Apocalipsis 2:7 - Biblia Yanowamö

⁷ ’¿Ö̦jö tawä? —a cuma—. Bä yömöcacö lä walalai bä yömöca dao dodijiobä, Yai Bada tä Bufinö iba bä lä yododoblai bä nowa lä taö wei tä a̦ ji̦liabeje. Bä nö shino wa̦lojaö lä ayao wei ya bä nia doblamabou. Yai Bada etä ca jamö, ba̦limiblamodima defi lä ublale defi ja, bä nia iyaö —a cuma.

Apocalipsis 2:7 Iomraidhean Croise

Génesis 2:9

Ö̦jö täca jamö, Jeobaa a lä bufiblamou wei a lä cuinö, defibä bluca famalalema. Defibä lä liyäjei defibä ca̦i, defibä nö lä nijiaö wei defibä bluca ca̦i famalalema. Täbä demi cuo shi wa̦libä, möamo täca jamö, ba̦limiblamodima defi ca̦i famalema. Nö wa̦lidiwä ö̦jöböamodima defi ca̦i mö feduwä showawä.

Proverbios 3:18

Bufi jaducäwä tä lä cui ja, bä bufi mö lä blucao wei bä lä cui, bä dodijidawä cuo shi wa̦libä tä tabouje. Bufi jaducäwä tä lä lofotobolajei bä lä cui, bä bufi a̦fa doblalou taöje.

Mateo 11:15

Wamacö yömöcacö lä walalai, bä yömöca daa da dodijiicu.

Mateo 13:43

Ö̦jö däjä, bä lä cadidou wei bä lä cui, Fayänö bä nia ca̦i lä cuo wei jamö, bä nia dodijaö dablamou, motoca a wawädowä lä dablamou weinaja showawä. Wamacö yömöcacö lä walalai, bä yömöca daa da dodijiicu.

Mateo 13:9

’¿Ö̦jö tawä? —a cuma—. Wamacö yömöcacö lä walalai, bä yömöca daa da dodijiicu.

Marcos 4:9

’¿Ö̦jö tawä? —a cuma—. Wamacö yömöcacö lä walalai, bä yömöca daa da dodijiicu.

Marcos 7:15

Täbä lä waö wejei täbänö täbä bufi shamiblou daomi. ¿Ö̦jö tawä? Täbä lä cublai täbänö mlai, bei täbä bufi jamö tä lä didilenö, ö̦jö tänö täbä bufi yai shamiblamou —bä nowa tama.

Marcos 7:16

Ö̦jö däjä, täbä lä co̦camono wei täbä fa dacöfälönö, yafi jamö a lucäa fa co̦lunö, cama ebä lä nocamabono wei bä ajedeblaleyoluma. A wa̦ faö lä yacläablalono wei, tä a̦ ji̦liaö cadidio fa mlacujenö, tä a̦ wa̦limaje.

Lucas 23:43

Abinaja Jesús a cuu mö feduoma. —Cafä nija ei ya wa̦ lä cui, bejedi lä ya wa̦. Fei däjä showadawä, camiyänö fedu jamö bäfä ca̦i cuodayou wä —a cuma.

Lucas 8:8

Mashita a lä dodijidai jamö ai mobä fa blälälalunö, mobä caua fa liyäjälalunö mosibä badalayoma. Ai mosibä jamö, moli mosi ma cui ja, 100 mobä cublou majölayoma. ’¿Ö̦jö tawä? —a i̦cali cuma—. Wamacö yömöcacö lä walalai, bä yömöca daa da dodijiicu.

Juan 16:33

Camiyä nija wamacö culanö, wamacö bufi yanöcöo fe yadiobä ya wa̦. Bita jamö wamacö cua showalanö, wamacö nö nia ma bleaamaö wejei ma cui, bä bufi nö da wa̦lojoicu. Bita jamö a lä nosiemou wei a nija ya nö wa̦loblou waiquilayoma —a cuma.

1 Corintios 2:10

camiyä bämacö lija Yai Bada tä Bufinö tä wawäblamalema. Tä daö nö malä mlale. Yai Bada a bufi cuablalou lä ja̦too wei tä ma cui, tä ca̦i daö. ¿Ö̦jö tawä? Einaja tä a̦ cuu.

2 Corintios 12:4

Ö̦jamö ya culanö, tä a̦ wäyämamou dao lä mlai, ya tä a̦ yai bluca ji̦liledayoma. Yanowamö bämacö caficönö, bäma tä a̦ jayumaö dao lä mlai.

1 Juan 2:13

Bada wamacö. Yai Bada a sho cäcöbö cuo lä balöono wei a lä cui wama a daö cudeenö, cafä wamacö nija ya tä a̦ oni shömaö mö fedua. Fiya wamacö. Fecula bada a yai lä wa̦lidii a lä cui nija wamacö nö wa̦lojaö waiquia yalo, cafä wamacö nija ya tä a̦ oni ca̦i shömaö mö fedua. Oshe wamacö. Yai Bada nija bämacö lä Fö̦ömou wei wama a fei däjä daö yalo, cafä wamacö ma cui nija ya tä a̦ ca̦i shömaö mö fedua.

Apocalipsis 13:9

Bä yömöcacö lä walalai bä yömöca dao dodijiobä.

Apocalipsis 14:13

Ö̦jö däjä, fedu jamö ai ya wa̦ ca̦i bada ji̦lilema. Abinaja wale nowa tama. —Ei ya̦ wa lä cui, tä a̦ da onicö. Bada tä Jesucristo nija bä yädäo yalo bä shäöje ja, fei däjä bä bufi nia yai doblalou —wale nowa tama. Yai Bada tä a̦ Bufi faö ja, abinaja a cuma. —Bä bufi doblalobä lä. Bejedi lä. Bä nö nia bleaaö co̦daaimi. Bä lä dodijaö wei bä nö nia ö̦jöböamou malä showaodayou wei —a cuma.

Apocalipsis 15:2

Ö̦jö däjä, jai modu u cuwä ya tä si bada flacajawä blaa dalalema. Tä mömou walalaoma. Jai cowa wacöbä coyocowä tä mömou ca̦i cuoma. Ö̦jö modu u lä walalaono wei u casö jamö, yanowamö ya bä ublajaa dalalema. Yai Bada amowä e fibä showabomaje, bei fibä nata lä jubamou wei fibä lä cui. Yalo a waiteli jaba lä cui a nö ca̦i idubö lä cule, ö̦jö nija bä nö wa̦lojaö lä ayaono wei bä li cuoma, bei a wa̦fa número onibono lä mlajei.

Apocalipsis 2:11

’Bä yömöcacö lä walalai bä yömöca dao dodijiobä, Yai Bada tä Bufinö iba bä lä yododoblai bä nowa lä taö wei tä a̦ ji̦liabeje. Bä nö wa̦lojaö lä ayao wei ya bä nia nowamaö. *Täbä nomablou lä co̦o wei tä ja, ö̦jö bä nö nia bleaaimi —a cuma.

Apocalipsis 2:17

’Bä yömöcacö lä walalai bä yömöca dao dodijiobä —a cuma—. Yai Bada tä Bufinö iba bä lä yododoblai bä nowa lä taö wei tä a̦ ji̦liabeje. Bä nö wa̦lojaö lä ayao wei bä lä cui, ya bä nia iyamaö, nii manaa bä lä jo̦yale bä ja. Maa au ya mabä nia ca̦i oni jöbäö. Dude a wa̦fa ca̦i lä onile, ya mabä nia jöbäö, a wa̦fa daö lä mlajei. Mabä lä däaö wejei bä lä cuinö a wa̦fa nia shino daöje.

Apocalipsis 21:7

Bä nö wa̦lojaö lä ayao wei bä lä cui, dodijidawä bä cuobä ya bä nia dobäö. Cama bä nija ya nia bufiblamou. Ya bä nofi nia ijiluaö.

Apocalipsis 22:14

Bä camishibö lä yaluu wejei bä lä cui, bä aublou cudeenö bä bufi nia yai doblalou. Inaja bä cuaaö yalo, Jelusale a shabono dude jamö bä li fablaabä bä li, bei yocabä lä cublai jamö. Ba̦limiblamodima fibä ja bä iyabä.

Apocalipsis 22:17

Yai Bada tä Bufi a̦ faö. Oweja a wa̦fa ocalo lä jilamou wei bä suwäbö e a̦ ca̦i faö. Abinaja cäcöbö cuu. —¡Bä da jabo! —cäcöbö cuu. Ei wama tä a̦ lä ji̦lile wamacö ma cui, wamacö a̦ ca̦i fabä. —¡Bä da jabo! —wamacö cubä. Bä lä amishaö wei bä lä cui bä juimabä, ö̦jö lä. Bä lä bufio wei bä lä cuinö, no mlai ja ba̦limiblamodima u coayolubeje.

Apocalipsis 22:2

Ö̦jö tä shabono ja bä lä jublaaö wei yo bada möamo jamö u caläma. Ai u mashi casö jamö, ai u mashi mö feduwä jamö, ba̦limiblamamodima fibä ublaoma. Belibo a loo lä co̦le däjä ma cui, ai a loo lä co̦le jamö ma cui, ai a ja ma cui, showadi bä nii lalou nosi blacäcodima. Ö̦jö fi jenabänö, bluca bä bälöblawä lä yaiblai bä jalomamobä jenabä li cuoma.