Apocalipsis 4:7 - Biblia Yanowamö

⁷ Jaba tä lä cui, öla a lä culenaja tä mömou cuwä. Ai tä lä cui, baca a lä culenaja tä mömou cuwä mö feduwä. Ai tä lä cui, yanowamö mofecö lä culenaja tä mofecö cuwä. Ai tä mö feduwä lä cui, mojomö bä bada lelaaö lä cuaaö weinaja tä mömou cuwä mö feduwä.

Apocalipsis 4:7 Iomraidhean Croise

Génesis 49:9

’U̦asi. Cafä öla ocalo a waiteli lä culenaja wa cuwä. Wa nia fa niyablaonö, wa yäläalio. Wa fa isholunö, wa co̦a co̦layou. Inaja wa cuo däjä, ¿wedinö cafä wa li yabäcaö cuquei?

Números 23:24

¿Ö̦jö tawä? Quilii mlai ja, jai öla a waiteli jocädou lä culenaja bä cuwä. A nabä lä juu wei a waicaö showao mlao däjä, i̦yäbö waö showao mlao däjä, a nia yäläo buomi —Balaama a cuma.

Números 24:9

¿Ö̦jö tawä? Öla a wa̦shimi jolou däjä a yäläo lä culenaja bä cuwä. ¿Wedinö a li yabäcaö cuquei? Isaeli ebä bayelimaö lä bufii wejei, bä nia li cama bayeliblamou mö feduo. Bä wafäblamaö lä bufii wejei, bä nia li cama wafäblamou —Balaama a cuma.

1 Corintios 14:20

Iba wamacö. Ijilu oshe bä bufi mojodi lä culenaja wamacö bufi mojoduo mlai. Bä bufi yai da jaducäicu. Wa̦lidiwä tä ja wamacö shi̦lo yai mojoduobä, ijilu bä wai lä mojoduo weinaja showawä.

Apocalipsis 4:6

Bada tä lä döcäo wei etäcö mashi showawä jamö, modu u si flacajawä cobejewä lä culenaja tä cuwä tä blaa. Tä mömou walalawä. ¿Ö̦jö tawä? Bada tä döcäobä etäcö jamö, yaitawä 4 täbä fe fa̦yoa. Bei bä balöcö jamö ma cui, bei bä mabucabö jamö ma cui, cama comi bä jamö jödödöwä bä mamobä cublawä.

Apocalipsis 6:3

Oweja a wa̦fa ocalo lä jilamou wei a lä cuinö, oni si jamö mai 7 cocobä lä sudiono wei, ai a caloblaö co̦layoma. 2 coco caloblaö däjä, yaitawä 4 bä lä cuono wei, ai a wa̦ faö nomöjöoma. —¡A da jabo! —a cuma.

Apocalipsis 6:5

Oweja a wa̦fa ocalo lä jilamou wei a lä cuinö, mai 3 coco caloblaö lä co̦layono wei däjä, yaitawä 4 bä lä cuono wei, ai a wa̦ faö nomöjöoma. Ya wa̦ ji̦lilema. —¡A da jabo! —a cuma. Ya tä fa mönö, cabayo ö̦shö a wawäa nomöjölayoma. Ö̦jamö a lä döcäono wei a lä cuinö, jude wabamodima tä yäböboma.

Apocalipsis 6:7

Oweja a wa̦fa ocalo lä jilamou wei a lä cuinö, mai 4 coco caloblaö lä co̦layono wei däjä, yaitawä 4 bä lä cuono wei, ai a wa̦ faö nomöjöoma. Ya wa̦ ji̦lilema. Abinaja a cuma. —¡A da jabo!