Apocalipsis 2:4 - Biblia Yanowamö

⁴ Ö̦jö ma cui, ai etä nowa ca̦i cua. Bä jaba nofimayou lä cuono weinaja, fei däjä bä cuaaimi dicowä.

Apocalipsis 2:4 Iomraidhean Croise

Mateo 25:7

Ö̦jö däjä, bä moco fa jocäcädalunö, cowa wacöbä lä ömöamaö wejei täbä febalashi wai janölalemaje.

Filipenses 1:9

Yai Bada lija bämacö bayelimaö däjä, wamacö nofimayou balabä ya wa̦ faö talei. ¿Ö̦jö tawä? Wamacö nofimayou balaa fa dodijilönö, wamacö bufi yai jaducäblobä ya wa̦ faö. Wamacö bufi wedinajamou mlai ja, wamacö bufi shi̦lo yai walalaobä.

2 Tesalonicenses 1:3

Iba cä wamacö. Wamacö dodijaö yalo yamacö bufi doblalou. Yai Bada lija showadi yamacö bufi a̦fa doblalou wäyämobä lä, wamacö malä dodijaö wei. Jesucristo lija fei däjä wamacö mölaö malä balaimadi. Wamacö nofimayou ca̦i balaö lä cuimadi.

Apocalipsis 2:14

’Ö̦jö ma cui, ö̦jö bä nija, bolacadabö tä nowa ca̦i cua —a cuma—. Balaama a wa̦ lä cadidibou wejei ai bä coyocomabou dicoaje. ¿Ö̦jö tawä? Isaeli nodiwä bä lä cui, ö̦jö a wa̦nö Balaconö bä yaclämalema. Nö idubö täbä ja bä nii lä dodobou wejei bä nii ja, bä nö liyamama. Bä nofi beshili ca̦i jushublalobä bä bufi taamama.

Apocalipsis 2:20

’Ö̦jö ma cui, ai etä nowa ca̦i cua —a cuma—. Jesabela a wa̦fa suwä lä cule, a wasöboimije. Yai Bada a wa̦no wäyälewä a wa̦fa suwä ma jilou wei ma cui, a jolemou. Tä a̦ lä wäyäö wei tä a̦nö, wale a̦ lä juaö wejei bä mölamaö. Bä nofi beshili jushublalobä, bä bufi taamaö. Nö idubö täbä lä bufiblamou wei täbä ja, bä nii fa dodobojenö, ö̦jö bä nii ja bä nö liyamaö dicoo.