Apocalipsis 2:5 - Biblia Yanowamö

⁵ ’¿Ö̦jö tawä? —a cuu co̦oma—. Bä jaba lä nofimayono wei tä nofi fa jaducubojenö, bä bufi mö yabajadou co̦obä, ö̦jö lä. Bä jaba lä cuaano weinaja, inaja bä cuaaö co̦obä. Inaja bä cuaaimi ja, bä bufi mö ca̦i yabajadou co̦omi ja, ya bä nabä nia waloyoluu. Cama cowa wacöbä shi̦i cublamobä etä lä i̦tale, ya etä nia co̦aö.

Apocalipsis 2:5 Iomraidhean Croise

Mateo 5:14

Abinaja Jesús e cuma. —Bita jamö täbä bluca lä bälöblai wama täbä wacacamabobä wamacö shi̦i, Yai Bada nija bä cadidofälöbä. ¿Ö̦jö tawä? Jefu tä bololo jamö a shabono cuo ja, a nia jo̦yao malä mlai. Inaja showawä, iba wamacö nia wawädowä lä dablamou wei wamacö.

Mateo 5:15

Cowa wacö ömöamaöje däjä, wöö anö wacö fe nia yojobou majöo malä mlajei. Ma, wacö i̦taobä jamö wacö nia yai i̦tabouje, yafi jamö bä lä cule bänö täbä dablabeje.

Marcos 12:9

’¿Ö̦jö tawä? —Jesús a cuma—. ¿Wedinaja wamacö bufi cuu cule? Cama a ficalibö ca lä cui, ¿wedinaja a yai nia cuaaö? Wedinaja mlai. Bä nia waicaö mö juimaö. Shomi täbä nija täca nia jöböamou majöo.

Lucas 1:17

Bada tä nijamö ijilufä a nia balöfälöö. Yai Bada a wa̦no wäyälewä Elia a bufi nö wa̦lojomabou lä cuono weinaja, inaja showawä ijilufä a bufi nö nia wa̦lojomabou cuo. Ö̦jö a wa̦ ja, bä fö̦ö ebänö bä ijilubö ebä nia nofiamaö co̦oje. Cama a wa̦ showawä ja, Yai Bada a wa̦ juaö lä mlajei bä ma cui, bä lä dodijaö wei bä bufi jaducuwä lä culenaja, bä bufi nia jaducuwä tablamaö mö feduo. Bada tä nia lä juu wei jamö a wa̦no nia taö balöablalou, a wa̦ ji̦liaö dodijidaobeje —a̦jelenö a nowa tama.

Lucas 20:16

Wedinaja mlai. Bä nia waicaö mö juimaö. Shomi täbä nija täca nia jöböamou majöo —Jesús a cuma. Ö̦jö a wa̦ fa ji̦liläjenö, cama bä a̦fa lä wayoale bä nö fa ö̦jöbömolunö, bä ushuyaimou dodijioma. —¡Inaja dicoo mlai! —bä lobe cudaliyoma.

Gálatas 5:4

Moisesi etä a̦ ja, ai wamacö nosiemamou bufi jo̦wa doblao, Yai Bada lija dodijidawä wamacö dablamobä. Inaja wamacö lä cuaaö wei wamacönö, Cristo wama a nofi taboimi majöwä. Yai Bada tänö wamacö nofi lä ojodabou wei wama etä waii dicoo.

Filipenses 2:15

Wamacö a̦fa wayoamou mlaobä. Wa̦lidiwä tä lä cui tä ja, jai mojodi wamacö cuobä. Yai Bada wama ecö ijilubö dodijidawä cuobä. ¿Ö̦jö tawä? Täbä dobloimi lä waiquii bä lijamö wamacö ma coyocoo wei ma cui, dodijidawä bä cua fe da yadiicu. Shominaja bä cuaaö nö lä quiliaö wei bä lä cui lijamö wamacö ma coyocoo wei ma cui, bä da dodija. Jai tä mö didi sublaobä jamö tä shi̦i wacacadou lä culenaja, wamacö cuobä.

Hebreos 10:32

Jesucristonö wamacö bufi lä wacacablamaleno wei däjä, wamacö dodijidawä jaba da cuoblei, tä nofi da jaducälöje. Wamacö nö bleaamaö ma dodijiono wejei ma cui, wamacö nö wa̦lojaö fe yadioma.

2 Pedro 3:17

¿Ö̦jö tawä, bämacö lä nofimale wamacö? Ö̦jö wama tä daö waiquiwä yalo bä da moyaweicu. Tä a̦ lä shomiamaö wejei bä a̦ ja wamacö mölaö fa dicoonö, ö̦jö wa̦lidiwä talewä bä nija wamacö luluamou dicoo mlaobä. Wamacö bufi shaliloimi majöa dicoicu.

Judas 1:24

Jesucristo a lä cuaano wei tänö, Yai Bada a yami cua lä ayalenö bämacö jucäaö. Dodijidawä wamacö yai tamabobä a. Wamacö shomiablalou mlai ja, cafä wamacö nija wa̦lidiwä wiisibö tä wai cua mlai ja, cama etä shi̦i lä cule jamö wamacö nia dodijidawä lä ublamabou wei, ö̦jö lä a waiquiwä. Wamacö bufi nia ca̦i doblamabou. Tä ulifi tablamou showao mlao däjä ma cui, fei däjä ma cui, obi ma cui, ö̦jö a wa̦fa doblao tamou shi wa̦libä a waiquiwä. Wawädowä a nofi Badabobeje. A nö ca̦i lojode ö̦jöböabeje. Inaja lä tä cuobä.

Apocalipsis 1:20

Jayu ya boco jamö shidicali 7 wa bä lä möfe täbä jamö, ya tä a̦ nia wawämaö, wa bufi wedinajamou mlaobä. Ö̦jö bä lä cuinö, iba 7 bä lä yododoblai etäbä bada lä läo wei täbä jömamou. Camiyänö ya ebä lämabou. Cowa 7 wacöbä cublamobä täbä lä cuinö, iba 7 bä lä yododoblai bä li jömamou mö feduo —a cuma.

Apocalipsis 16:9

Bä si ö̦shöblou yalo, Yai Bada tä wafäblamaje, cama a lojodenö bä nö bleaama yalo. ¿Ö̦jö tawä? Bä doblou lä mlai tä ja bä bufi mö yabajadonomi. Yai Bada a wa̦fa ca̦i doblao wäyänomije.

Apocalipsis 2:16

Bä bufi mö yabajadou co̦obä, o̦jö lä. Bä bufi lädoimi ja, yedu ya bä nabä nia waloyoluu. Ya sibala lä waejemabole anö, bä doblou lä mlai bä nija ya nia ishoyoluu.

Apocalipsis 2:19

’Iba Diadilateli bä lä cuaaö wei ya tä daö —a cuma—. Bä lä nofimayou wei tä ca̦i. Bä lä bejedimou wei tä ca̦i. Bä lä bayeliblayou wei ya tä ca̦i daö. Bä nö wa̦lojaö fe lä yadio wei tä ca̦i. Bä jaba lä cuaano weinaja bädawä mlai, fei däjä bä yai shino dodijaö.

Apocalipsis 2:2

Iba Efesoteli bä lä cuaaö wei ya tä daö. Bä cadidou si ijejeobä tä cua ma mlai ma cui, bä dodijaö fe yadio. Bä ma yabäcamou wei ma cui bä waiquidoimi. Bä doblou lä mlai bä lä cui bä a̦ ji̦liaimije. “Jesucristo ya wa̦fa wäyäö cuaabä yale shömölema”, bä lä cuno wei bä lä cui, bä bejedimou fa wabajenö bä jolemou dalalemaje.

Apocalipsis 3:19

’Ya bä lä nofimaö wei ya bä wasöö —a cuma—. Bä cadidobä ya bä nö ca̦i bleaamaö. Ö̦jö cudeenö, ¡lobe wale a̦ juabeje, ö̦jö lä! ¡Lobe bä bufi mö ca̦i yabajadou co̦obä!