Apocalipsis 4:1 - Biblia Yanowamö

¹ Ö̦jö ya tä daa fa balölalönö, ai ya tä möö co̦oma. ¿Ö̦jö tawä? Fedu jamö ya yoca caloa dalalema. Amowa fibä jolaöje däjä fibä a̦ nacläaö lä culenaja, ya wa̦ jaba lä ji̦lileno wei a lä cui, abinaja a cuma. —Jabo. Fäyämö a da juoquibiyolu. Obi tä nia lä cublou wei, cafä nija ya tä wawämabä —a cuma.

Apocalipsis 4:1 Iomraidhean Croise

Éxodo 1:1

Ejido jamö Jacobonö bei ijilubö ebä ca̦i waloaliyoma, Isaeli a wa̦fa ca̦i lä cuono wei a lä cuinö. Bei ijilubö ebänö cama ebä ca̦i waloa mö fedua showaquemaje. Isaeli bei ijilubö ebä lä waloaliyono wei, abinaja ebä a̦fa cuoma.

Éxodo 19:24

Abinaja Jeobaa a cuma. —Bei. A da itolufälö. Aaloni sho wafäcö dolecou co̦imabä. Ö̦jö ma cui, ai täbä jayuama dijä. Nofi bäyäalewä bä ma cui, bluca täbä lä bälöle täbä ma cui, Jeobaa ya lä cule jamö bä dolecoimabä wa bä nia jayublamaimi, ya bä nö bleaamaö mlaobä —a Jeobaa cuma.

Éxodo 24:12

Abinaja Jeobaa a cuma, Moisesi nija. —Ei bei macö jamö wa duo fa co̦imanö, camiyä nija a da cuboyo. Maa bolacabö macöbö oni ja, bäfä nia dobäö. Ya tä tamaö lä bufii wei, ö̦jö maa macö ja ya tä a̦ bluca oniblaö waiquia lä cule. Ö̦jö tä a̦ ja bä moyawäobä, ya tä a̦ oniblalema —a cuma.

Mateo 3:16

Jesús a fe fa ojoblamolunö, lobe a washölöblou co̦o däjä, judu mösö ca jolablalejelayoma. Mösö ca fa jolablalujulunö, Yai Bada a Bufi, jai joledo a cuwä, Jesúsnö a itou dalalema. Cama nija a loquema.

Marcos 1:10

A fe fa ojoblamolunö a washölöblou co̦o däjä, lobe judu mösö ca jolaa dalalema. Yai Bada a Bufi, jai joledo a cuwä, a itou ca̦i daa showaadalalema.

Lucas 3:21

Juan a fe lao showao mlao däjä, bluca bä fe lä ojomano wei däjä, Jesús a ma cui a fe ca̦i ojoblamolayoma. A fe fa ojoblamolunö, Yai Bada nija a wa̦ faö showao däjä, judu mösö ca jolablaliyoma. Mösö ca fa jolablalunö,

Juan 16:13

Yai Bada tä Bufi waloyoluu däjä, bejedi tä a̦ jamö wamacö nia lulubou. Cama Bayeliawä a bufi lä cuu weinaja, a wa̦ nia faö bädaomi. Fayä nija tä a̦ bluca lä ji̦liaö wei tä a̦ nia yai wäyäö. Tä nia lä cublou wei, cafä wamacö nija tä a̦ nia ca̦i bluca wäwämaö.

Hechos 10:11

Tä fa mödalönö, judu mösö ca jolaa dalalema. Ö̦jamö lä, jai acadafu sicö bada cuwä, tä itolayoma. Sicö casö jududuoma. Sicö fa itoimadunö, mashita jamö sicö blaaliyoma.

Hechos 7:56

Ö̦jö tä fa dalalönö, abinaja Esteban a cuma. —Bei. ¡Quiji tä da möje! Judu mösö ca fa jolablalunö, Yai Bada jayu boco mashi jamö, a lä yanowamöblaleyoluno wei bei ya ublaa dablaö lä cule —a cuma.

Apocalipsis 1:10

Bada tä Jesucristo ebä yododabä tä mö jalu ja, Yai Bada tä Bufinö wale lojodobolanö, bei ya mabucabö jamö ya wa̦ ji̦lia mö talema. Amowa fibä jolaöje däjä fibä a̦ nacläaö lä cuaaö weinaja a wa̦ nacli cuoma.

Apocalipsis 1:12

Ö̦jö däjä, a wa̦ lä fale ya nia fa dablanö ya mö femijiblaliyoma. Ya mö fa femijiblalunö, cowa wacöbä shi̦i cublamobä 7 ya täbä dalalema, olo bä ja täbä lä cui.

Apocalipsis 1:19

’Bei. Wa täbä lä möö wei tä da oniblalö. Fei däjä tä lä cublole tä ma cui, tä nia obi lä cublou wei tä ma cui, ö̦jö tä bluca da oniblalö.

Apocalipsis 11:12

Ö̦jö däjä fedu jamö a wa̦ i̦cali ji̦libölema. —Cäcöbö da jabo. Äyämö cäcöbö da ösöima —a cuma. Ö̦jö däjä cäcöbö nofi lä wa̦libono wejei bä mamo mötale ja, cäcöbö ösölayoma, ölajashi a bada jamö.

Apocalipsis 11:19

Ö̦jö däjä, fedu jamö Yai Bada etä yafi yoca fa caloblalönö, cama etä yafi u̦eshi jamö Yai Bada a wa̦no oni lä didile defi ca damolaliyoma. Madula a ca̦i wacö blada bladamoma. Täbä a̦ bluca ca̦i mashiquiwä ji̦lioma. Ya̦lu a wa̦ ca̦i faö nö quiliama. Ulifi a ca̦i bada blösö blösömoma. Bleyula bä ca̦i nö bada blalölou nö quiliama.

Apocalipsis 16:17

Ö̦jö däjä a̦jele jödödö a lä cuinö, toubä däa fa ösöjödalönö toubä löblalema. Toubä fa löblalönö, fedu jamö Yai Bada etä yano yai nowamaö lä dodijio wejei jamö ya wa̦ i̦cali ji̦lilema, Bada tä döcäobä etäcö ajede jamö. Abinaja a cuma. —Ö̦jö cä lä waiquiwä —a cuma.

Apocalipsis 19:11

Ö̦jö däjä ya mamo showao däjä, fedu jamö judu mösö caloblaliyoma. ¿Ö̦jö tawä? Mösö fa caloblalunö, cabayo au ya dalalema. Ö̦ja a lä döcäono wei a lä cui, Tä a̦fa bejedi wäyäö lä shalilio wei, bei a wa̦fa cua. Täbä dobloimi jömaö ja a wa̦ cadidou showadao. A bejedimolanö a ishou.

Apocalipsis 22:6

Abinaja camiyä nija a ca̦i cuma. —Ei wa tä a̦ bluca lä ji̦liläfe tä a̦ nofi mölabobeje tä a̦. Tä a̦ bluca bejedi. Bada tä lä cuinö, a wa̦ lä juaö wejei ebä moyawämabä etä a̦jele shömöledayoma, cama a Bufinö a wa̦no wäyälewä bä nö lä wa̦lojomabou wei a showawä lä cuinö. Tä nia lä cublou wei, tä nö dedejeblou mlai ja tä nia wawäblou.