bä shäyobä.

Apocalipsis 16:7

Ö̦jö däjä, Yai Bada nija täbä lä dodoblamou wei täbä maqueblamobä täcö jamö, ai ya wa̦ ji̦lilema. Abinaja a cuma. —Awei. Cafä Yai Bada wa Bada lä cui, wa nö yai lä wa̦lojaö wei wa lä cui, wa bä nö lä bleaamafe tä ja wa bejedimou. Wa cadidou showadao —a cuma.

Apocalipsis 19:15

Täbä wayu ca̦i lä juu wei a lä cuinö, sibala namo mö feduduwä a ca̦i bada waejemabou. Ö̦jö a namonö, bä bälöblawä lä yaiblai bä nö nia bluca bleaamaö. Bä nosiemaö ja a wa̦ nia lojodoaö. Duo shibä judenö jaboca bä lä̦cashiblou si lä ijejeinaja bä nia taamaö. Yai Bada tä nö lä wa̦lojale a lä cui, a nö wa̦lowä lä jushuo wei a waitelimou bufiobä jamö bä lä löblaaö wejei bä lä cui, ö̦jönö bä nia calucaö.

Apocalipsis 19:4

Ö̦jö däjä bada 24 bä lä cuinö, yaitawä 4 bä ca̦i lä cuinö, Yai Bada a döcäobä etäcö cotä jamö bä möfe bolanö, a lä döcäle a wa̦fa Bada doblao tamaje. Abinaja bä cuma. —Inaja lä tä cuobä. ¡Cafä wa nofi yai doamobä! —bä cuma.

Apocalipsis 21:22

Ö̦jö a shabono ja, Yai Bada nija bä nö bayeli nacaobä ya yafi dablanomi. Ö̦jamö Bada tä lä bufiblamou weinö bä ca̦i cua malä waiquile, tä shino lojode lä ayai. Oweja a wa̦fa ocalo lä jilamou wei a ma cuinö, ö̦jönö bä ca̦i malä cule.

Apocalipsis 3:7

Ya tä lä möno wei, abinaja a cuu nomöjöoma. —Filadefia jamö, iba bä lä yododaö wei bä nija a lä läle a lä cui nija, wa etä a̦ ca̦i nia oni shömaö. Camiyä yami ya lä yaile ya. Ya lä bejedimou wei ya. Bada tä David a lojode jömaö ayaobä tä caloblamodima lä cui, camiyänö ya tä tabou nomöjöa lä cule. Camiyänö ya yoca calobou waiquia ja, yoca nia laaimije. Ya yoca labou ja, yoca nia ca̦i caloblaimije. Ö̦jö ya lä cui, wale wa̦no nia oniblaö.

Apocalipsis 4:4

Bada tä döcäobä etäcö ajede jamö, 24 ai ebä döcäo mö feduobä etäbä fe fa̦yooma. Ö̦jö täbä jamö bada 24 ebä döcäcäoma. Camishi au bä ja bä didioma. Olo bä ca̦i yojobomaje.

Apocalipsis 4:6

Bada tä lä döcäo wei etäcö mashi showawä jamö, modu u si flacajawä cobejewä lä culenaja tä cuwä tä blaa. Tä mömou walalawä. ¿Ö̦jö tawä? Bada tä döcäobä etäcö jamö, yaitawä 4 täbä fe fa̦yoa. Bei bä balöcö jamö ma cui, bei bä mabucabö jamö ma cui, cama comi bä jamö jödödöwä bä mamobä cublawä.

Apocalipsis 4:9

¿Ö̦jö tawä? Bada tä döcäobä etäcö jamö a lä döcäle, a nia cuo shi lä wa̦lii wei a wa̦fa doblao taöje. A nofi dodijidawä tabouje. Ö̦jö nija täbä bufi lä doblao wei tä a̦fa ca̦i wäyäöje. Inaja cama bä cuaalanö,

Apocalipsis 5:6

Ö̦jö däjä, Bada tä döcäobä etäcö ajede jamö, Oweja a wa̦fa ocalo lä jilou wei ya dalalema, yaitawä 4 täbä möamo jamö. Bada 24 bä lä yädäono wei bä fe fa̦yooma. Ö̦jö Oweja a wa̦fa ocalo lä jilou wei a lä cui, jai a shälemaje a mömou cuoma. 7 yo̦la bä cuoma. 7 mamo bä ca̦i. Ö̦jö bei mamo bänö, yai 7 täbä jömamoma. Yai Bada etä a̦ juamobä ebä 7 lä cui, bita jödödöwä a jamö bä lä shömöleno wei, ö̦jö bä yai cuoma.

Apocalipsis 6:1

Oweja a wa̦fa ocalo lä jilamou wei a nija ya mamo showao däjä, oni si jamö mai 7 cocobä lä sudiono wei, ö̦jönö jaba coco caloblalema. Ö̦jö däjä, yaitawä 4 bä lä cuono wei, ai a wa̦ fama. Ya̦lu a wa̦ nacli faö lä culenaja a wa̦ ji̦limamou cuoma. —¡A da jabo! —a cuma.

Apocalipsis 6:6

Ö̦jö däjä, yaitawä 4 täbä möamo ja, yanowamö a wa̦ faö lä culenaja ya wa̦ ji̦lilema. Abinaja a cuma, cabayo a ja a lä döcäle nija. —Täbä ojodamou fe ma weyaö wei ma cui, ji̦shima moli a ja, nii ji̦bä fe lajowä shino nia däamou. Ji̦bä nowa bluca lä mlai ji̦bä ma cui, 3 bä ji̦shima bädawä ja, ji̦bä fe lajowä nowa nia shino co̦amamou. Ö̦jö ma cui, dabö dabö ubä mlaö dicoo mlaobä, ubä lä tamou wei fibä wa̦liama dijä. Uba nashiwä toubä ca̦i cuo fe yadiobä, totobä ca̦i wa̦liama dijä —a cuma.

Apocalipsis 7:11

Ö̦jö bä nija a̦jele bä fe bluca fa̦yooma. Bada tä döcäobä etäcö ma cui, bada 24 täbä lä yädäo wei täbä ma cui, yaitawä 4 täbä ma cui, ö̦jö bä bluca möamöo däjä, a̦jele bä ublajou fe fa̦yooma. Bada tä döcäobä etäcö ajede jamö bä möfe fa boalunö, Yai Bada a wa̦fa Bada doblao tamaje.

Apocalipsis 7:15

Ö̦jö cudeenö, Yai Bada tä döcäobä täcö mashi jamö bä li cudia lä cule. Cama Yai Bada etä yafi jamö a wa̦ showadi juadiije. Bada tä döcäobä etäcö jamö a lä döcälenö bä ca̦i fa cuonö, bä nia nowamaö shi wa̦lii.