Apocalipsis 3:11 - Biblia Yanowamö

¹¹ ’Lobe ya nia juu co̦o —a cuma—. Ya waloo showao mlao däjä, bä bejedimou lä waiquio wei tä nofi cadidibou lojodoo showaobeje, camä bä nija ya tä nia lä jöbäö wei tä däaö cadidiobeje. Bä nia doblamaö lä mlajei, bä malä läle. ¿Ö̦jö tawä? Liyäjäwä täcö yojobobeje, iba ya bä nia dobäö.

Apocalipsis 3:11 Iomraidhean Croise

1 Corintios 9:25

Bä wabayou bufi lä doblao wei bä nö nia wa̦lojaö fa ayaonö, täbä lä ujudamaö wei tä ja, täbä noshi umlao si ijejewä. Yanowamö täbä lija bä nia fa dobämonö, bä noshi umlao. Tä nowa cudio ma mlai lä tä ma cui ja, bä fe nia fa yojoonö bä wasömou. Camiyä bämacö lä cui, Yai Bada lija ba̦limi tä ja bämacö dobämobä, bei bämacö yai wasömou yaiobä.

Filipenses 4:5

Dodijidawä bä ca̦i da cuoje. Showadi wamacö a̦ lä oquedio wei tä dablamobä. Bada a fuu malä ajedei.

2 Timoteo 2:5

Inaja showawä, bä lofote wabayobä jamö ma cui, “Ei a shi̦lo yai lofote”, bada bä nia cuu si ijejeomi. Tä nabä yai lä shimamou wei jamö a cadidoimi ja, a wa̦fa nia wäamoimi. Camiyä bämacö ma cui, bämacö cadidoimi ja bämacö nia dobämoimi.

2 Timoteo 4:8

Ö̦jö cudeenö, Bada tä lä cui, showadi ya bufi doblamabou yalo, wale nia lä dobädayou wei tä tabou waiquia lä culadi. Täbä jimaö lä cadidio wei, ö̦jö a. Yai Bada tänö täbä jimabä etä cublou däjä, wale nia dobädayou. Camiyä bädawä mlai, bufi shi jalimolanö a itou nö lä dabolajei bä bluca ma cui, ö̦jö bä nia ca̦i bluca dobäö mö feduo.

Santiago 1:12

Bä bufi ma wabamou wei ma cui, bä nö wa̦lojaö fe lä yadio wei bä lä cui bä bufi nia doblalou. Dodijidawä bä cua fe yadia cudeenö, Yai Badanö bä nia malä ba̦limiblamaö wei. ¿Ö̦jö tawä? A wa̦ nö wäa waiquiquema. A lä nofimaö wejei bä nia ba̦limiblamaö.

Santiago 5:9

Wamacö bufi jushuolanö ai wama bä a̦fa wayoaö mlai, iba wamacö, wamacö jömamou dicoo mlaobä. ¿Ö̦jö tawä? Täbä nia bluca lä jömaö wei a lä cui, yoca lä jolele jamö a icuo ajedeo waiquia lä cule.

Apocalipsis 1:3

Jesucristo ebä yododabä jamö, ei tä a̦ wawädowä lä doaö wei a lä cui, a bufi nia doblalou. Tä a̦ fa ji̦liläjenö, tä a̦ nofi yai lä cadidibou wejei bä lä cui, ö̦jö bä bufi ca̦i nia doblalou mö feduo. Tä nia lä cublou wei, tä nö dedei mlai ja tä nia malä wawäö wei.

Apocalipsis 16:15

Abinaja Jesús a malä cuno wei. —Bei. Shomi bä madofibö lä lämaö wejei bä ja̦toblou lä culenaja, inaja showawä camiyä ya nia cublou. ¿Ö̦jö tawä? Shinoco bä dablamou mlaobä, bä nia lä didio wei bä camishi ajedebolajenö bä la̦a lä showale bä lä cui, ö̦jö bä bufi nia shino doblalou, wale nö lä dabou wejei bä lä cui —a cuma.

Apocalipsis 2:10

’Iba bä nö nia lä bleaamaö wejei tä ja, bä quilii mlai bä cuobä —a cuma—. Tä nö dedei mlai ja, fecula bada a lä cuinö, iba ai bä fe nia lamabou, bä bluca wabamobä. Bä nö nia bleaamaö nö dedejedouje. Bä lä bejedimou wei tä nowa ja, bä shäbeje tä ma cublou däjä ma cui, bä bejedimou fe yadiobä. Bä bejedimou fe yadio ja, ya bä nia dobäö. Liyäjäwä täcö yojobobeje ya bä nia dobäö. Ba̦limi bä cuobä ya tä nia jöbäaö.

Apocalipsis 2:13

Sadanasi a bälöo lä dodijio wei jamö, iba Becamoteli bä bälöa, fecula bada a lä döcäo wei etäcö lä cule jamö. Ö̦jamö ya bä bälöa nofi jaducubou. Wale a̦ cadidibou lojodoa fe yadiaje. Ö̦jamö lä wale a̦fa wäyäö lä shaliliono wei a shälemaje, Sadanasi a lä bälöle jamö. A ma shäleno wejei ma cui, iba bä lä cuinö wale nofi mölabou fe yadio showaomaje. A lä shäleno wejei a lä cui, Adiba a wa̦fa cuoma. Showadi a bejedimoma.

Apocalipsis 2:25

Abinaja bä shino cuaabä. Ya waloo showao mlao däjä, bä bejedimou lä waiquio wei tä lä cui, ö̦jö tä shino yai cadidibou lojodoo showaobeje.

Apocalipsis 22:12

’¿Ö̦jö tawä? —Jesús a cuma—. Tä nö dedei showao mlao däjä ya nia juu co̦o. Ya täbä dobäbä, ya täbä ca̦i nia juu. Bä lä cuaano wei tä nowa ja, bluca ya bä nia dobäö.

Apocalipsis 22:20

Abinaja Jesús a cuma, ei täbä a̦ bluca lä wawämale a lä cui. —Ya nia juu co̦o jaödao —a cuma. —Awei, Bada tä Jesús —ya e cuma. —Wa juu co̦obä lä. ¡Inaja lä tä cuobä!

Apocalipsis 22:7

¿Ö̦jö tawä? Tä nö dedejeblou mlai ja ya nia juu co̦o —a cuma. Tä nia lä cublou wei, ei si jamö tä a̦ bluca oni cua. Ö̦jö tä a̦ oni nofi lä jaducubou wejei bä lä cui, bä bufi nia yai doblalou.

Apocalipsis 3:3

Tä a̦ lä däleno wejei tä a̦ nofi yai jaducubobeje, ö̦jö lä, tä a̦ lä ji̦lileno wejei tä a̦ showawä lä cui. Tä a̦ nofi jaducubolajenö bä bufi mö yai yabajadobä. Bä la̦ö bufiomi dicoo ja, yedu ya bä nabä nia waloo, täbä tomömobä täbä ja̦tomou lä culenaja showawä.

Apocalipsis 4:10

Bada tä yai lä cui a cotä jamö, bä 24 lä yädäo wei bä möfe bada boblaaö. A nia cuo shi lä wa̦lii wei a wa̦fa ca̦i Bada doblao taöje. Ö̦jö däjä, olo bä lä yojobou wejei ebä fa jayualalöjenö, amowa täbä a̦ talajenö, Bada tä döcäobä etäcö cotä jamö ebä shäyäblaqueije. Abinaja bä amowabö a̦ cuu.

Apocalipsis 4:4

Bada tä döcäobä etäcö ajede jamö, 24 ai ebä döcäo mö feduobä etäbä fe fa̦yooma. Ö̦jö täbä jamö bada 24 ebä döcäcäoma. Camishi au bä ja bä didioma. Olo bä ca̦i yojobomaje.