Apocalipsis 4:10 - Biblia Yanowamö

¹⁰ Bada tä yai lä cui a cotä jamö, bä 24 lä yädäo wei bä möfe bada boblaaö. A nia cuo shi lä wa̦lii wei a wa̦fa ca̦i Bada doblao taöje. Ö̦jö däjä, olo bä lä yojobou wejei ebä fa jayualalöjenö, amowa täbä a̦ talajenö, Bada tä döcäobä etäcö cotä jamö ebä shäyäblaqueije. Abinaja bä amowabö a̦ cuu.

Apocalipsis 4:10 Iomraidhean Croise

Mateo 2:11

Ö̦jamö bä fa co̦blalunö, Maríanö bä ijilubö e ca̦i cuobä jamö, a ijilu dalalemaje. A fa dalalöjenö, mashita jamö bä möfe fa boolalunö, a wa̦fa Bada doblao tamaje. Ö̦jö däjä, bä ca̦i madofibö lä juno wejei, bä fa wawämalalöjenö, a dobämaje. Olo bä ma cui ja, täbä wa̦queshi ni cle̦deli lä u̦cucamamou wei täbä ma cui ja, fii defibä shuu nö lä cle̦deli wei defibä ca̦i shuu ma cui ja, ö̦jö täbä bluca ja, a dobämaje.

Lucas 24:52

Cama ebä möfe bolanö a wa̦fa Bada doblao taö juomaje. Ö̦jö däjä, Jelusale jamö, bä bufi doblalolanö bä co̦a co̦layoma.

1 Corintios 15:10

Yale bayeliblabä ya cuono ma mlai ma cui, yale nofi ojodadaö fe yadioma. Ö̦jö cudeenö ya nö wa̦lojoablalou. Jesucristonö bä lä shimöleno wei bä ma dodijaö wei ma cui, camiyä ya yai ojodamou fe balojoo. Ö̦jö ma cui, camiyä ya dodijaö tänö mlai, Yai Bada tänö yale bayeliblaö fa cuaanö, bei ya doblou fe yadio.

Apocalipsis 10:6

Boco fa yalejedalunö abinaja a cuma. —Ya wa̦ nö wäo cadidia lä cule. Tä demi cua shi̦ lä wa̦lile tä malä cule. Judu mösö tablalema, ö̦jamö täbä bluca lä culadi täbä ca̦i. Bita a ca̦i taa mö fedublalema, ö̦jamö täbä bluca lä cublai täbä ca̦i. Modu u ca̦i bada tablalema, ö̦jamö täbä bluca lä cubodi täbä ca̦i. Fei däjä a nö nia dadiomi.

Apocalipsis 11:16

Ö̦jö däjä Yai Bada tä ajede jamö, 24 bä bada döcäo lä yädäono wei bä lä cui, Yai Bada tä cotä jamö bä möfe fa boalunö a wa̦fa Bada doblao tamaje. Bada bä döcäobä täbä ja bä döcäo lä yädäono wei, ö̦jö bä cuoma.

Apocalipsis 15:4

Bada tä. Bluca täbä nija wa wa̦fa nö quili tamobä wa. Wa wa̦fa yai lojode tamobä wa. Cafä yami wa yaia malä ayale. Wa lä bejedimou wei tä damolaliyoma yalo, cafä nija bä möfe bolanö, bluca bä bälöblawä lä yaiblai bänö wa wa̦fa nia Bada doblao tayoluuje. Einaja bä amowabö a̦ cuma.

Apocalipsis 15:7

Ö̦jö däjä Yai Bada etäbä yaitawä 4 lä cuono wei ai a lä cuinö, ö̦jö a̦jele 7 bä nija, 7 toubä nashiwä befi ca̦i fe lajowä jöbäaquema. Toubä lä didiono wei, olo bä ja täbä cuoma. Ö̦jö toubä nashiwä lä cuinö, Yai Bada tä nö wa̦lowä lä jushuo wei tä jömamoma, tä cudia shi lä wa̦lile.

Apocalipsis 19:4

Ö̦jö däjä bada 24 bä lä cuinö, yaitawä 4 bä ca̦i lä cuinö, Yai Bada a döcäobä etäcö cotä jamö bä möfe bolanö, a lä döcäle a wa̦fa Bada doblao tamaje. Abinaja bä cuma. —Inaja lä tä cuobä. ¡Cafä wa nofi yai doamobä! —bä cuma.

Apocalipsis 4:2

Yedu, Yai Bada tä Bufinö wale lojodobolanö, Bada a lä döcäo wei etäcö jamö, ya fedu jamö döcäa dalalema. ¿Ö̦jö tawä?

Apocalipsis 4:4

Bada tä döcäobä etäcö ajede jamö, 24 ai ebä döcäo mö feduobä etäbä fe fa̦yooma. Ö̦jö täbä jamö bada 24 ebä döcäcäoma. Camishi au bä ja bä didioma. Olo bä ca̦i yojobomaje.

Apocalipsis 4:9

¿Ö̦jö tawä? Bada tä döcäobä etäcö jamö a lä döcäle, a nia cuo shi lä wa̦lii wei a wa̦fa doblao taöje. A nofi dodijidawä tabouje. Ö̦jö nija täbä bufi lä doblao wei tä a̦fa ca̦i wäyäöje. Inaja cama bä cuaalanö,

Apocalipsis 5:14

Yaitawä 4 bä lä cui, “¡Inaja lä tä cuobä!”, bä cuma. Bada 24 bä lä yädäono wei bä lä cui, mashita jamö bä möfe fa boalunö cäcöbö a̦fa Bada doblao ca̦i tamaje.

Apocalipsis 5:8

Si lä däleno wei däjä, Oweja a wa̦fa ocalo lä jilou wei a cotä jamö, yaitawä 4 täbä lä cui täbä möfe boblaquema. Bada 24 bä lä yädäono wei, inaja showawä. Ö̦jö bä bluca lä cuinö, amowa fibä showabomaje, bei fibä nata lä jubamou wei fibä lä cui. Olo bä ja täbä lä cui täbä ja, täbä nö wa̦queshi li̦yoli u̦cucamabeje täbä fe ca̦i lajowä didibomaje. Ö̦jö täbä lä cui, Yai Bada nija cama ebä nö bayeli lä nacao wei bä a̦ jömamobä bei täbä li cuoma.

Apocalipsis 7:11

Ö̦jö bä nija a̦jele bä fe bluca fa̦yooma. Bada tä döcäobä etäcö ma cui, bada 24 täbä lä yädäo wei täbä ma cui, yaitawä 4 täbä ma cui, ö̦jö bä bluca möamöo däjä, a̦jele bä ublajou fe fa̦yooma. Bada tä döcäobä etäcö ajede jamö bä möfe fa boalunö, Yai Bada a wa̦fa Bada doblao tamaje.