Apocalipsis 3:10 - Biblia Yanowamö

¹⁰ ¿Ö̦jö tawä? Iba bä nö wa̦lojaö fe yadioma, ya bä nowa lä tano weinaja showawä. Ö̦jö cudeenö, bita jamö yanowamö täbä bluca lä bälöblai bä wabamobä tä cublou däjä, bä nö nia yai lä bleaaö wei däjä, iba bä lä cui ya bä nia lojodomabou fe yadio.

Apocalipsis 3:10 Iomraidhean Croise

Mateo 24:14

’Yai Bada tänö cama ebä ca̦i nia lä cuo wei tä a̦ lä cui, bita jödödöwä a jamö tä a̦ nia wäyämamou blaucou cuaaö —a cuma—. Täbä jödödöwä bälöjöwä lä yaiblai täbä yömölamou cuaaö balöono wei ja, Yai Bada tänö täbä nia jödödöwä waicaö.

Mateo 26:41

Bä nö shino da daicu. Yai Bada nija bä nö ca̦i bayeli da nacao, Sadanasinö wamacö yabäcäblaö däjä, wama a wa̦ juaö yacläo dicoo mlaobä. Wamacö cadidou bufi ma doblao wei ma cui, wamacö ujuduu si ijejewä waiquiwä—Jesús e cuma.

Mateo 6:13

Yamacö nö doblobö lä mlai jamö, yamalecö ca̦i da wasö. Tä lä wa̦lidii tä ja, yamalecö da nowamöbo.” Einaja Yai Bada nija wamacö cubä.

Marcos 14:9

Cafä wamacö nija ei ya wa̦ lä cui, bejedi lä ya wa̦. Jödödöwä tä jamö ma cui, iba dodijidawä tä a̦ wäyämamou cuaabä jamö, ei a suwänö wale fe lä löblalöfe tä a̦fa nia ca̦i wäyämamou cuaaö mö feduo, a lä dodijano wei, tä nofi jaducubou nodiablalobeje —bä nowa tama.

Lucas 2:1

Juan a oshe cuo showao däjä, Lomateli Aucuto a bada nosiemoma, cama bluca ebä lä bälöblai ebä a̦fa oniblamabeje.

Juan 17:6

’Fabe —a cuma—. Ei bita jamö afä wa bä lä tabono wei, camiyä nija wa bä jöböbema. Wa bä lä jöböbeno wei bä nija, cafä bäfä damalalema. Wa wa̦ nofi cadidibouje.

Romanos 1:8

Abenaja ya cuu balöo. Jesucristo wama a nofi lä mölabou wei wamacö a̦fa ji̦limou blaucou cuaaö cudi. Ö̦jö cudeenö ya bufi doblalou. Jesucristo a wa̦nö, Yai Bada ya lä bufiblaö wei lija ya bufi a̦fa doblalou wäyämou talei.

1 Corintios 10:13

Wamacö bufi lä wabamou wei tä ja, wamacö bufi wedinajamou mlai. Showadi täbä yanowamö bufi wabamou lä cuaaö weinaja wamacö wabamou cuaaö showawä. Ö̦jö ma cui Yai Bada wama a nofi mölabou showaobä cätä. Wamacö nö bleaamaö mlaicätä. Wamacö bufi ma wabamou wei ma cui wamacö nia bayeliblaö showao, wamacö nö wa̦lojaö fe yadiobä.

Efesios 6:13

Ö̦jö cudeenö, Yai Bada lija wama tä bayeli fa dälänö bä da nowamöo, tä wa̦lidiblou däjä wamacö nö yai wa̦lojaö fe yadiobä. ¿Ö̦jö tawä? Wamacö nö wa̦lojalanö, wamacö ublao lofotoo showaobä.

2 Timoteo 2:12

Bämacö nö wa̦lojaö fe yadio ja, ö̦jö lä showawänö bämalecö nia ca̦i bada läo. Bäma a nofi mojodubou dicoo ja, camiyä bämacö ma cui, bämalecö nofi nia mojodubou mö feduo.

Santiago 3:12

¿Ico fibä jamö oliba mabä nia lalou daanö? Ma, iba wamacö. Nii cama cäcö nia yaio, cäcö nia majöbloimi. Uba totobä jamö ma cui, ico bä ca̦i nia faimi. Inaja showawä, u mosidiwä waiquiwä ja, dodijidawä u nia jiqueamoimi.

1 Pedro 4:12

Iba bämacö lä nofimaö wei wamacö. Wamacö nö lä bleaamaö wejei tä ja, bä bufi shädayaimou fe balojoo dijä. Tä shomimi. Inaja bämacö taamamobä bämacö waiquiwä. Bämacö bufi wabamobä cätä.

2 Pedro 2:9

bämacö bufi da dayäo, bämacö bufi jaducublobä. Inaja showawä, fei däjä ma cui a bufi lä doblamabou wejei bä wabamou däjä, bä noshi ca̦i umabou daö dodijiwä. ¿Ö̦jö tawä? Bä cadidou lä mlai bä lä cui, ö̦jö bä nö ca̦i bleaamaö daö. Bä nö bleaamabä, ö̦jö lä a waiquiwä. Inaja showadi bä nia taamaö. Täbä bluca jömabä etä cublou showao mlao däjä, fei däjä ma cui bä nö nia bleaamaö balöo. Ö̦jö däjä, bä nia lä jömadayou wei däjä bä nö nia yai bleaamaö shi wa̦lii.

Apocalipsis 1:9

Camiyä Juan ya lä cui camiyä bämacö bluca. Jesucristo a nowa ja wamacö nö bleaamaö lä culajeinaja, inaja showawä camiyä yale nö ca̦i bleaamaö mö feduaje. Jesucristo a bälöa dodijiqueyoluu däjä, cafä wamacö nia lä cuo weinaja camiyä ya nia ca̦i cuo mö feduo. Ö̦jö wama a nö dabolanö wamacö nö wa̦lojaö fe lä yadio weinaja, camiyä ya nö ca̦i wa̦lojaö cuo mö feduo talei. ¿Ö̦jö tawä? Yai Bada ya etä a̦ wäyäö nofi jushuaö yalo, Jesucristonö tä a̦ lä wawämano wei ya etä a̦ ca̦i wayoablalaö fe yadia cudeenö, Bamo tä ulifi lä jo̦cole jamö wale shi wa̦limaquemaje.

Apocalipsis 11:10

Cäcöbö shälei ja, bita jamö täbä lä bälöblai bä bufi nia bluca doblalou. Bä shi nia jaliblalou. Bä nia dobäyou. Yai Bada a wa̦no wäyälewä cäcöbö lä cuinö, bä nö bleaamaböma cudeenö bä bufi nia yai doblalou.

Apocalipsis 13:10

A o̦cama öböbobeje a waiquiwä ja, a nia o̦cama öböbouje. Sibala namo mö feduduwä anö a shämobä a waiquiwä ja, sibalanö a nia shämou. ¿Ö̦jö tawä? Yai Bada ebä bejedimolanö ebä nö wa̦lojaö fe yadiobä bä li.

Apocalipsis 13:14

A lojodoablalobä a dobämolayoma cudeenö, yalo waiteli a jaba lä cuono wei jamö a culanö, tä nö lä quilijii tä bluca wawämaö. Ö̦jö tänö, bita jamö bä yanowamö lä bälöblai bä mölamaö. Yalo a waiteli jaba lä wawälayono wei a nö idubö tablabeje bä nosiemaö, sibala a namo mö feduduwänö a fa shämolunö, a demia co̦a fe lä yadilayono wei a lä cui.

Apocalipsis 13:8

¿Ö̦jö tawä? Bita jamö bä yanowamö bluca lä cublai bä lä cui, ö̦jö nija bä möfe bolanö a wa̦fa nia bada doblao taöje. Bä nia ba̦limi lä cudio wei, Yai Bada tänö bä a̦fa lä onibole si ja bä a̦fa lä cule, ö̦jö bä lä cui bä nö bayeli nia shino nacaomi ayao. Ulifi a tablamou showao mlao däjä, ö̦jö bä a̦fa bluca tabou showadaoma. Ö̦jö si lä cui, Oweja a wa̦fa ocalo lä jilamou wei, ö̦jö esi li oni, a lä shämono wei a lä cui.

Apocalipsis 14:12

¿Ö̦jö tawä? Yai Bada ebä lä cui, bä nö wa̦lojaö fe yadiobä, ö̦jö lä. Ö̦jö bä lä cuinö, Yai Bada tänö tä tamaö lä bufii wei tä a̦ nofi cadidibouje. Jesús a nofi mölabou fe yadioje.

Apocalipsis 14:6

Ö̦jö däjä ösö jamö a̦jele ai ya yäö dalalema. Bita jamö täbä jödödöwä lä bälöblai bä yömölabä, tä a̦ lä dodijidai tä a̦ ca̦i juma, täbä lä ba̦limiblamaö wei tä a̦ showawä lä cui. ¿Ö̦jö tawä? Bluca täbä yaiablalou lä nodiaö wei bä ma cui, bluca täbä caficö a̦ lä bou wejei bä ma cui, bluca täbä shomi lä bälöblai bä ma cui, ö̦jö bluca täbä bälöblawä lä yaiblai bä nia jödödöwä yömölaö cuaama.

Apocalipsis 16:14

Fecula bada ebä malä cuono wei. ¿Ö̦jö tawä? Fecula bada a mayo dablamabeje, tä nö lä quilijii tä ca̦i bluca wawämamaje. Ö̦jö bä fecula lä cuinö, bada jödödöwä bä lä bälöblai bä co̦ablaö cuaamaje. Yai Bada tä nö shino lä wa̦lojole a lä cuinö, täbä yanowamö yai jömaö lä bufio wei tä mö jalu däjä bä shäyobä.

Apocalipsis 17:2

Ö̦jö bä nija, bada bä bluca lä bälöblai bä joleblaloma. Uba nashiwä toubänö täbä shi wa̦limaö lä cuaaö wejeinaja, bä lä joleblalono wei tänö yanowamö täbä shi bluca wa̦li cuwä —wale nowa tama.

Apocalipsis 17:8

Yalo wa waiteli lä dalalufe, a demi cuoma ma cui a nomalayoma. A mö nia yai lä watäaö wei jamö a jubä, täca fe jolocoa lä mlabodi jamö a nia faö co̦o. ¿Ö̦jö tawä? A ma cuono wei ma cui, fei däjä a cuami nomöjöwä. A cua ma mlai a nia wawäa co̦layou. Ö̦jö cudeenö bita jamö bä yanowamö lä cublai bä bufi nia shädayaimou, ba̦limi bä cudiobä Yai Bada tänö bä a̦fa lä onibole si ja, bä a̦fa oni cua lä mlai. Ulifi a tablamou showao mlao däjä, bä a̦fa oni cuo showadao lä mlaono wei bä lä cui —wale nowa tama.

Apocalipsis 2:10

’Iba bä nö nia lä bleaamaö wejei tä ja, bä quilii mlai bä cuobä —a cuma—. Tä nö dedei mlai ja, fecula bada a lä cuinö, iba ai bä fe nia lamabou, bä bluca wabamobä. Bä nö nia bleaamaö nö dedejedouje. Bä lä bejedimou wei tä nowa ja, bä shäbeje tä ma cublou däjä ma cui, bä bejedimou fe yadiobä. Bä bejedimou fe yadio ja, ya bä nia dobäö. Liyäjäwä täcö yojobobeje ya bä nia dobäö. Ba̦limi bä cuobä ya tä nia jöbäaö.

Apocalipsis 3:8

’Iba Filadefiateli bä lä cuaaö wei ya tä daö. Bä a̦fa lojode wäyäö lä mlajei, ya bä a̦ ca̦i daö. Ö̦jö ma cui, wale a̦ nofi cadidibouje. Wale a̦ nofi ca̦i jole mojoduboimije. ¿Ö̦jö tawä? Ö̦jö bä mö lä yaile jamö, ya yoca calobou lä cule, yoca laaö dao lä mlajei.

Apocalipsis 6:10

Bä a̦ i̦cali faö ja abinaja bä cuma. —Cafä Bada wa shino yai Bada lä ayai, yami wa yaia. Wa lä bejedimou wei wa. ¡Fei däjä showadawä! Bita jamö bä yanowamö lä cublai wa bä dobloimi fa jömanö, yamalecö i̦yäbö nowa da co̦lä —bä cuma.

Apocalipsis 8:13

Ö̦jö däjä ya möö fa nonoicunö, mojomö ya wa̦ ji̦lilema. Ösö jamö a yälanö abinaja a cuma. —¡Nö bleaabä cätä! ¡Nö bleaabä cätä! ¡Nö bleaabä cätä! A̦jele ai bä 3 lä cuinö, amowa fibä jolaöje däjä, bita jamö bä yanowamö lä bälöblai, bejedi lä bä nö nia bleaaö —mojomö a cuma.