Apocalipsis 4:5 - Biblia Yanowamö

⁵ ¿Ö̦jö tawä? Bada tä lä döcäo wei etäcö jamö, madula a wacö blada bladamou. Täbä a̦ bluca ca̦i mashiquiwä ji̦lio. Ya̦lu a wa̦ ca̦i faö nö quiliaö showadao. Bada a lä döcäo wei etäcö mashi jamö, cowa 7 wacöbä befi ca̦i i̦tatawä. Ö̦jö wacöbä lä cuinö, Yai Bada etä a̦ lä juaö wejei ebä yai 7 jömamou.

Apocalipsis 4:5 Iomraidhean Croise

Génesis 15:7

Ö̦jö däjä, Ablamö a yömölaa co̦lema. —Ulu tä ulifi jamö wa cuo showao däjä, bäfä lä nacano wei, ei Jeobaa ö̦jö ya showawä, cadeo bä lä jilale jamö wa lä cuono wei däjä. Ei afä ya tä ulifi jömöabä, bäfä luluboimama, wa tä nofi ulifi tabobä —a cuma.

Éxodo 19:16

Bolacabö tä mö fa dödölönö, ö̦jö tä fena ja, bei macö jamö ya̦lu a wa̦ ca̦i bada tai taimou nö quiliama. A wa̦ bada tai taimou nö fa quiliicudunö, madula a wacö ca̦i blalölou coyocaö mö feduo showaodayoma. Ölajashi a ca̦i bada suble cuodayoma. Tä madofi lä jolamou wei tä a̦ ca̦i nö i̦cali dedeadayoma. Ö̦jö tä nö bluca quiliama yalo, bä cuo lä juono wei bä quilili blösö blösöblaloma.

Éxodo 20:18

Bei. Cama bä mamo mötale däjä tä nö bluca fa quilijiblalunö, bä quilii fe balojooma. Bä quilili blösö blosöblaloma. Ya̦lu a wa̦ bada tai taimoma. Madula a wacö blalöloma. Tä madofi lä jolamou wei tä a̦ nacläama. Bei macö jamö wa̦queshi bä bada tolucublamoma. Bayäcäwä bä fa ublaalunö,

Mateo 25:1

Abinaja Jesús a cuma. —Yai Bada tänö cama ebä ca̦i lä cuo wei tä lä cui, abinaja tä ca̦i cuwä. Ai däjä, cäcöbö nia lä doayou wei cäcöbö nofi nia co̦camoamaje. Suwä a nia lä däaö wei a nö wa̦lo dabobeje jamö, bä moco 10 alayoma. Didi däjä a wa̦lo nia jo̦wa yafima yalo, cowa wacöbä shi̦i cuobä täbä showabolajenö bä juoquema.

Mateo 3:11

Abinaja Juan a cuma. —Camiyänö bämacö fe ojoblaö däjä, mau u ja bämacö jödödöblamaö, wa̦lidiwä tä ja wamacö bufi lädou dablamobä. Inaja camiyä ya cuaaö ma balöo wei ma cui, camiyä ya nodi jamö, a nö yai lä wa̦lojaö wei a nia waloo nomöjöoyoluu. Ö̦jö a shino yai doblaa ayaa cudeenö, ya bayeliblaö bädaobä tä ma cui ja, ya nö quilibö wei. Bei mamicö lä didio wei ecö bädawä ma cui, ya etäbä nö yefibou quilibö wei. Ö̦jö a lä cuinö, bejedi lä wamacö nia yai jödödöblaö. Mau unö mlai, Yai Bada a Bufinö wamacö nia jödödöblaö. Cowa wacönö täbä ca̦i nia jödödöblaö.

Hechos 2:3

Ö̦jö bä nija, jai cowa wacöbä cuwä wacöbä wai fa shedequeblalunö, ö̦jö bä bluca nija wacöbä wai döcäcäolaliyoma.

Apocalipsis 1:4

Camiyä Juan cä ya. Asia tä ulifi jamö Jesucristo 7 wama ecö lä yododoblai wamacö nija, ei ya tä a̦ oni shömaö lä cule. Yai Bada nija ya nö bayeli nacaö, a jaba cuo lä showaono wei, a cua lä showale a lä cui nija. A nia juu lä co̦o wei a showawä lä cui nija. Bada tä lä döcäo wei etäcö ajede jamö, *yai 7 bä lä culadi bä ma cui nija ca̦i. Ö̦jö bä nija ya nö bayeli nacaö, wamacö nofi ojodabobeje, wamacö bufi ca̦i yanöcömabobeje.

Apocalipsis 10:3

Ö̦jamö a culanö, öla a wa̦ nö lä quiliaö weinaja i̦cali a comöma. A comöö däjä, ya̦lu 7 bä a̦ nocalayoma.

Apocalipsis 11:19

Ö̦jö däjä, fedu jamö Yai Bada etä yafi yoca fa caloblalönö, cama etä yafi u̦eshi jamö Yai Bada a wa̦no oni lä didile defi ca damolaliyoma. Madula a ca̦i wacö blada bladamoma. Täbä a̦ bluca ca̦i mashiquiwä ji̦lioma. Ya̦lu a wa̦ ca̦i faö nö quiliama. Ulifi a ca̦i bada blösö blösömoma. Bleyula bä ca̦i nö bada blalölou nö quiliama.

Apocalipsis 3:1

Ya tä lä möno wei, abinaja a cuu nomöjöoma. —Bei. Sadi jamö, iba bä lä yododaö wei bä nija a lä läle a lä cui nija, wa etä a̦ ca̦i nia oni shömaö. Yai Bada etä a̦ juamobä ebä 7 yai lä cui, camiyänö ya ebä juwäbou. Shidicali 7 bä lä cui ya bä ca̦i showabou. Ö̦jö ya lä cui, wale wa̦no nia oniblaö. ’Iba Saditeli bä lä cuaaö wei ya tä daö. Bä mömou dodijidawä cudeenö bä a̦fa demi taö ma cujei bä demimi. Bä nomawä.

Apocalipsis 5:6

Ö̦jö däjä, Bada tä döcäobä etäcö ajede jamö, Oweja a wa̦fa ocalo lä jilou wei ya dalalema, yaitawä 4 täbä möamo jamö. Bada 24 bä lä yädäono wei bä fe fa̦yooma. Ö̦jö Oweja a wa̦fa ocalo lä jilou wei a lä cui, jai a shälemaje a mömou cuoma. 7 yo̦la bä cuoma. 7 mamo bä ca̦i. Ö̦jö bei mamo bänö, yai 7 täbä jömamoma. Yai Bada etä a̦ juamobä ebä 7 lä cui, bita jödödöwä a jamö bä lä shömöleno wei, ö̦jö bä yai cuoma.

Apocalipsis 8:5

Ö̦jö däjä, a̦jele a lä cuinö, acanafu täbä tablamobä tä madofi fa dälänö, Yai Bada nija täbä lä dodoblamou wei täbä maqueblamobä täcö jamö, acanafu bä wacö dälema. Acanafu täbä tablamobä tä madofi ja, wacöbä fe fa lajoblamalönö, bita jamö wacöbä shäyäblaquema. Ö̦jö däjä, ya̦lu a wa̦ faö nö quiliaö showadaoma. Bluca täbä a̦ ca̦i mashiquiwä ji̦lioma. Madula a ca̦i wacö blada bladamoma. Ulifi a nö ca̦i bada blösö blösömou quiliaö showadaoma.